Juan 5:42

Ñanderuete Ñe’ẽ Porã 2015

Che ningo poikuaa porã, ha aikuaa avei peẽ ndapehayhuiha Ñanderuetépe.

Referencias Cruzadas

Lúcas 16:15

Ha Hesu he’i ichupekuéra: Peẽ pejehechauka heko porãva ramo pene retãyguakuéra apytépe, Ñanderuete katu oikuaa porã pende py’apýpe oĩva guive. Umi mba’e ojererekóva tetãyguakuéra apytépe mba’eguasu ramo, Ñanderuete resápe mba’e výro rei ha ombojeguarúva ichupe.

Juan 2:25

Natekotevẽi oikuaauka ichupe avave mba’épa oĩ tetãyguakuéra py’apýpe, Ha’e voi oikuaa porã opaite mba’e oĩva guive ipy’apypekuéra.

Juan 21:17

Uperiremínte Hesu oporandu mbohapyha jevy Pédrope: Simon, Juan ra’y, cherayhúpa. Ha Pédro ñembyasyhápe ombohovái ichupe: Che Jára, Nde reikuaa opaite mba’e, reikuaa avei che rohayhuha. Upérõ Hesu he’i ichupe: Eñangareko che ovechakuéra rehe.

Juan 5:41

Che ndaipotái tetãyguakuéra chembotuicha.

Juan 5:43

Che aju che Ru rérape, ha peẽ nachemog̃uahẽi, ambue katu ou ramo héra reípe, upévape peẽ pemog̃uahẽ porãta (pe anticrísto).

Juan 5:44

Mba’éicha piko ikatu pejerovia, peẽ voi peñembotuicha ramo oñondive, ha pe ñembotuicha oúva Ñanderuetégui ndapehekái.

Juan 8:42

Upérõ Hesu he’i ichupekuéra: Ñanderuete rire pende Jára, peẽ cherayhuva’erãmo’ã, Che ajúgui Ñanderuetégui, Ha’e chemboúgui, Che ndajúi chejehegui reínte.

Juan 8:47

Ñanderuete reheguáva ohendu ha ojapo Ñanderuete ñe’ẽ; ha peẽ nacherendúigui, peẽ ndaha’éi Ñanderuete reheguáva.

Juan 8:55

Peẽ ndapeikuaái ichupe Che ningo aikuaa ichupe; ha Che ha’e ramo ndaikuaaiha ichupe, chejapúta peẽ pendejapu háicha.

Romayguakuérape 8:7

Ñande py’apy rembipota vai tapia oñemoĩ Ñanderuete rehe, ñande py’apy rembipota noñemomirĩri Ñanderuete renondépe, ha ndaikatúi voi ningo, (oiko ijeheguínte).

1 Juan 2:15

Anítei pehayhu ko múndo kóvape, ni ipype oĩva guive. Upe ohayhúva ko múndo kóvape, ndohayhúi Ñanderuetépe.

1 Juan 3:17

Oime ramo peteĩ oiko porãva ha ohechárõ iñermáno ohasa asyha ha ombotýrõ ipy’apy ichugui, mba’éichapa upéicharõ Ñanderuete mborayhu opytakuaa ipype.

1 Juan 4:20

Oime ramo peteĩ he’íva ohayhuha Ñanderuetépe ha ndaija’éi iñermáno rehe ijapu. Upe ohayhu’ỹva iñermáno ohechávape, mba’éichapa ohayhúta Ñanderuete ndojehecháivape.

Apocalípsis 2:23

Imembykuéra ajukapáta. Upéicha opaite iglésia oikuaáta Che voi aikuaaha opaite mba’e oĩva guive yvyarigua akãme térã ipy’apýpe, ha Che amyengoviáta peteĩteĩme hembiapokue.