Juan 5:40

Ñanderuete Ñe’ẽ Porã 2015

Peẽ katu napeg̃uahẽséi che rendápe peikove hag̃ua.

Referencias Cruzadas

Salmokuéra 81:11

Che retã katu nohenduséi che ñe’ẽ, ha Israel ndachepotái.

Isaías 49:7

Péicha Ñanderuete he’i, Israel salvador, pe Heko porãva, tetãnguéra ndohayhúi ha omboykemava’ekue ichupe, Ha’e oikóta mburuvichakuéra ojopy asýva poguýpe, upeichavéramo jepe: Tetã ruvichakuéra ohecha joava’erã ichupe ha opu’ã joava’erã henonderãme ha mburuvichakuéra ojeityva’erã henondépe, Ñanderuete rehehápe; Israel Jára katuete ojapopáta he’imava’ekue guive, Ha’e voi noñemoambuéi ha Ha’e ndeporavova’ekue avei ichupe g̃uarã.

Isaías 50:2

Mba’érehepa ajúrõ guare, ndajohuiva’ekue avavépe, ha pohenói ramoguare, avave nopenái cherehe. Imbyky piko che jyva ikatu’ỹ hag̃uáicha poipytyvõ. Ndachepu’akái piko poguenohẽ hag̃ua pende jejopy vaígui. Pema’ẽ porãke, ñe’ẽ pohýi rupi ambohypa pe yguasu; umi ysyrýgui ajapo yvy perõ; umi pira y pegua itujupa ndahi’yvéigui, ha ijy’uhéigui omanomba.

Matéo 22:3

Ha omondo hembiguaikuérape ohenóivo ojeju hag̃ua pe mendahápe. Ha umi oñehenóiva ndouséi.

Matéo 23:37

Jerusalen, Jerusalen, rejukáva nde profetakuérape, ha rejukáva itápe umi oñemboúva ne rendápe. Hetaite jevy ningo ambyatysékuri nde ra’ykuérape ku ryguasu kuru ombyaty háicha imembykuéra ipepo guýpe, peẽ katu ndapeipotái.

Juan 1:11

Pe Tesape ouva’ekue hetãteépe, hetãyguakuéra katu nomog̃uahẽiva’ekue ichupe.

Juan 10:10

Umi mondaha ningo ou omonda ha oporohundi hag̃uánte, Che katu aju ame’ẽ hag̃ua pe tekove añeteguáva ha hemby hag̃ua gueteri.

Juan 3:19

Kóva ningo pe ñembojovake oúva Tesape rupi ko yvy ape ári, tetãyguakuéra ohayhuve pe pytũme tesapégui, ha ndohechaséi hembiapokuéra ivaiha.

Juan 5:39

Peẽ peitypeka (peipyguara, peheka) Ñanderuete kuatiañe’ẽre, hi’ag̃ui peẽme pejohutaha ipype pe tekove tapia g̃uarãva, ha añetehápe Ñanderuete kuatiañe’ẽ che rechahare voi.

Juan 5:41

Che ndaipotái tetãyguakuéra chembotuicha.

Juan 5:44

Mba’éicha piko ikatu pejerovia, peẽ voi peñembotuicha ramo oñondive, ha pe ñembotuicha oúva Ñanderuetégui ndapehekái.

Juan 6:27

Ani peñeha’ã pehupity hag̃uánte pe tembi’u opa reíva, peñeha’ã katu pehupity hag̃ua pe tembi’u tekove tapia g̃uarãva uvei, ha kóva ningo pe yvyarigua Ra’y ome’ẽtava peẽme, ha Ñanderuete, pe Jaraitéva omoañete voi ichupe.

Juan 6:37

Opaite umi che Ruete ome’ẽva chéve oúta che rendápe, ha upe oúva che rendápe mba’evéicharamo namosẽmo’ãi okápe.

Juan 6:40

Kóva ningo che Ruete rembipota, opavave ohecháva guive Ita’ýrape ha ojeroviáva guive hese oguerekóma pe tekove añeteguáva ko ára atyguasúpe ha Che amoingove hag̃ua ichupekuéra pe ára pahápe.

Romayguakuérape 6:23

Pe angaipa repy ningo pe ñemano, Ñanderuete me’ẽmby rei katu pe tekove tapia g̃uarãva Ñandejára Hesu Crísto pendepype.

Apocalípsis 22:17

Pe Pytu Porãmbáva ha Ovechara’y rembireko ningo he’i: Eju. Ha pe ohendúva te’i: Eju. Ha upe ijy’uhéiva tou, ha upe oipotávape oñeme’ẽ reíta ichupe pe tekove rehegua y reiete, te’i avei: Eju.