Juan 6:40

Ñanderuete Ñe’ẽ Porã 2015

Kóva ningo che Ruete rembipota, opavave ohecháva guive Ita’ýrape ha ojeroviáva guive hese oguerekóma pe tekove añeteguáva ko ára atyguasúpe ha Che amoingove hag̃ua ichupekuéra pe ára pahápe.

Referencias Cruzadas

Isaías 52:10

Ñanderuete omopu’ã ijyva heko porãvape g̃uarã mayma tetãnguéra resa renondépe, ha umi yvy apýra guive ohecháta Ñanderuete pu’aka ha isalvacion.

Isaías 53:2

Ha’e okakuaa henondépe ku mba’e roky pyahúicha, ha yvyra rapóicha yvy perõme, Ha’e naiporãi ha ndoguerekói ijehe mba’e iporãva ñama’ẽ hag̃ua hese. Hova ha hete rehe ndaipóri mba’eve iporãva ñande jaipotaiterei hag̃uáicha.

Números 21:9

Ha Moises ojapo peteĩ mbói bróncegui ha omoĩ peteĩ yvyra puku rehe; ha umi ojesu’uva’ekue oma’ẽvo pe mbói bronceguigua rehe okuera.

Matéo 10:15

Añetehápe Che ha’e peẽme upe ñembojovakeha árape ivevuivéta pe jehavira Sodóma ha Gomórra retãme g̃uarã, umi táva umívape g̃uarãgui.

Matéo 25:46

Ha ãva ohóta pe jehavira (castígo) ijapyra’ỹvape, ha umi heko potĩva katu pe tekove ijapyra’ỹvape (Daniel 12,2).

Márcos 16:16

Ha upe ojeroviáva ha ojebautizaukáva ojesalváta ha upe ojerovia’ỹva cherehe oñehundiva’erã.

Lúcas 2:30

che resakuéra ohechágui Israel Salvador.

Juan 1:14

Ha pe Ñe’ẽ oñemboho’o ha oikóma ñande apytépe kuimba’e ramo, ha ore rohecha heko jajaipa, Ñanderuete Ra’y peteĩetéva reko jajaipa, henyhẽva jeporiahuvereko (mborayhu) ha añeteguágui.

Juan 10:28

Ha Che ame’ẽ ichupekuéra tekove tapia g̃uarãva, ha noñehundimo’ãi máramo, ha avavete ndoipe’amo’ãi ichupekuéra che pógui.

Juan 11:24

Ha Márta ombohovái ichupe: Aikuaa ha’e oikove jevytaha, Ñanderuete oporomoingove jevypávo pe ára pahápe.

Juan 11:25

Upérõ Hesu he’i ichupe: Che ningo pe jeikove jevy ha pe tekovete. Oimeraẽ ojeroviáva guive cherehe, omano ramojepe, oikove jevyva’erã.

Juan 12:45

ha upe cherecháva, ohecha avei pe chembouva’ekuépe.

Juan 12:50

Ha Che aikuaa porã umi ñe’ẽ Ha’e oikuaaukáva chéve ha’e pe tekove tapia g̃uarãva. Ha umi ñe’ẽ Che añe’ẽva, Ha’e he’iukapa chéve.

Juan 14:17

Pe Pytu Añeteguáva, ko múndo ndaikatúi orecibi, ha’ekuéra ndohecháigui ni ndoikuaáigui ichupe. Peẽ katu peikuaa ichupe, Ha’e opytátagui penendive ha oikova’erã pendepype.

Juan 14:19

Ndahi’arevéima yvyariguakuéra ndacherechamo’ãvéi, peẽ katu cherecháta, Che aikovégui peẽ peikovéta avei.

Juan 17:2

Nde reme’ẽ ichupe pu’aka opavave yvyariguakuéra rehe, Ha’e ome’ẽ hag̃ua ndérupi ichupekuéra pe tekove tapia g̃uarãva.

Juan 3:36

Pe ojeroviáva Hesu Crísto rehe oikove tapia g̃uarã, upe iñe’ẽrendu’ỹva Hesu Crístope katu ndohechamo’ãi pe tekove tapia g̃uarãva, Ñanderuete ñemyrõ ha ijehavirarã (icastigorã) ndojeimo’ãi ichugui.

