Juan 5:44

Ñanderuete Ñe’ẽ Porã 2015

Mba’éicha piko ikatu pejerovia, peẽ voi peñembotuicha ramo oñondive, ha pe ñembotuicha oúva Ñanderuetégui ndapehekái.

Referencias Cruzadas

2 Crónicas 6:8

Ñanderuete katu he’i che ru Davídpe: Rejapo porãkuri remopu’ãsévo che rérape peteĩ ogaguasu.

Jeremías 13:23

Pe Etiopiaygua piko ikatúne omboje’o ipire hũngue, ha pe jaguarete ipire para. Ha upéicha avei, ikatúnepa peẽ pejapo mba’eporã, pejepokuaavapeína mba’evai apópente.

Matéo 23:5

Ojapo hembiapokuéra ojehechauka hag̃uánte hapichakuérape; ombope mbopeve pe vakapi inimbo oñapytĩva isyva ha ijyva rehe ha ombopuku pukuve ijahoja ruguái rague.

Lúcas 19:17

Ha pe mburuvicha he’i ichupe: Nde, tembiguái katupyry, nde reñangareko porã haguére ha hekopete che pláta rehe, ame’ẽta ndéve 10 táva reisãmbyhy hag̃ua.

Juan 12:43

Ohayhuvégui pe ñemomba’eguasu oúva hapichakuéragui, Ñanderuete ñemomba’eguasúgui.

Juan 17:3

Ha pe tekove tapia g̃uarãva ningo kóva: Tandekuaa hikuái ndéve, Ndémante Ñanderuete añeteguáva, ha toikuaa avei pe Nde rembouva’ekue, Hesu Crísto.

Juan 3:20

Umi ojapóva mba’evai ndohayhúi pe tesape, ha nog̃uahẽi tesape rendýpe, ani hag̃ua ojehecha hembiapo vaikuéra.

Juan 5:41

Che ndaipotái tetãyguakuéra chembotuicha.

Juan 8:43

Mba’érehe piko ndapehechakuaái ko che ñe’ẽ kóva, peẽ napehenduséigui che ñe’ẽ.

Romayguakuérape 2:10

Ha Ñanderuete ome’ẽva’erã tekove opa’ỹva umi ojapóva pe mba’eporã ha ohekáva Ñanderuete reko jajaipa ha ombotuicháva Ijárape. Ha’e ome’ẽse tenonderã Judayguakuérape py’aguapy ha pe tekove opa’ỹva, ha upéi avei tetã ambueyguakuérape.

Romayguakuérape 2:29

Pe ñekytĩ’o añeteguáva ojejapo Judayguakuéra py’apýpe, pe ñekytĩ’o añeteguáva ojejapo ñande pytu porãme, ha péva ndaha’éi kuimba’e rembiapo, Ñanderuete rembiapo uvei.

Romayguakuérape 2:7

Ñanderuete voi ningo ome’ẽta tekove opa’ỹva umi ojapóvape tembiapo porã, ha oñeha’ãmbáva ohupity hag̃ua Ñanderuete reko ojajaipáva, tekove opa’ỹva ha ombotuichaséva Ijárapente.

1 Corintoyguakuérape 4:5

Upévare peha’ãrõ Hesu Crísto ouha ára peve, Ha’e ombojovake hag̃ua. Ha’e voi omyesakãmbáta umi mba’evai ha iporãva oñemivahína pytũmbýpe jepe, ha Ha’e ohechaukáta ñande py’apy rembipota jepe; upépe ae peteĩteĩva ohupitýta pe hekopeteguáva Ñanderuetégui.

2 Corintoyguakuérape 10:18

Ndopyta porãi upe oñemoĩ porãséva ojupe, ojererohoryva’erã upe Ñanderuete omomorãvape uvei.

Filipoyguakuérape 2:3

Anítei pejapo mba’eve peñembotuichase térã peñorãirõségui, peteĩteĩ toñemomirĩ uvei, ha peguereko ambuekuérape mba’eguasuvérõ pendehegui.

1 Tesalonicayguakuérape 2:6

Ndorohekáigui yvyarigua rerakuã porã, ni pendehegui, ni ambuekuéragui,

1 Timotéope 1:17

Toñemomba’eguasu pe ára atyguasukuéra Járape, Ha’e voi ningo Ñanderuete peteĩetéva ha tapia oikóva, ha ndojehechái ramojepe ichupe toñemboete ichupe ára atyguasukuéra rupi, taupéicha (amen).

hebreoyguakuerape 3:12

Pema’ẽke, che hermanokuéra, anítei peẽ avei pendepy’amokõi ha pepoi Ñanderuete oikovévagui.

Tiágo 2:1

Che hermanokuéra, peẽ pejerovia porãse ramo Hesu Crísto ojajaipáva rehe ani pembojuavy pende rapichakuérape.

1 Pédro 1:7

Tojekuaa pende jerovia, ohasáva jepy’ara’ã rupi, iporãve órogui, oñehundikuaáva tatápe. Ha pembopoguy ramo pende jepy’ara’ã, peẽ pemomba’eguasu ha pemboete Ñanderuetépe Hesu Crísto ou jevy ramo g̃uarã.

Júdas 1:25

upévare ñamomba’eguasu ichupe, Ha’e ome’ẽ haguére ñanderehehápe ita’ýra Hesu Crísto, Ñandejárape, Ha’émante pe mburuvichaguasuetevéva, pe imbaretevéva, pe ipu’akapáva; Ha’e oikomava’ekue opaite ára atyguasukuéra ohasamava’ekuépe, Ha’e oikohína ko’ag̃aguápe ha Ha’e oikova’erãva opaite ára atyguasu oútavape, upévare ñamomba’eguasu ichupe, taupéicha (amen).

1 Samuel 15:30

Ha Saul he’i jevy: Che añemoangaipa, ajeruréko ndéve chemomba’eguasu Israel karai ancianokuéra ha tetãyguakuéra renondépe ha ejevy chendive che amomba’eguasu hag̃ua nde Járape.

1 Samuel 2:30

Upévarupi, Israel Jára he’i: Che ha’eva’ekue nde róga ha nde ru rógape peiko hag̃ua che renondépe opaite árape, ko’ágã katu pende Ruete he’i: Araka’eve ndajapomo’ãi ãichagua mba’e, Che amomba’eguasúta upe chemomba’eguasúvape, ha umi chemboykévape katu ndarekomo’ãi ichupe mba’e ramo.