Juan 5:39

Ñanderuete Ñe’ẽ Porã 2015

Peẽ peitypeka (peipyguara, peheka) Ñanderuete kuatiañe’ẽre, hi’ag̃ui peẽme pejohutaha ipype pe tekove tapia g̃uarãva, ha añetehápe Ñanderuete kuatiañe’ẽ che rechahare voi.

Referencias Cruzadas

Salmokuéra 1:2

Ovy’aite ningo upe ojohúva py’aguapy Ñanderuete ñe’ẽme ha hese ojepy’amongetáva ára ha pyharépe.

Salmokuéra 119:11

Che py’apýpe añongatupa ne ñe’ẽ, ani hag̃ua añemohembiapo vai ne renondépe.

Salmokuéra 133:3

Ku Hermon pegua ysapy ho’a ramoguáicha Sion cerrokuéra ári, upépe Ñanderuete omondo ijehovasa, ha jeikove ijapyra’ỹvape.

Salmokuéra 16:11

Rehechaukáta chéve pe tekove rape, nde ypýpe oĩ vy’a añetetéva, ha péva ndopamo’ãi araka’eve.

Salmokuéra 21:4

Ha’e ojerure ndehegui tekove, ha Nde reme’ẽ ichupe tekove tapia g̃uarãva.

Salmokuéra 36:9

Ndehegui osẽ pe tekove ku y osẽ háicha yvúgui, ha nde resape rupínte ore rohecha porãite.

Mga Kawikaan 6:23

Tataindy ningo hembiapoukapy ha mba’e ohesapéva ningo hekombo’e, ha ijeja’o nerekombo’e reguata porã hag̃ua pe tekove rapére,

Isaías 34:16

Peheka Ñanderuete kuatiañe’ẽme, ha pehecháta ipype ndaipóri iñirũ’ỹre opytáva; ijuru he’ígui upéicha oiko hag̃ua, ha Ipytu Porãite ombyatypáta ichupekuéra.

Isaías 8:20

Umi ojeroviase’ỹva Ñanderuetére ha ndojaposéiva hembiapoukapy katuete naiko’ẽmo’ãi ha Che nañe’ẽmo’ãi hendivekuéra.

Jeremías 8:9

Ko’ã iñarandúva oñemotĩmba, oñemondyipa ha ho’ava’erã iñuhãme, omboykégui pende Ruete ñe’ẽ; ha mba’eichagua arandúpa oĩ gueteri ipype.

Daniel 12:2

Ha heta umi omanómava yvy guýpe oñemombáyta, peteĩ atýra tekovépe g̃uarã ha ambue atýra ñemotĩ ha py’a tarova tapia g̃uarã.

Matéo 22:29

Ha Hesu ombohovái ichupekuéra: Pejavy, ndapeikuaáigui Ñanderuete kuatiañe’ẽ ni Ñanderuete pu’aka.

Márcos 10:3

Ha Ha’e he’i ichupekuéra: Mba’épa he’iukaraka’e peẽme Moises.

Márcos 12:10

Ne’ĩra piko pemoñe’ẽ Ñanderuete kuatiañe’ẽme kóva: Pe itaguasu (Hesu Crísto) umi óga apohára omombova’ekue, upéva ári oñemopu’ã ko’ág̃a pe óga (Hesu Crísto iglésia).

Lúcas 16:29

Abraham katu he’i ichupe: Ha’ekuéra oguereko Moises ha profetakuéra kuatiañe’ẽ, tohendu ha tojapo hikuái ojehaiuka haguéicha.

Lúcas 16:31

Abraham katu he’i ichupe: Ha’ekuéra nohenduséi ramo Moises ha profetakuérape, nohendumo’ãi avei peteĩ opu’ã ramojepe omanova’ekue apytégui.

Lúcas 24:25

Hesu katu he’i ichupekuéra: Peẽ pendetavy ha penembegueiterei peguerovia hag̃ua umi proféta he’iva’ekue.

Lúcas 24:27

Ha upéi oñepyrũ omyesakã porã hag̃ua ichupekuéra Moises guive opaite profetakuéra peve, ohechauka porãvo opaite mba’e ojehaiva’ekue Crísto rehe Ñanderuete kuatiañe’ẽme.

Lúcas 24:44

Ha Hesu he’i ichupekuéra: Ko’ãva ningo umi ñe’ẽ Che ha’eva’ekue peẽme, aime ramo gueteri penendive, oikopava’erã hekópe opaite umi mba’e ojehaiva’ekue guive cherehe Ñanderuete kuatiañe’ẽme, taha’e Moises rembiapoukapykuérape, profetakuérape térã Salmokuérape.

Juan 1:45

Ha Felípe ojohu Natanaélpe ha he’i ichupe: Rojohu ningo pe kuimba’épe, Moises ha profetakuéra he’imava’ekue outaha: Hesu, Jose ra’y, Nazaret pegua.

Juan 5:32

Ambue katu omoañete che ñe’ẽ ha oiko che rechahare ramo, ha opaite mba’e Ha’e he’íva guive cherehe hi’añete ha hekoitépe.

