Juan 7:28

Ñanderuete Ñe’ẽ Porã 2015

Upévove Hesu oñe’ẽ hatã Ñanderuete rogaguasúpe ha he’i: Peẽ chekuaa porã chéve, ha peikuaa porã avei mamoguápa Che, Che ndajúi chejehegui reínte, oĩ ningo pe chembouva’ekue, ha ichupe peẽ ndapeikuaái.

Referencias Cruzadas

Salmokuéra 9:10

Upévare umi oikuaáva nde réra ojerovia nderehe, Nde, ore Ruete, nderepoírigui umi nderekávagui.

Jeremías 31:34

Ha avave nombo’emo’ãvéi hapichápe térã ipehẽnguekuérape, he’ívo: Eikuaána Ñanderuetépe, mayma chekuaa porã voi, pe imichĩvéva guive pe ituichavéva peve, he’i pende Ruete; aperdonáta iñañangue, ha nachemandu’amo’ãvéima hembiapo vaikuéra rehe.

Jeremías 9:6

Ha’ekuéra oikohápe oĩ ñembotavy, oñombotavy haguére ndachekuaaséi hikuái, he’i pende Ruete,

Oséas 4:1

Israel ra’ykuéra pehendúke Ñanderuete ñe’ẽ, Ha’e voi oñorãirõta hetãyguakuéra ndive, Israelguakuéra opoi haguére pe añeteguágui, pe mborayhu ha ijeroviágui.

Oséas 5:4

Hembiapo vaieta rupi ndojevykuaái Ijára rendápe, aña pytu vai oikógui ipy’apýpe ndoikuaasevéima Ijarateépe.

Matéo 11:27

Opaite mba’e, che Ruete omoĩmba che pópe. Avave ndoikuaái pe Ta’ýrape, pe Túva añómante; ha avave ndoikuaái pe Túvape, pe Ta’ýra añómante ha pe Ta’ýra oikuaaukasévape avei.

Matéo 2:23

Ha oho pe távape hérava Nazaret, oiko hag̃ua pe proféta he’iva’ekue: Oñemboherava’erã ichupe Nazaretgua (Isaías 11,1; 53,2).

Matéo 26:55

Upévo Hesu he’i umi tapichakuérape: Ku mondaha rekavoguáicha piko pesẽ kyse puku ha yvyra akua reheve cheapresa hag̃ua. Hetaite árape ningo aguapy Ñanderuete rogaguasúpe aporombo’e hag̃ua ha peẽ ndacheapresaiva’ekue.

Lúcas 10:22

Opaite mba’e che Ruete omoĩma che pópe. Avave ndoikuaái pe Ta’ýrape, pe Túvamante. Ha avave ndoikuaái pe Túvape, Ita’ýramante, ha Ha’e oikuaaukasévapemante oikuaaukáta.

Lúcas 2:11

Onaceramoite peẽme g̃uarã pe salvador Hesu Crísto, David táva Belénpe.

Lúcas 2:39

Ha Jose ha María ojapopa rire Moises rembiapoukapykuéra he’íva guive, oho jevy hikuái itáva Nazarétpe, opytáva Galiléa departaméntope.

Lúcas 2:4

Upévarehe Jose oho avei Nazaret, Galiléa peguágui, Belen, David távape, opytáva Juda departaméntope, ha’égui David ñemoñare ha Juda tribuguágui.

Lúcas 2:51

Ko’ã mba’e rire Hesu ojevy hendivekuéra Nazarétpe, ha oiko ipoguýpe. Isy katu oñongatu opaite mba’e ipy’apýpe.

Juan 1:46

Ha Natanael oporandu Felípepe: Osẽnepa Nazarétgui mba’eporã. Ha Felípe he’i ichupe: Ejumína ha ndete voi, ehecha ichupe.

Juan 10:36

Pe Ñanderuete oiporavóma ha omboumava’ekuépe ko yvy ape ári piko peẽ pejéta ichupe: Nde reñe’ẽvai, ere haguére: Che ningo Ñanderuete Ra’y.

Juan 12:49

Chejehegui rei nda’éi mba’evete, che Ruete chembouva’ekue ñe’ẽ ambohasa jevy hag̃uánte peẽme aju, umi ñe’ẽ Ha’e omoĩva che jurúpe Che añe’ẽ ha aporombo’emanteva’erã.

Juan 14:10

Nderegueroviái piko, Che aĩha che Ruetepype, ha che Ruete oĩha chepype, ko’ã ñe’ẽ ko’ãva Che ha’éva guive, nañe’ẽi chejehegui reínte, pe che Ru chepype, oĩva uvei, Ha’e voi ningo pe ojapóva pe tembiapo Che ajapóva.

Juan 14:31

Opaite ko’ã mba’e ojehútava guive che renonderãme, ojehu tetãyguakuéra oikuaa porã hag̃ua Che ahayhuha che Ruetépe, ha ajapopataha Ha’e he’iva’ekue guive chéve. Pepu’ã katu, ha jaha ko’águi.

Juan 16:3

Ko’ã mba’e ojapóta hikuái ndoikuaa porãigui Ñanderuetépe ni chéve.

Juan 17:25

Che Ruete, nde reko ningo iporãite, tetãyguakuéra apytépe heta ningo nandekuaáiva, oĩ katu umi ndekuaáva, Che roikuaa háicha ndéve ha ha’ekuéra oikuaáma Nde voi chembou hague ko yvy ári.

Juan 17:3

Ha pe tekove tapia g̃uarãva ningo kóva: Tandekuaa hikuái ndéve, Ndémante Ñanderuete añeteguáva, ha toikuaa avei pe Nde rembouva’ekue, Hesu Crísto.

