Juan 5:7

Ñanderuete Ñe’ẽ Porã 2015

Ha pe hasýva he’i Hesúpe: Karai, ndaipóri ikatúva chepytyvõ ajepoi hag̃ua ýpe omýi jave, ha ajepoise jave, ou ambue ha itenonde cherehe.

Referencias Cruzadas

Salmokuéra 142:4

Ama’ẽ ramo che akatúa gotýore ndahechái peteĩnte jepe chekuaáva, ndaipóri chepytyvõva, avave noñangarekói che rekove rehe.

Salmokuéra 72:12

Ha’e oipytyvõtagui pe mboriahuetévape omba’ejerure asy jave, ha oipytyvõta umi oñembyasýva ha oñehundítavape.

Juan 5:2

Oĩ ningo Jerusalénpe, pe Ovecha rokẽ ypýpe, peteĩ yrenda, hérava hebréo ñe’eme Betésda, he’iséva jeporiahuvereko róga, ha upépe oĩ 5 ogaguyguasu.

Juan 5:3

Upépe ningo oñeno heta hasýva, hesatũva, ikarẽva, ijapáva, oha’ãrõvahína pe y omýirõ g̃uarã.

Juan 5:4

Peteĩ ángel sapy’a py’a oguejy Ñanderuete rekohágui ha omomýi pe y. Ha upe oike raẽva pe y oñemomýi jave, okuera opytávo oimeraẽ mba’asy oguerekóvagui.

Juan 5:6

Ha Hesu ohechávo ichupe oñenohahína ha oikuaávo oĩha upéicha areitereíma, oporandu ichupe: Rekuerasépa.

Romayguakuérape 5:6

Hesu Crísto ningo omanóma ñane angaipavorakuéra rehehápe hi’araitépe, Ñanderuete oiporavo haguéicha.

1 Corintoyguakuérape 9:24

Ndapeikuaái piko umi oñaníva carrerahápe oñanimba joa añete ningo, peteĩmínte oñeme’ẽva’erã katu pe oñaníva repy (prémio), upévare peñani porã pehupity hag̃ua avei pe oñaníva repy.

Deuteronómio 32:36

Ñanderuete ombojovakéta hetãme ha oiporiahuverekóta katu hembiguaietekuérape, ohechávo imbaretekue oguemaha, ha ndopytaveiha tembiguái ni tembiguai’ỹva.