Juan 5:23

Ñanderuete Ñe’ẽ Porã 2015

Opavave omomba’e hag̃ua pe Ta’ýrape, oñemomba’e háicha Ñanderuetépe. Upe omomba’e’ỹva Ta’ýrape, nomomba’éi avei Ñanderuetépe, Ha’e voi ombou Ita’ýrape ko yvy ape ári.

Referencias Cruzadas

Salmokuéra 2:12

Pemomba’eguasúke Ita’ýrape, ani hag̃ua pemanomba tapére sapy’aitépe ipochy rupi. Ovy’aite ningo opaite umi ojeroviáva Ñanderuete rehe.

Isaías 42:8

Che Jahve, péicha ningo che réra, ha avavépe name’ẽmo’ãi che reko jajaipa, ha che rerakuã porã ndahejamo’ãi ijára gua’u ra’ãngápe.

Isaías 44:6

Péicha he’i pende Ruete, Israel retã ruvichaguasu, ipytyvõhára ha yvága atykuéra Jára: Che ha’e pe Tenondegua, Che ha’e pe Ipahapegua, ha che ykére ndaipóri ambue Jára.

Isaías 45:15

Añetehápe Nde voi ha’e avei ore Ruete ojehechauka’ỹva, Israel Jára oporosalváva.

Isaías 45:21

Peñemboja pemombe’u ha peñemongeta oñondive mávapa omombe’u raẽ ko’ã mba’e ko’ãva oiko mboyve; Chénte, pende Ruete, poikuaaukapáma voi, che ykére ndaiporivéima ambue Jára; Che ykére ndaipóri ambue jára hekojojáva ha oporopytyvõkuaáva añetehápe.

Zacarías 9:9

Evy’aitékena, Sion rajy, epurahéi vy’apópe, Jerusalen rajy, péina ápe ne retã ruvicha (Hesu Crísto) oúta ne rendápe nde Salvador ramo ijustícia reheve, Ha’e oñemomirĩta ha oúta peteĩ búrro ra’yrusu ári.

Matéo 10:37

Upe ohayhuvéva itúva térã isýpe chehegui; ndaikatúi oiko che reheguáva ramo ha upe ohayhuvéva ita’ýra térã itajýra chehegui ndaikatúi oiko che reheguáva ramo.

Matéo 11:27

Opaite mba’e, che Ruete omoĩmba che pópe. Avave ndoikuaái pe Ta’ýrape, pe Túva añómante; ha avave ndoikuaái pe Túvape, pe Ta’ýra añómante ha pe Ta’ýra oikuaaukasévape avei.

Matéo 12:21

ha tetã ambueyguakuéra oha’ãrõ joava’erã Hesúpe, (Isaías 42,1-4).

Matéo 15:8

Ko’ã tetãygua chemomba’ete ijurúpente ha ipy’apykuéra katu oĩ mombyry chehegui.

Matéo 28:19

Upévare tapeho ha peñemohemimbo’e opaite tetãnguérape, ha pebautiza ichupekuéra Túva, Ta’ýra ha Pytu Porãmbáva rérape.

Lúcas 10:16

Oimeraẽ penerendúva guive, cherendu chéve avei, ha oimeraẽ penemboykéva, chemboyke chéve avei, ha oimeraẽ chemboykéva omboyke avei pe chembouva’ekuépe.

Juan 14:1

Ani pejepy’apy ni peñemondýi pende py’apýpe, pejerovia uvei Ñanderuete rehe ha pejerovia avei cherehe.

Juan 16:14

Pe Pytu Porãmbáva chembotuichava’erã, Ha’e ombohasátagui peẽme umi mba’e ohendúva guive chehegui.

Juan 17:10

Opaite che mba’éva ningo ne mba’e voi, ha opaite ne mba’éva che mba’e avei, ha Che añembotuichaite ipypekuéra.

Romayguakuérape 1:7

Opaite peẽ peiméva guive Rómape Ñanderuete penderayhu ha pendeporavo pende reko porã hag̃ua. Ñandejára, Ñanderuete ha Ñandejára Hesu Crísto poriahuvereko ha ipy’aguapy toĩ penendive.

Romayguakuérape 15:12

Oúta Isai rapógui pe oñembo’ýtava, oisãmbyhy hag̃ua tetã ambueyguakuérape, ha umía ojeroviáta hese, (Isaías 11,10).

