Juan 5:25

Ñanderuete Ñe’ẽ Porã 2015

Añetehápe, añetehápe, Che ha’e peẽme: Oúta pe hóra ha og̃uahẽma voi, umi omanova’ekue ohendúta ha iñe’ẽrendúta Ñanderuete Ra’y ñe’ẽme ha oikoveva’erã tapia g̃uarã.

Referencias Cruzadas

Lúcas 15:24

Ko che ra’y kóva ningo omanomava’ekue, ha péina oikove jevy, okañyva’ekue ha péina ojejohu jevy, ha oñepyrũ ovy’a joa hikuái.

Lúcas 15:32

Ko’ág̃a ningo javy’a ha ñanderoryva’erã, ko nde ryvy kóva ningo omanomava’ekue, ha péina oikove jeýma, okañyva’ekue ha péina ojejohu jey ichupe.

Lúcas 9:60

Hesu katu he’i ichupe: Ehejána umi omanóva toñotỹ omanóvape, nde katu tereho ha emombe’u Ñanderuete retãguasu reheguáva.

Juan 13:1

Pe páscua arete ára mboyvemi ningohína ha Hesu oikuaa og̃uahẽmaha hi’ára oho hag̃ua ko yvy árigui Ñanderuete rekohápe. Hesu ohayhuete haguéicha umi ojeroviaitévape ñepyrũ guive, peichaite Ha’e ohayhuetéta avei ichupekuéra ipaha peve.

Juan 17:1

Ko’ã mba’e ko’ãva Hesu oñe’ẽvo ojesaupi yvága rehe ha he’i: Che Ruete og̃uahẽma pe hóra rembotuicha hag̃ua nde Ra’ýpe, ha nde Ra’y nembotuicha hag̃ua avei ndéve.

Juan 4:21

Hesu he’i ichupe: Nde kuña, erovia katu og̃uahẽtaha pe hóra peẽ napeñembo’evéitava Ñanderuetépe ko cérro kóva ári ni Jerusalénpe.

Juan 4:23

Eikuaa porã katu, og̃uahẽtaha pe hóra ha ko’ág̃a og̃uahẽma voi, umi oñembo’éva Ñanderuetépe, oñembo’eva’erã Pytu Porãme ha añetegua reheve, umi péicha oñembo’evahína Ñanderuete oheka ha oguerohory.

Juan 5:21

Pe túva omoingove jevy háicha omanova’ekuépe, peichaite avei Ita’ýra, Ha’e omoingove avei Ha’e oipotávape guive.

Juan 5:28

Anítei pehecharamo ko mba’e, katuete oúta pe hóra opaite umi omanova’ekue ohendúvo Hesu Crísto ñe’ẽ oporohenoimbávo iñeñotỹha rendágui,

Juan 6:60

Heta hemimbo’ekuéra aty apytépe ohendúvo ko’ã ñe’ẽ Hesu jurúgui, he’i: Ipohýi ningo iñe’ẽ. Máva piko ikatu ohendu ha ojapo.

Juan 8:43

Mba’érehe piko ndapehechakuaái ko che ñe’ẽ kóva, peẽ napehenduséigui che ñe’ẽ.

Juan 8:47

Ñanderuete reheguáva ohendu ha ojapo Ñanderuete ñe’ẽ; ha peẽ nacherendúigui, peẽ ndaha’éi Ñanderuete reheguáva.

Juan 9:27

Ha’e katu he’i ichupekuéra: Ha’epáma ningo peẽme, napehendúi piko. Mba’érehe piko pehenduse jevy. Térã piko peikose avei hemimbo’e ramo.

Romayguakuérape 6:4

Ñande ñañeñotỹmava’ekue Crísto ndive pe bautísmo rupi iñemanóme, ha Ñanderuete pu’aka omoingove jevy haguéicha Hesu Crísto omanóva apytégui, upeichaite Ha’e oipota ñande jaikoveñaína (tapia g̃uarã) Pytu Porãmbáva pu’aka poguýpe.

Efesoyguakuérape 2:1

Ñanderuete penemoingovéma avei, yma peẽ pemano napeneñe’ẽrendúigui, pene rembiapo vai rupi,

Efesoyguakuérape 2:5

Ha ñande ñamanova’ekue jepe ñane rembiapo vaípe, Ha’e ñanemoingovéma Hesu Crísto rupi, Ñanderuete py’a porã rupi (grácia) peẽ pejesalváma.

Efesoyguakuérape 5:14

Opaite mba’e Ha’e ohechaukáva ningo tesape, upévare Ñanderuete kuatiañe’ẽme he’i avei: Epáy nde rekéva, ha epu’ã omanóva apytégui, ha Hesu Crísto nderesapéta.

Colosayguakuérape 2:13

Peẽ pemanova’ekue avei pene rembiapo vaieta rupi ha pende rete rembipota vai rupi, ko’ág̃a katu Ñanderuete penemoingovéma Hesu Crísto ndive, operdona haguére ipy’a porã rupi opaite ñane rembiapo vaikue.

Apocalípsis 3:1

Ehai Sárdes iglésia rembijokuáipe g̃uarã: Péicha he’i pe oguerekóva umi 7 Ñanderuete Pytu Porãite ha umi 7 jasytata ipópe: Aikuaa porã ne rembiapokue, oje’e ningo nde reikoveha, remanóma ramojepe.