Juan 6:51

Ñanderuete Ñe’ẽ Porã 2015

Che ningo pe pan oporomoingovéva ha oguejyva’ekue yvágagui, upe ho’úva ko pan oikovéta tapiaite, ko pan che ame’ẽtava yvyariguakuéra rekoverã rehehápe, che ro’oite voi ningo.

Referencias Cruzadas

Matéo 20:28

Yvyarigua Ra’y ndoúi haguéicha oporojokuái hag̃ua, ou uvei oiko hag̃ua tembiguái ramo ha ome’ẽ hag̃ua hekove heta rehehápe.

Lúcas 22:19

Ha ojapyhy pe pan ha oagradece rire, oipehe’ã ha ome’ẽ ichupekuéra he’ívo: Kóva ningo che rete oñeme’ẽtava penderehe. Pejapóke kóicha peñemomandu’a hag̃ua cherehe.

Juan 1:14

Ha pe Ñe’ẽ oñemboho’o ha oikóma ñande apytépe kuimba’e ramo, ha ore rohecha heko jajaipa, Ñanderuete Ra’y peteĩetéva reko jajaipa, henyhẽva jeporiahuvereko (mborayhu) ha añeteguágui.

Juan 1:29

Ambue árape ha’e ohecha Hesu Crístope, ouvahína hendápe, ha Juan he’i: Pema’ẽ porãke, péva ningo Ñanderuete Ovecha Ra’y oipe’áva tetãyguakuéra angaipa.

Juan 11:26

Ha opaite oikovéva ha ojeroviáva cherehe, nomanomo’ãi tapia g̃uarã. Regueroviápa ko’ã mba’e.

Juan 3:13

Avave ndojupíri yvágape, upe yvágagui oguejyva’ekuémante, ha kóva ningo pe yvyarigua Ra’y, (Daniel 7,13).

Juan 3:14

Ha Moises omopu’ã haguéicha peteĩ mbói ra’ãnga desiértope, upéicha oñemopu’ãva’erã avei pe yvyarigua Ra’y,

Juan 3:16

Ñanderuete ohayhuetégui opaite tetãyguakuérape Ha’e ome’ẽ Ita’ýra peteĩetévape, opaite ojeroviáva guive hese ani hag̃ua oñehundi, oguereko hag̃ua uvei pe tekove tapia g̃uarãva.

Juan 3:36

Pe ojeroviáva Hesu Crísto rehe oikove tapia g̃uarã, upe iñe’ẽrendu’ỹva Hesu Crístope katu ndohechamo’ãi pe tekove tapia g̃uarãva, Ñanderuete ñemyrõ ha ijehavirarã (icastigorã) ndojeimo’ãi ichugui.

Juan 5:24

Añetehápe, añetehápe, Che ha’e peẽme: Upe ohendúva ha ojeroviáva pe chembouva’ekue rehe, oguerekóma pe tekove tapia g̃uarãva, noñecondenamo’ãi, ohasámagui omanóva apytégui oikovéva apytépe g̃uarã.

Juan 6:33

Ñanderuete pan ningo oguejyva’ekue yvágagui ha ome’ẽ pe tekove añetéva tetãyguakuérape.

Juan 6:35

Upémaramo Hesu he’i ichupekuéra: Che voi ningo pe pan oikovéva, oimeraẽva oúva guive che rendápe naiñembyahyimo’ãi araka’eve, ha ojeroviáva guive cherehe, máramo ndaijy’uheimo’ãvéi.

Juan 6:41

Israelguakuéra oñe’ẽngururu ha oñe’ẽ vai Hesu rehe Ha’e he’i haguére: Che ningo pe pan oguejyva’ekue yvágagui.

Juan 6:47

Añetehápe, añetehápe, ha’e peẽme: Pe ojeroviáva cherehe oguerekóma pe tekove tapia g̃uarãva.

Juan 6:48

Che ningo pe pan oporomoingovéva.

Juan 6:50

Kóva ningo pe pan oguejýva yvágagui, ha upe ho’úva kóva nomanomo’ãi.

Juan 7:38

Upe ojeroviáva cherehe, Ñanderuete kuatiañe’ẽ he’i háicha, ipy’apýgui osyrýta y tuicha sakã oporomoingovéva.

2 Corintoyguakuérape 5:19

Ñanderuete oĩgui Hesu Cristopype, ombopy’apeteĩ jevy hag̃ua tetãyguakuérape hendive, upévare Ha’e operdona ñane rembiapo vai ha omoĩ ñande pópe ko perdon rehegua ñe’ẽ.

2 Corintoyguakuérape 5:21

Ñanderuete ñanderayhúgui omoĩ Hesu Crísto ári ñane angaipa, jahupity hag̃ua Hesu Crísto rupi pe teko ipotĩva ha ovaléva Ñanderuete renondépe.

Efesoyguakuérape 5:2

Ha peiko mborayhúpe, Hesu Crísto ñanderayhu haguéicha ha upévare Ha’e oñeme’ẽma ñane rendaguépe peteĩ me’ẽmby ha kuave’ẽmby ramo hyakuã porãva Ñanderuetépe g̃uarã.

Efesoyguakuérape 5:25

Peẽ, menakuéra, pehayhúke pene rembirekópe Hesu Crísto ohayhu háicha ijiglésiape ha Ha’e voi oñeme’ẽ omano hag̃ua ijiglésia rehehápe.

Títope 2:14

Ha’e voi ome’ẽ hekove ñandesalva ha ñandepe’a hag̃ua aña reko vaígui, ñanemopotĩ ha jaiko hetã potĩva ramo ichupe g̃uarãnte, ha ñande ñanekyre’ỹve jahávo jajapo hag̃ua tembiapo porã.

hebreoyguakuerape 10:20

Hesu Crísto ombosako’i ñandéve g̃uarã peteĩ tape pyahu ha oikovéva rehegua Ha’e omondoro ramoguare pe aosãingo (cortína) oĩva pe kotyguasu renondépe, oñemboykéva Ñanderuete ha pa’iguasúpe g̃uarã, Ha’e oikuave’ẽ hag̃ua ñandéve g̃uarã hekovetee.

1 Pédro 2:4

Peñemboja Hesu Crísto rehe, Ha’e voi ningo pe itaguasu oikovéva, tetãyguakuéra omboykemava’ekue ovale’ỹvaicha, Ñanderuete katu oiporavo ichupe (omopu’ã hag̃ua hi’ári ijiglésia).

1 Juan 2:2

Ha’e ningo pe kuave’ẽmby ñanembopy’apeteĩ jevýva Ñanderuete ndive, oipe’ávo ñane rembiapo vaikue, ha nañaneangaipái año ñanerembiapo vai, opavave yvyarigua hembiapo vai avei.

1 Juan 4:10

Pe mborayhu añeteguáva ou Ñanderuetégui, ha péicha ojehechauka ñandéve: Nañande raẽi jahayhu Ñanderuetépe, Ha’e raẽ uvei ñanderayhu, omboúvo Ita’ýra operdona hag̃ua ñane rembiapo vaikue (angaipa).

1 Juan 4:14

Ha ore rohecha ha roikuaaukaroína pe Túva ombou hague Ita’ýrape osalva hag̃ua tetãyguakuérape.