Juan 4:14

Upe hoy’úva pe y oporomoingovéva Che ame’ẽtavagui ndaijy’uheivéima araka’eve. Pe y Che ame’ẽtava oporomoingovégui tapia g̃uarã.

Juan 5:24

Añetehápe, añetehápe, Che ha’e peẽme: Upe ohendúva ha ojeroviáva pe chembouva’ekue rehe, oguerekóma pe tekove tapia g̃uarãva, noñecondenamo’ãi, ohasámagui omanóva apytégui oikovéva apytépe g̃uarã.

Juan 6:27

Ani peñeha’ã pehupity hag̃uánte pe tembi’u opa reíva, peñeha’ã katu pehupity hag̃ua pe tembi’u tekove tapia g̃uarãva uvei, ha kóva ningo pe yvyarigua Ra’y ome’ẽtava peẽme, ha Ñanderuete, pe Jaraitéva omoañete voi ichupe.

Juan 6:39

Ha kóva ningo chembouva’ekue rembipota, ani hag̃ua Che ahundi avavépe, Ha’e ome’ẽmava guive chéve, amoingove jevy hag̃ua uvei ichupe pe ára pahápe.

Juan 6:44

Avave ningo ndaikatúi ou che rendápe ogueru’ỹ ramo ichupe che Ru chembouhare, ha Che amoingovéta ichupe pe ára pahápe.

Juan 6:54

Pe ho’úva che ro’o ha omboy’úva che ruguy oguerekóma tekove tapia g̃uarãva; ha Che amoingove jevýta ichupe pe ára pahápe.

Juan 8:56

Pende ru Abraham ovy’aite cherechávo, ha’e ningo cherecháma voi ha ovy’aite.

Romayguakuérape 5:21

Ha pe angaipa ombopoguy haguéicha tetãyguakuéra rekove, oguerúvo ichupekuéra pe ñemano, péicha ko’ág̃a Ñanderuete mborayhu ombopoguy pe ñemano pu’aka omboheko potĩ hag̃ua, ha ome’ẽ ñandéve jeikove tapia g̃uarãva, Ñandejára Hesu Crísto rupi.

Romayguakuérape 6:23

Pe angaipa repy ningo pe ñemano, Ñanderuete me’ẽmby rei katu pe tekove tapia g̃uarãva Ñandejára Hesu Crísto pendepype.

2 Corintoyguakuérape 4:6

Ñanderuete he’i voi ikuatiañe’ẽme: Pytũhágui tohesape pe tesape, (Génesis 1,3). Ha’e voi ohesape avei ñande py’apy jahechakuaa hag̃ua Ñanderuete reko jajaipa Hesu Crísto rova rupi.

hebreoyguakuerape 11:1

Jerovia ningo he’ise jahupitytaha katuete umi mba’e ñaha’ãrõvañaína, ha he’ise avei ndajahechái ramojepe mba’eve, nañandepy’a mokõiri, jaikuaa porãgui (umi mba’e Ha’e oprometemava’ekue, katuete oikotaha avei).

hebreoyguakuerape 11:27

Moises ojeroviágui oheja Egípto, ha ndokyhyjéi hetã ruvicha pochy rendýgui; ha’e ojejoko uvei Ñanderuete rehe ojehechaukava’ekue ichupe.

1 Pédro 1:8

Peẽ ndapehechái ramo jepe Hesu Crístope, pejerovia hese, pehayhu ichupe ha pemomba’eguasu ichupe vy’a tuicha reheve, ndaikatúiva ja’e yvy arigua ñe’ẽ rupi ha peẽ penerenyhẽ heko jajáigui,

1 Juan 2:25

Kóva ningo pe Ha’e oprometeva’ekue ñandéve: Pe tekove opa’ỹva.

Júdas 1:21

Peñeñongatu Ñanderuete mborayhupype, peha’ãrõ Ñandejára Hesu Crísto ou jevy peve iporiahuvereko reheve peiko hag̃ua hendive tapia g̃uarã.