Juan 6:68

Ñanderuete Ñe’ẽ Porã 2015

Simon Pédro katu he’i ichupe: Ore Jára, máva rendápe piko rohóta. Ne ñe’ẽ ningo oporomoingovéva tapia g̃uarã,

Referencias Cruzadas

Salmokuéra 73:25

Nde’ỹre, mba’éiko arekóta yvágape. Ha nde’ỹre mba’eve ndaipotái ko yvy ape ariguágui.

Matéo 16:16

Ha Simon Pédro ombohovái he’ívo: Nde ningo pe Crísto, Ñanderuete oikovéva Ra’y.

Márcos 8:29

Upérõ katu oporandu ichupekuéra: Ha peẽ, mba’épa peje Che ha’eha. Ha Pédro he’i: Nde ningo pe Crísto.

Lúcas 9:20

Upérõ Hesu oporandu ichupekuéra: Ha mba’épa peẽ peje cherehe. Ha Pédro ombohovái ha he’i: Nde ningo pe Crísto, Ñanderuete ombouva’ekue.

Juan 12:49

Chejehegui rei nda’éi mba’evete, che Ruete chembouva’ekue ñe’ẽ ambohasa jevy hag̃uánte peẽme aju, umi ñe’ẽ Ha’e omoĩva che jurúpe Che añe’ẽ ha aporombo’emanteva’erã.

Juan 12:50

Ha Che aikuaa porã umi ñe’ẽ Ha’e oikuaaukáva chéve ha’e pe tekove tapia g̃uarãva. Ha umi ñe’ẽ Che añe’ẽva, Ha’e he’iukapa chéve.

Juan 17:8

Opaite ñe’ẽ ambohasámava ichupekuéra, ha’ekuéra ojapyhy porãma, ohechakuaa porãgui Che añetehápe aju hague ndehegui, ha ogueroviáma hikuái Nde chembou hague.

Juan 5:24

Añetehápe, añetehápe, Che ha’e peẽme: Upe ohendúva ha ojeroviáva pe chembouva’ekue rehe, oguerekóma pe tekove tapia g̃uarãva, noñecondenamo’ãi, ohasámagui omanóva apytégui oikovéva apytépe g̃uarã.

Juan 6:40

Kóva ningo che Ruete rembipota, opavave ohecháva guive Ita’ýrape ha ojeroviáva guive hese oguerekóma pe tekove añeteguáva ko ára atyguasúpe ha Che amoingove hag̃ua ichupekuéra pe ára pahápe.

Juan 6:63

Pe Pytu Porãmbáva ningo oporomoingove, pe tete año ndovaléi mba’eve. Ko’ã ñe’ẽ Che ha’éva guive Ipytu Porãteéva ha ogueru pe tekove añeteguáva.

Apostolkuéra 13:26

Che ryvykuéra, Abraham ñemoñare ra’ykuéra ha peẽ pekyhyjéva Ñanderuetégui, peẽme g̃uarã oñembou ko Hesu Crísto evangélio.

Apostolkuéra 4:12

Ambue rupi ndaipóri salvacion, ndaipórigui ambue téra ára guýpe ikatuva’erãva rehe jajesalva.

Apostolkuéra 5:20

Tapeho Ñanderuete rogaguasúpe ha pemombe’u opavavépe Hesu Crísto evangélio, pe tekove rape rehegua.

Apostolkuéra 7:38

Kóva ningo pe oĩva’ekue ñande ypykuéra atýpe desiértope, pe ángel ndive, oñe’ẽva ichupe pe cérro Sinai ru’ãme ha ñande rukuéra ndive, ha ichupe oñeme’ẽ tekove ñe’ẽnguéra ombohasa hag̃ua ñandéve.

Apostolkuéra 8:37

Ha Felípe he’i ichupe: Nde rejerovia ramo nde py’aite guive, ikatu. Upérõ ha’e ombohovái ha he’i: Arovia Hesu Crísto Ñanderuete Ra’yha.