Juan 6:57

Ñanderuete Ñe’ẽ Porã 2015

Chembou haguéicha che Ruete oikovéva, ha Che aikove háicha che Ruete rupi, upéicha avei pe che retégui ho’uva, oikovéta avei chérupi.

Referencias Cruzadas

Salmokuéra 18:46

Toikove Ñanderuete, toñemomba’eguasu che Járape ha toñemboete che salvadórpe.

Jeremías 10:10

Ñanderuete katu yvyariguakuéra Jára añeteteguáva; ha’énte pe Jára oikovéva ha Tetã ruvichaguasu ijapyra’ỹva; Ha’e ipochy vove oryrýi ko yvy, ha umi tetã ndogueropu’akái ipochy.

Matéo 16:16

Ha Simon Pédro ombohovái he’ívo: Nde ningo pe Crísto, Ñanderuete oikovéva Ra’y.

Juan 14:19

Ndahi’arevéima yvyariguakuéra ndacherechamo’ãvéi, peẽ katu cherecháta, Che aikovégui peẽ peikovéta avei.

Juan 14:6

Hesu he’i ichupe: Che ningo pe tape, pe añetegua ha pe tekovete, avave ndaikatúi og̃uahẽ che Ruete rendápe cherehe’ỹ. Cherupímante uvei ikatu oñeg̃uahẽ Ñanderuete rendápe.

Juan 17:21

Opavavete oiko hag̃ua oñondive peteĩ py’ápe, Nde reiko háicha chepype, ha Che aiko háicha ndepype, upéicha ha’ekuéra oiko hag̃ua avei ñandepype, yvyariguakuéra oguerovia hag̃ua Nde chembou hague.

Juan 3:17

Ñanderuete ningo nomboúi ita’ýrape ko yvy ape ári ombojovake hag̃ua kuimba’e ha kuñakuérape, osalva hag̃ua uvei opavave ojeroviávape guive hese.

Juan 5:26

Pe Túva oikove háicha ijehegui voínte, péicha ome’ẽ avei Ita’ýrape pe tekove (añeteguáva) oikove hag̃ua avei ijehegui.

Juan 6:29

Hesu ombohovái ichupekuéra ha he’i: Kóva ningo Ñanderuete rembipota: Peẽ pejerovia hag̃ua Ha’e ombouva’ekue rehe.

Juan 6:38

Che ningo aju yvágagui, ajapo hag̃ua hekópe chembouva’ekue rembipota.

1 Corintoyguakuérape 15:22

Adan angaipa vai rupi opaite kuimba’e ha kuñakuéra omanova’erã, Hesu Crísto rembiapo porã rupi katu oñemoingovepa jevýta.

1 Corintoyguakuérape 15:45

Upéicha ojehaiva’ekue pe Adan peteĩha oñemoingove peteĩ ánga oikóva reheve, pe Adan ipaha pegua katu Pytu Porã oporomoingovéva reheve.

2 Corintoyguakuérape 13:4

Hesu Crístope oñemoĩ kurusúre Ha’e ikangy jave, ko’ág̃a katu oikove jevy Ñanderuete pu’aka rupi. Upéicha ore kangy ramojepe avei, orembarete hendive Ñanderuete pu’aka rupi peẽme g̃uarã.

Galaciayguakuérape 2:20

Che añembokurusúmagui Hesu Crísto ndive, ndaikovéima che, Hesu Crísto oikógui chepype. Che aikove ramojepe che ro’ópe, aikove che jerovia rupi Ñanderuete Ra’y rehe, Ha’e cherayhúgui ha oñeme’ẽmava’ekue che aikove hag̃ua Ha’érupi.

1 Tesalonicayguakuérape 1:9

Ha’ekuéra voi ningo omombe’úta mba’éichapa peẽ oremog̃uahẽ porãva’ekue pende apytépe ha mba’éichapa peẽ pepoi pende jára gua’úgui, pejerovia hag̃ua Ñanderuete oikovéva ha añeteguáva rehe,

hebreoyguakuerape 9:14

Hesu Crísto katu ome’ẽ huguy, ho’a’ỹre angaipápe, Ñanderuete Pytu Porãite pu’aka tapia g̃uarãva rupi, ha huguy ningo pe kuave’ẽmby añeteguávante Ñanderuetépe g̃uarã, upévare Ha’émante omopotĩva’erã ñande py’apyñe’ẽ ñane angaipágui jaservi hag̃ua Ñanderuete oikovévape.

1 Juan 4:9

Ñanderuete ohechauka imborayhu ñandéve g̃uarã omboúvo Ita’ýra peteĩmívape ko yvy apére, ñande jaikove hag̃ua Ha’érupi tapiaite g̃uarã.