Juan 3:2

Nicodémo ou pyhare jave Hesu rendápe, ha he’i ichupe: Mbo’ehára, ore ningo roikuaa rejuha Ñanderuetégui reporombo’e hag̃ua, avavete ndaikatúigui ojapo ko’ã techaukaha (señal) Nde rejapóva, Ñanderuete oĩ’ỹrõ hendive.

Juan 3:33

Upe ohendúva ichupe ha ojeroviáva iñe’ẽre, upévamante omoañete Ñanderuete ñe’ẽ.

Juan 5:32

Ambue katu omoañete che ñe’ẽ ha oiko che rechahare ramo, ha opaite mba’e Ha’e he’íva guive cherehe hi’añete ha hekoitépe.

Juan 5:43

Che aju che Ru rérape, ha peẽ nachemog̃uahẽi, ambue katu ou ramo héra reípe, upévape peẽ pemog̃uahẽ porãta (pe anticrísto).

Juan 6:42

Ha he’i hikuái: Kóvapa ndaha’éi Jose ra’y. Jaikuaa ningo itúva ha isýpe, mba’éicha rupi piko Ha’e ikatu he’i: Che aguejy yvágagui.

Juan 7:14

Ha pe arete mbytépe Hesu oike Ñanderuete rogaguasúpe oporombo’e hag̃ua.

Juan 8:14

Hesu katu ombohovái ichupekuéra he’ívo: Che apyta ramojepe che rechaharetee ramo, che ñe’ẽ hi’añete, Che aikuaa moõguipa aju ha aikuaa avei moõpa Che aháta. Peẽ katu ndapeikuaái mávaguipa Che aju, ni mo’õpa Che aháta.

Juan 8:16

Ha Che ambojovake rire, che ñembojovake hekoitepeva’erãmo’ã, ndache añóigui, che Ru chembouva’ekue oĩ avei chendive.

Juan 8:19

Upémaramo he’i hikuái Hesúpe: Moõpa oime nde Ru. Hesu katu ombohovái ichupekuéra: Peẽ ningo ndachekuaái, ni ndapeikuaái che Ruetépe. Peẽ chekuaa rire peikuaava’erãmo’ã avei che Ruetépe.

Juan 8:26

Heta mba’e ningo ha’eva’erã penderehe ikatúvaambojovake. Pe chemboúva ningo ha’e pe añetegua, ha Che ahendúva guive ichugui, upévante ambohasa tetayguakuérape.

Juan 8:42

Upérõ Hesu he’i ichupekuéra: Ñanderuete rire pende Jára, peẽ cherayhuva’erãmo’ã, Che ajúgui Ñanderuetégui, Ha’e chemboúgui, Che ndajúi chejehegui reínte.

Juan 9:29

Ore ningo roikuaa porã Ñanderuete oñe’ẽ hague Moiséspe; kóva katu ndoroikuaái mamoguarépa ha’e.

Apostolkuéra 17:23

Ahasávo pende jára rogakuéra rupi ahecha peteĩ kuave’ẽmby renda, ojehaihápe: Pe jára ojekuaa’ỹvape g̃uarã. Upe Jára peẽ peikuaa’ỹva, péva che aikuaaukase peẽme.

Romayguakuérape 1:28

Ha’ekuéra opoi haguére Ñanderuetégui, Ñanderuete opoi avei ichuguikuéra, ha oñeme’ẽ hikuái ipy’apy rembipota ky’a vaípe, ojapo hag̃ua umi mba’e ojejapo’ỹva’erãva,

Romayguakuérape 3:4

Mba’evéicharamo, upéva rãngue ja’eva’erã: Ñanderuete tapia he’iha pe añeteguáva, ha ñande kuimba’e ha kuña ñandejapuñaína. Ñanderuete kuatiañe’ẽme he’i voi: Ñanderuete ñe’ẽ hi’añete ha Ha’e ombopoguy opaite umi oñemoĩva hese iñembojovake hekoite pegua rupi (Salmokuéra 51,6; ha Salmokuéra 116,11).

2 Corintoyguakuérape 1:18

Ñanderuete oikuaa porã katu ore ñe’ẽ peẽme g̃uarã ndaha’eiha peteĩ jevýpe: néi ha tove (heẽ ha nahániri).

2 Corintoyguakuérape 4:6

Ñanderuete he’i voi ikuatiañe’ẽme: Pytũhágui tohesape pe tesape, (Génesis 1,3). Ha’e voi ohesape avei ñande py’apy jahechakuaa hag̃ua Ñanderuete reko jajaipa Hesu Crísto rova rupi.

Títope 1:2

Ñaha’ãrõñaína pe tekove tapia g̃uarãva, Ñanderuete ndaikatúi ijapu, oprometeva’ekuégui umi ára atyguasu mboyve.

hebreoyguakuerape 6:18

Upéicha, mokõi mba’e noñemoambuéiva rupi Ñanderuete ohechaukase Ha’e ndaikatuiha ijapu, ha Ha’e ñanemoangapyhyse, upévare jajejoko hatãve jahávo pe esperánza rehe jarekóva Ha’érupi.

1 Juan 5:10

Pe ojeroviáva Ñanderuete rehe oguereko ipype iñe’ẽ añeteguáva, ha pe ojerovia’ỹva katu ombojapu Ñanderuetépe, ndojeroviáigui Ñanderuete ñe’ẽre, Ha’e he’iva’ekue Ita’ýra rehe.

1 Samuel 2:12

Eli ra’ykuéra ningo kuimba’e iñañáva ha ndojeroviáiva Ñanderuete rehe.