Juan 7:1

Ñanderuete Ñe’ẽ Porã 2015

Ko’ã mba’e rire Hesu oguata ágotyo pégotyo Galiléa yvýre, ndoikoséi Juda yvýpe, Judayguakuéra ojukaségui ichupe.

Referencias Cruzadas

Matéo 10:23

Peñemuña ramo peteĩ távagui pekañy ambue távape; añetehápe Che ha’e peẽme, ndapejapopamo’ãi pene rembiapo Israel tavakueraha rupi, ou mboyve yvyarigua Ra’y.

Matéo 21:38

Ha imba’apoharakuéra ohechávo ita’ýrape, he’i ojupe hikuái: Kóva ningo ko yvy jararã; peju jajuka, ha japyta imba’e rãngue reheve.

Márcos 11:18

Ha pa’i ruvichakuéra ha umi kuatia haihára ohendu ko’ã mba’e ha oheka mba’éichapa ojukáta Hesúpe, okyhyjégui ichugui hikuái, umi Israel tavaygua ohecharamoitégui imbo’epy.

Juan 1:19

Ko Juan ningo pe techahare he’imava’ekue pa’i ha Leviguakuérape, ouva’ekue hendápe Jerusaléngui, oporandu hag̃ua ichupe: Máva piko nde.

Juan 4:3

Hesu osẽ Juda departaméntogui, ha oho jevy Galiléape.

Juan 4:54

Ko milágro kóva ningo Hesu ojapova’ekue, og̃uahẽ riréma Judágui Galiléape.

Juan 6:1

Ko’ã mba’e rire, Hesu ohasa Galiléa yguasu mboypýri, hérava avei Tibérias yguasu.

Juan 7:11

Judayguakuéra katu oheka ichupe pe aretehápe, ha he’i: Moõpa oime pe kuimba’e péva.

Juan 7:13

Opáichavo avave noñe’ẽ hatãi mba’eve hese, okyhyjégui Judaygua myakãharakuéragui.

Juan 7:19

Moises piko nome’ẽiraka’e peẽme Ñanderuete rembiapoukapykuéra. Ha avave pende apytégui ndojapói hekópe Ñanderuete rembiapoukapykuéra. Mba’érehepa peñeha’ãha chejuka hag̃ua.

Juan 7:25

Upérõ oĩmimi ijapytépe oporandúva: Ndaha’éi piko kóva upe ojehekáva ojejuka hag̃ua.

Juan 7:35

Upémaramo umi Judaygua oñeporandu joa: Moõ piko ohóta kóva ikatu’ỹ hag̃ua jajohu ichupe. Ohose piko Grécia retãme ohekombo’e hag̃ua Greciayguakuérape.

Juan 8:37

Che ningo aikuaa porã voi peẽ Abraham ñemoñareha, upeichavéramo jepe peẽ peñeha’ã chejuka hag̃ua, peẽ napemoingéigui che ñe’ẽnguéra pende py’apýpe.

Juan 8:40

Peẽ katu peñeha’ãmba chejuka hag̃ua, Che ningo peteĩ kuimba’e ambohasáva peẽme pe añeteguánte, Che ahenduva’ekue che Ruetégui; ko’ã mba’e Abraham voi ndojapoiva’ekue.

Apostolkuéra 10:38

Ha mba’éichapa Ñanderuete omyenyhẽ Hesu Crístope Pytu Porãmbávagui ha pu’akágui, omonguera hag̃ua hasývape ha omosẽ mba’epochykuérape, opaite ko’ã mba’e ojehu Ñanderuete oĩgui Hesu Crísto ndive.