Juan 5:26

Ñanderuete Ñe’ẽ Porã 2015

Pe Túva oikove háicha ijehegui voínte, péicha ome’ẽ avei Ita’ýrape pe tekove (añeteguáva) oikove hag̃ua avei ijehegui.

Referencias Cruzadas

Salmokuéra 36:9

Ndehegui osẽ pe tekove ku y osẽ háicha yvúgui, ha nde resape rupínte ore rohecha porãite.

Salmokuéra 90:2

Umi cérro oiko mboyve ha rejapo mboyve ko yvy ha umi mbyja atykuéra, ymaiterei guive opaite ára peve, Nde, ore Ruete, reĩreína.

Éxodo 3:14

Ha Ñanderuete he’i Moiséspe: Che ningo HA’ÉVA (Jahve), ha he’i avei: Péicha eréta Israel ñemoñarenguérape: HA’ÉVA chembou pene rendápe.

Jeremías 10:10

Ñanderuete katu yvyariguakuéra Jára añeteteguáva; ha’énte pe Jára oikovéva ha Tetã ruvichaguasu ijapyra’ỹva; Ha’e ipochy vove oryrýi ko yvy, ha umi tetã ndogueropu’akái ipochy.

Juan 1:4

Ipype oĩva’ekue pe Tekove, ha pe Tekove ningo umi kuimba’e ha kuñakuéra Resapehára.

Juan 10:18

Avave ndoipe’amo’ãi chehegui che rekove, che chejehegui voínte ame’ẽ. Che ningo areko pe pu’aka ame’ẽ hag̃ua che rekove, ha ajapyhy jevy hag̃ua.

Juan 11:25

Upérõ Hesu he’i ichupe: Che ningo pe jeikove jevy ha pe tekovete. Oimeraẽ ojeroviáva guive cherehe, omano ramojepe, oikove jevyva’erã.

Juan 11:26

Ha opaite oikovéva ha ojeroviáva cherehe, nomanomo’ãi tapia g̃uarã. Regueroviápa ko’ã mba’e.

Juan 14:19

Ndahi’arevéima yvyariguakuéra ndacherechamo’ãvéi, peẽ katu cherecháta, Che aikovégui peẽ peikovéta avei.

Juan 14:6

Hesu he’i ichupe: Che ningo pe tape, pe añetegua ha pe tekovete, avave ndaikatúi og̃uahẽ che Ruete rendápe cherehe’ỹ. Cherupímante uvei ikatu oñeg̃uahẽ Ñanderuete rendápe.

Juan 4:10

Hesu ombohovái ichupe ha he’i: Reikuaa rire Ñanderuete remime’ẽ ha pe ojeruréva nde ymi, nde voi rejerureva’erãmo’ã ichupe, ha Ha’e ome’ẽva’erãmo’ã ndéve y oporomoingovéva.

Juan 6:57

Chembou haguéicha che Ruete oikovéva, ha Che aikove háicha che Ruete rupi, upéicha avei pe che retégui ho’uva, oikovéta avei chérupi.

Juan 8:51

Añetehápe, añetehápe, ha’e peẽme: Upe ojapóva che ñe’ẽ máramo nomanoiva’erã, oikoveva’erã uvei tapia g̃uarã.

Apostolkuéra 17:25

Yvyariguakuéra ndaikatúi oipytyvõ ichupe ha Ha’e noikotevẽi mba’everehe ichuguikuéra, Ha’e voi ningo ome’ẽ opavavépe hekove pytuhẽ opaite ambue mba’e reheve.

1 Corintoyguakuérape 15:45

Upéicha ojehaiva’ekue pe Adan peteĩha oñemoingove peteĩ ánga oikóva reheve, pe Adan ipaha pegua katu Pytu Porã oporomoingovéva reheve.

1 Timotéope 1:17

Toñemomba’eguasu pe ára atyguasukuéra Járape, Ha’e voi ningo Ñanderuete peteĩetéva ha tapia oikóva, ha ndojehechái ramojepe ichupe toñemboete ichupe ára atyguasukuéra rupi, taupéicha (amen).

1 Timotéope 6:16

Ha’eñoite oguereko pe tekove tapia g̃uarãva, Ha’e oikóva tesape ojeike’ỹháme: Ndaipóri yvyarigua apytépe ohecháva ichupe ha ndaikatúi voi ohecha ichupe; toñemomba’eguasu ha toñembotuicha ichupe tapia g̃uarã, taupéicha (amen).

hebreoyguakuerape 1:2

Ha ko’ã ára pahápe katu oñe’ẽ ñandéve ita’ýra Hesu Crísto rupi. Ipópe ningo omoingo opaite mba’e, ha Ha’érupi ojejapo opaite mba’e ojehecháva ha ndojehecháiva guive, (Colosayguakuérape 1,16).

Apocalípsis 21:6

Ha he’ive chéve: Oikopáma, Che ningo ha’e pe “a” ha pe “zéta” pe ñepyrũ ha pe paha. Che amboy’úta pe ijy’uhéivape pe y yvuguigua oikovévagui, ha reiete Che ame’ẽta ko y kóva.

Apocalípsis 22:1

Upéi pe yvága rembiguái ohechauka chéve pe ysyry oporomoingovéva, hesakãva ita veráicha, osẽva Ñanderuete ha Ovechara’y guapyhaguasúgui.

Apocalípsis 22:17

Pe Pytu Porãmbáva ha Ovechara’y rembireko ningo he’i: Eju. Ha pe ohendúva te’i: Eju. Ha upe ijy’uhéiva tou, ha upe oipotávape oñeme’ẽ reíta ichupe pe tekove rehegua y reiete, te’i avei: Eju.

Apocalípsis 7:17

Pe Ovechara’y oĩva pe guapyhaguasu mbytépe omongaru ha omboy’úgui ichupekuéra pe yvu oporomoingovévagui ha Ñanderuete omokã opaite tesay hesaguikuéra.