Juan 6:26

Ñanderuete Ñe’ẽ Porã 2015

Hesu ombohovái ichupekuéra ha he’i: Añetehápe, añetehápe ha’e peẽme, peẽ ningo chereka ndaha’éi pehecha haguére umi milágro, pe’u haguére uvei pe pan ha peneryg̃uatã haguérente uvei.

Referencias Cruzadas

Salmokuéra 78:37

Ipy’a mokõi, ha ndojapopái iñe’ẽ ome’ẽmava’ekue ichupe.

Ezequiel 33:31

Ha oñombyatýta hikuái ne rendápe ku tetãygua atyguasúicha, ha oguapýta hikuái ne renondépe ku che retãteéicha, ha ohendu porãta ne ñe’ẽ, ág̃a ndojapomo’ãi, ijuruhe’ẽ asy hikuái, ipy’apýpe katu oiko hembipota vai rapykuérinte.

Juan 3:3

Hesu ombohovái ichupe: Añetehápe, añetehápe ha’e ndéve upe onace jevy’ỹva ndaikatúi oike Ñanderuete retãguasúpe ha ndohechaiva’erã avei ichupe.

Juan 3:5

Hesu ombohovái ichupe: Añetehápe, añetehápe, ha’e ndéve upe onace’ỹva y ha Pytu Porãmbávagui ndaikatúi oike Ñanderuete retãguasúpe.

Juan 6:14

Umi kuimba’e ohechávo Hesu ojapoha milágro he’i hikuái: Añetehápe, kóva ningo pe proféta ouva’erãva ko yvy ape ári.

Juan 6:15

Hesu katu ohechakuaávo hetãyguakuéra omoĩseha ichupe Israel retã ruvicha ramo, ojei ijapytégui ha Ha’e ha’eñomi oho cérro ári (oñembo’e hag̃ua).

Juan 6:2

Hetaiterei hetãyguakuéra oho Hesu rapykuéri, ohechágui umi techaukaha ha milágro Ha’e ojapova’ekue, omonguerávo umi hasývape.

Juan 6:24

Ha Israelgua aty ndohecháivo Hesúpe, ni hemimbo’ekuérape, ojupi jevy hikuái icanoakuérape ha oho Capernaúmpe oheka hag̃ua Hesúpe.

Juan 6:30

He’i hikuái ichupe: Ikatúpa rehechauka oréve peteĩ milágro rojerovia hag̃ua nderehe.

Juan 6:36

Chéma voi ha’e peẽme, peẽ cherecha ramojepe ndapejeroviái cherehe.

Juan 6:47

Añetehápe, añetehápe, ha’e peẽme: Pe ojeroviáva cherehe oguerekóma pe tekove tapia g̃uarãva.

Juan 6:53

Upéramo Hesu he’i ichupekuéra: Añetehápe, añetehápe, ha’e peẽme: Pe’u’ỹ ramo pe yvyarigua Ra’y ro’o, ha pemboy’u’ỹ ramo huguy ndapeguerekomo’ãi tekove añeteguáva pendepype.

Juan 6:64

Oĩ katu pende apytépe umi ojerovia’ỹva. Hesu oikuaa porã voi ñepyrũ guive umi ndojeroviapáiva hese ha pe oityka vaítava (otraicionátava) ichupe.

Romayguakuérape 16:18

Umichagua nomba’apói Hesu Crístope g̃uarã, iprovéchope g̃uarãnte (ijupe g̃uarãnte) uvei, ijuruhe’ẽ ha iñe’ẽ arandu gua’úpe ombotavyse umi ipy’a tavyvévape.

Filipoyguakuérape 2:21

Opavave ningo oheka imba’erãnte, noñeha’ãi ojapo hag̃ua Hesu Crísto rembipota.

Filipoyguakuérape 3:19

Ipahápe katuete ha’ekuéra oñehundiva’erã, hye ningo ijára, ha’ekuéra oñembotuicha ramojepe, oiko ñemotĩme, ha’ekuéra opensánte umi mba’e yvy arigua rehe.

1 Timotéope 6:5

ha ñe’ẽ joapi ndopáiva. Ko’ã mbo’ehára japu oiko itarovávaicha, oñemomombyrýgui pe añetegua rapégui, ha omyasãi imbo’epy japu omono’õ hag̃ua pirapire (ijupe g̃uarãnte).