Juan 5:36

Che katu aguereko ambue techahare tuichavéva Juángui; umi tembiapo che Ru ome’ẽva’ekue chéve ajapo hag̃ua, ohechauka che Ru chembou hague.

Juan 5:40

Peẽ katu napeg̃uahẽséi che rendápe peikove hag̃ua.

Juan 5:46

Peẽ añetehápe peguerovia rire Moises ñe’ẽ, peẽ pejeroviava’erãmo’ã avei cherehe. Cherehe voi ningo ha’e oñe’ẽmava’ekue (Deuteronómio 18,15).

Juan 7:52

Ombohovái hikuái ichupe ha he’i: Nde piko Galileaygua avei. Ehekánte Ñanderuete kuatiañe’ẽme ha rehechava’erã Galiléagui ndoumo’ãiha pe Crísto.

Apostolkuéra 13:27

Umi oikóva Jerusalénpe ha imburuvichakuéra ndoikuaaséi ramojepe Hesu Crístope, Ha’e ojapopa umi ñe’ẽ oje’éva guive hese profetakuéra juru rupi ha omoñe’ẽva sábado arakuérape Ñanderuete rogakuérape.

Apostolkuéra 17:11

Umi Bereaygua ipy’a porãve Tesalonicayguakuéragui, ha ojapysaka porã Páblo ha Sílas ñe’ẽ rehe, ha kyre’ỹme oipyguara (oitypeka) meme árape Ñanderuete kuatiañe’ẽme añetépa Páblo ha Sílas ñe’ẽ.

Apostolkuéra 26:27

Reguerovia piko mburuvicha Agrípa ñande proféta he’imava’ekuére. Chéverõ g̃uarã nde reguerovia.

Romayguakuérape 1:2

Ko Ñanderuete rape Ha’e oikuaaukava’ekue iprofetakuéra rupi oĩ Ñanderuete kuatia ñe’ẽme.

Romayguakuérape 3:2

Heta, upeichavérõ tenonderãme Ñanderuete ombohasa raẽ Israelguakuérape iñe’ẽ.

Deuteronómio 18:15

Israelguakuéra apytégui Ñanderuete omopu’ãta peẽme g̃uarã peteĩ proféta cheichagua, ha pehenduva’erã ichupe (Hesu Crísto).

Deuteronómio 18:18

upévare amopu’ãta ichupekuéra g̃uarã ipehẽnguekuéra apytégui peteĩ proféta ndeichagua; ha amoĩta che ñe’ẽ ijurúpe, ha Ha’e he’íta ichupekuéra opaite mba’e Che ha’éva guive ojejapo hag̃ua.

Deuteronómio 29:29

Umi mba’e ñemi yma ndojekuaáiva Jahve, Ñanderuete mba’e (ha natekotevẽi ñaha’ã jaipyguara hag̃ua); umía Ha’e ko’ág̃a oikuaauka porã ñandéve ha ñande ra’ykuérape g̃uarã, Ha’e ome’ẽ ñandéve jajapo hag̃ua hekoitépe.

Deuteronómio 32:47

Ko ñe’ẽ kóva ndaha’éi ñe’ẽ rei peẽme g̃uarã, kóva ningo pende rekove voi, ko tembiapoukapy rupi peikove pukúta pe yvy pehotahápe, peñemomba’e hag̃ua hese, pehasa rire Jordan ysyry rupi.

Colosayguakuérape 3:16

Hesu Crísto ñe’ẽ tomyenyhẽ pende py’apy opaite árape peñohekombo’e opaite arandúpe ha peñomokyre’ỹ Salmokuéra, purahéi ha ñembo’e rupi, ha peagradece Ñanderuetépe pende py’aite guive.

hebreoyguakuerape 11:16

Ko’ág̃a katu ha’ekuéra oipota peteĩ tetã iporãvéva, pe yvága pegua, upévare Ñanderuete notĩri oiko hag̃ua Ituvatee ramo, Ha’e voi ombosako’íma avei itavaguasurã.

hebreoyguakuerape 11:35

Oĩva’ekue kuñakuéra ovy’a jevyva’ekue, oñeme’ẽ jevy haguére ichupekuéra hogaygua omanova’ekue. Oĩ katu avei umi oñembohasa asyva’ekue ojejuka peve, ndopoíri katu ijeroviágui, oha’ãrõgui ohupity hag̃ua pe tekove pyahu iporãvéva.

Josué 1:8

Araka’eve neremboykeiva’erã ne akãgui ko tembiapoukapy kuatiañe’ẽme he’íva guive, ára ha pyhare ejepy’amongeta hese, eñangareko ha ejapopa ipype ojehai haichaite; péicha ramo tuicha reñakãrapu’ãta, ha opaite mba’e osẽ porãmbáta ndéve.

Apocalípsis 19:10

Ha che ajeity pe yvága rembiguái renondépe amomba’eguasu hag̃ua ichupe, ha’e katu he’i chéve: Cháke, che ningo tembiguáinte avei, nendive ha ne hermanokuéra ndive, ha opaite umi ambue omyasãi avei Hesu Crístope (ijuru ha hekove rupi). Pe Pytu Añeteguáva ombohasa Hesu Crísto ñe’ẽ ijiglésiape.