Juan 6:44

Ñanderuete Ñe’ẽ Porã 2015

Avave ningo ndaikatúi ou che rendápe ogueru’ỹ ramo ichupe che Ru chembouhare, ha Che amoingovéta ichupe pe ára pahápe.

Referencias Cruzadas

Cantar de los cantáres 1:4

Chererahána pya’e nde rapykuéri. Pe tetã ruvicha chemoinge ikotykuérape: Javy’aite ha ñandepy’a roryete hag̃ua. Ne mborayhu iporãve vínogui: Ndareíri ha’ekuéra nderayhu.

Jeremías 13:23

Pe Etiopiaygua piko ikatúne omboje’o ipire hũngue, ha pe jaguarete ipire para. Ha upéicha avei, ikatúnepa peẽ pejapo mba’eporã, pejepokuaavapeína mba’evai apópente.

Jeremías 31:3

Ymaite guivéma Ñanderuete oñeñanduka chéve, ha he’i: Che rohayhuete, mborayhu apyre’ỹme, upévagui roiporiahuvereko tapia g̃uarã.

Oséas 11:4

Mborayhu sãme opyta porã hag̃uáicha Che aruse ichupekuéra che rendápe, ha Che ahupimi icangálla ijajúragui ivevuive hag̃ua, ha Che añemboyke hendapekuéra amongaru hag̃ua ichupekuéra.

Matéo 12:34

Peẽ mbói ñemoñare. Mba’éichapa peñe’ẽkuaáta mba’eporã, peẽ peneñaña ramo. Umi mba’e omyenyhẽva ñande py’apy, umíva katuete osẽ jevy ñande jurúgui.

Matéo 16:17

Upévo Hesu ombohovái ha he’i ichupe: Revy’aite nde Simon, Jonas ra’y, ndaha’éigui to’o térã tuguy ohechauka ndéve ko mba’e kóva, Che Ru yvága pegua añónte uvei.

Juan 12:32

Ha Che añemopu’ã rire ko yvy árigui amog̃uahẽta opavavépe che rendápe.

Juan 5:44

Mba’éicha piko ikatu pejerovia, peẽ voi peñembotuicha ramo oñondive, ha pe ñembotuicha oúva Ñanderuetégui ndapehekái.

Juan 6:43

Hesu katu ombohovái ichupekuéra: Anítei peñe’ẽngururupa oñondivekuéra, ni peñe’ẽvai cherehe.

Juan 6:45

Pe proféta Isaías he’i voi: Ñanderuete ohekombo’epáta ichupekuéra. Ha opavave ohendúva guive Ñanderuetépe ha oñehekombo’éva Ha’érupi, katuete oúta che rendápe, (Isaías 54,13).

Juan 6:65

Ha upévare Hesu he’i: Avavete ndaikatúi ou che rendápe Che Ruete ndoguerúi ramo ichupe.

Juan 8:43

Mba’érehe piko ndapehechakuaái ko che ñe’ẽ kóva, peẽ napehenduséigui che ñe’ẽ.

Filipoyguakuérape 1:29

Peẽme oñeme’ẽ pejerovia hag̃ua Ñanderuete rehe, Hesu Crísto rupi, ha oñeme’ẽ avei pehasa asy hag̃ua hesehápe,

Colosayguakuérape 2:12

ha péva ojehu peẽ peñeñotỹgui hendive, pe bautísmo rupi. Ha’érupi peẽ penace jevy pejeroviágui Ñanderuete pu’aka tuichaitéva rehe ha Ha’e omoingoveva’ekue Hesu Crístope omanómava apytégui.