Romayguakuérape 6:22

Ko’ág̃a katu penesãsóma angaipa pu’aka poguýgui, peikógui Ñanderuete rembiguái ramo, ojehecha ambue a pende rekovépe, peñemboheko porã pehóvo ha hi’ári pehupitýta pe jeikove tapia g̃uarãva.

Romayguakuérape 8:9

Peẽ katu ndapeikói pende py’apy rembipota vai poguýpe, peikopeína Ñanderuete Pytu Porãite poguýpe, Ha’e oikógui pendepype, ha opavave oguereko’ỹva Hesu Crísto Pytu Porãite ndaha’éi imba’e (ita’ýra ni itajýra).

1 Corintoyguakuérape 1:3

Ñandejára Ñanderuete ha Ñandejára Hesu Crísto poriahuvereko ha ipy’aguapy tomyenyhẽ pende rekove.

1 Corintoyguakuérape 10:31

Pekaru ramo térã pey’u ramo, térã pejapo ramo ambue mba’e, pejapopa pemomba’eguasu hag̃ua Ñanderuetépe.

1 Corintoyguakuérape 16:22

Oime ramo ndohayhúiva Hesu Crístope, upéva toñemaldeci. Maranáta (Hesu Crísto tou jevy).

1 Corintoyguakuérape 6:19

Ndapeikuaái piko pende rete Pytu Porãmbáva rogaha, ha pe Pytu Porãmbava oĩ pendepype, ha peẽ napenemba’eveimaha.

2 Corintoyguakuérape 1:9

Ore roñandúma roimeha Romaygua hag̃uáicha, péva katu ojehu ani hag̃ua rojerovia orejehe, rojerovia hag̃ua uvei Ñanderuete rehénte, omoingovéva umi omanova’ekuépe.

2 Corintoyguakuérape 5:14

Hesu Crísto mborayhu oregueraha roiko porã hag̃ua, roikuaágui Ha’e omano hague opaite hembiapo vaíva rehehápe, ha péicha ramo opavave (ojeroviáva guive Hesu Crísto rehe) omanóma avei hendive.

2 Corintoyguakuérape 5:19

Ñanderuete oĩgui Hesu Cristopype, ombopy’apeteĩ jevy hag̃ua tetãyguakuérape hendive, upévare Ha’e operdona ñane rembiapo vai ha omoĩ ñande pópe ko perdon rehegua ñe’ẽ.

Efesoyguakuérape 6:24

Ha Ñanderuete py’aporã (grácia) toĩ tapia penendive, pehayhu guive Ñandejára Hesu Crístope.

2 Timotéope 1:12

Ko’ã mba’e rehe voi che ahasa asy’aína. Natĩri katu, aikuaa porãgui mávarehepa che ajerovia ha che aikuaa porã avei Hesu Crísto pu’aka rupi ahupitytaha pe tekove tapia g̃uarãva Ha’e ou jevýrõ g̃uarã ára.

hebreoyguakuerape 1:6

Ha he’i avei omoinge jevývo Ita’ýra ypykuépe ko yvýpe: Opaite yvága rembiguái ojeityva’erã henondépe omomba’eguasu hag̃ua ichupe.

2 Pédro 1:1

Che, Simon Pédro, Hesu Crísto rembiguái ha apóstol, ahai ko kuatiañe’ẽ kóva umi ohupityva’ekuépe orendive ko jerovia iporãitéva, Ñanderuete justícia ha Hesu Crísto salvacion rupi.

2 Pédro 3:18

Peikuaa porãve pehóvo uvei Ñandejára ha ñande Salvador Hesu Crístope ha pekakuaa pehóvo imborayhúpe. Toñemomba’eguasu ichupe ko’ág̃a ha pe ára atyguasurãme, taupéicha (amen).

1 Juan 2:23

Opaite ombotovéva pe Ta’ýrape (Hesu Crístope) ndoguerekói avei pe Túva. Ha pe omboajéva pe Ta’ýrape upéva omoañete avei pe Túvape.

2 Juan 1:9

Opaite umi ohasáva Hesu Crísto ñe’ẽgui amo gotyove, ndoguerekói Ñanderuete ipy’apýpe. Upe opytáva imba’epype, upéva katu oguereko Túva ha Ta’ýrape.