Juan 5:37

Ñanderuete Ñe’ẽ Porã 2015

Ha upe chemboúva, che Ruete voi, Ha’e opytáma che rechahare ramo, ha Ha’e omoañetehína che ñe’ẽ. Ijuruteégui napehendúi araka’eve iñe’ẽ, ni ndapehechái gueteri ichupe.

Referencias Cruzadas

Éxodo 20:19

Ha he’i hikuái Moiséspe: Eñe’ẽ nde orendive ha ore rohendúta; anínte Ñanderuete oñe’ẽtei oréve, ani hag̃ua romanomba.

Isaías 26:10

Reiporiahuvereko ramojepe iñañávape, ha’e ndoikoséi nde justícia poguýpe; ha peteĩ tetãme oĩ ramojepe justícia ha’e ohayhuve hembiapo vai; upévagui ha’e ndohechamo’ãi Ñanderuete reko jajaipa.

Matéo 17:5

Ha oñe’ẽ jave gueteri ou peteĩ arai omimbipáva ha oñu’ã ichupekuéra; ha peteĩ ñe’ẽpu ou pe arai guive he’íva: Kóva ningo che Ra’y ahayhuetéva ha chembopy’arorýva, pehendúke ichupe.

Matéo 3:17

Ha Ñanderuete ñe’ẽ ou yvágagui he’ívo: Kóva ningo che Ra’y ahayhúva, chembohoryetéva.

Márcos 1:11

Upérõ ou ñe’ẽ pu yvágagui he’íva: Nde ningo che Ra’y ahayhúva, ndérupi che py’a rory.

Lúcas 24:27

Ha upéi oñepyrũ omyesakã porã hag̃ua ichupekuéra Moises guive opaite profetakuéra peve, ohechauka porãvo opaite mba’e ojehaiva’ekue Crísto rehe Ñanderuete kuatiañe’ẽme.

Lúcas 3:22

ha ojehecha oguejyha Hesu ári pe Pytu Porãmbáva peteĩ pykasúicha, ha oñehendu yvágagui peteĩ ñe’ẽ he’íva: Nde ningo che Ra’y ahayhúva ha chepy’aroryetéva.

Juan 1:18

Avave ndohechái máramo Ñanderuetépe, Ita’ýra peteĩeténte, pe Jára oĩva Ñanderuetepype, Ha’e (Hesu) mante oikuaauka ñandéve Itúvape.

Juan 14:9

Hesu katu ombohovái ichupe: Heta árama aiko pende apytépe, ha ne’ĩra piko nde Felípe chekuaa. Upe cherecháva ningo ohecha avei che Ruetépe. Mba’éicharupi piko nde ere ehechaukána oréve nde Ruetépe.

Juan 15:24

Che ndajapói rire umi milágro ijapytepekuéra, avave ndaikatuiva’ekue ojapo, naiñangaipaiva’erãmo’ã hikuái, ko’ág̃a katu ohecha jepe che milagrokuéra ha upeichavéramo jepe oñemoĩ hikuái che ha che Ruete rehe.

Juan 5:32

Ambue katu omoañete che ñe’ẽ ha oiko che rechahare ramo, ha opaite mba’e Ha’e he’íva guive cherehe hi’añete ha hekoitépe.

Juan 6:27

Ani peñeha’ã pehupity hag̃uánte pe tembi’u opa reíva, peñeha’ã katu pehupity hag̃ua pe tembi’u tekove tapia g̃uarãva uvei, ha kóva ningo pe yvyarigua Ra’y ome’ẽtava peẽme, ha Ñanderuete, pe Jaraitéva omoañete voi ichupe.

Juan 8:18

Che voi aiko che techahare ramo, ha Che apyta avei che Ruete rechahare ramo, Ha’e chembou haguére.

Deuteronómio 4:12

Ha Ñanderuete oñe’ẽ penendive tata rendy pa’ũ guive; pehendúkuri iñe’ẽ, ndapehechái hete ramojepe.

1 Timotéope 1:17

Toñemomba’eguasu pe ára atyguasukuéra Járape, Ha’e voi ningo Ñanderuete peteĩetéva ha tapia oikóva, ha ndojehechái ramojepe ichupe toñemboete ichupe ára atyguasukuéra rupi, taupéicha (amen).

1 Timotéope 6:16

Ha’eñoite oguereko pe tekove tapia g̃uarãva, Ha’e oikóva tesape ojeike’ỹháme: Ndaipóri yvyarigua apytépe ohecháva ichupe ha ndaikatúi voi ohecha ichupe; toñemomba’eguasu ha toñembotuicha ichupe tapia g̃uarã, taupéicha (amen).

1 Juan 4:12

Avave ndohechái araka’eve Ñanderuete rova; ñande jajohayhu ramo, Ñanderuete opyta ñandepype ha imborayhu oĩmbaite hekópe ñandepype.

1 Juan 4:20

Oime ramo peteĩ he’íva ohayhuha Ñanderuetépe ha ndaija’éi iñermáno rehe ijapu. Upe ohayhu’ỹva iñermáno ohechávape, mba’éichapa ohayhúta Ñanderuete ndojehecháivape.

1 Juan 5:9

Ñande jaguerovia ramo yvyarigua rechahare ñe’ẽ, jagueroviaveva’erã Ñanderuete ñe’ẽ, iñe’ẽ ituichaitereive oimeraẽ yvyarigua ñe’ẽgui ha Ha’e he’imava’ekue Hesu Crísto Ita’yrateeha.