Juan 5:22

Ñanderuete Ñe’ẽ Porã 2015

Ñanderuete nombojovakemo’ãi avavépe, Ha’e ome’ẽmbáma Ita’ýrape pe ñembojovakerã.

Referencias Cruzadas

Salmokuéra 96:13

ore Ruete renondépe Ha’e oúrõ g̃uarã. Ha’e og̃uahẽ ramo ombojovakéta ko yvy. Ombojovakéta ijustícia rupi ko yvy ha tetãnguérape iñe’ẽ añetegua rupi.

Salmokuéra 98:9

Ñanderuete ombojovakéta ko yvy. Hekoitépe ombojovakéta ko yvy ha opaite yvyarigua oĩva guive ijapére.

Eclesiástes 11:9

Evy’áke nde, mitãrusu, nemitãrusu aja, ha tanderoryete ndekaria’y aja, ejapo nde py’apýpe reñandúva ha nde resa oipotáva; eikuaa porã katu Ñanderuete ombojovaketaha hekópe opaite ne rembiapokue taha’e iporãva taha’e ivaíva.

Eclesiástes 12:14

Ñanderuete ombojovakéta opaichagua yvyarigua rembiapo, ta’iporã térã ta’ivai, ñemiháme ramojepe ojejaporaka’e ko’ã mba’e.

Matéo 11:27

Opaite mba’e, che Ruete omoĩmba che pópe. Avave ndoikuaái pe Ta’ýrape, pe Túva añómante; ha avave ndoikuaái pe Túvape, pe Ta’ýra añómante ha pe Ta’ýra oikuaaukasévape avei.

Matéo 16:27

Yvyarigua Ra’y ningo ouva’erã Itúva reko jajaipápe hi’angelkuéra ndive, ha upépe ohepyme’ẽta peteĩteĩvape hembiapokue repy.

Matéo 28:18

Ha Hesu oñembojávo ha oñe’ẽvo ichupekuéra he’i: Oñeme’ẽmba chéve opaichagua pu’aka, yvága ha yvy apére.

Juan 17:2

Nde reme’ẽ ichupe pu’aka opavave yvyariguakuéra rehe, Ha’e ome’ẽ hag̃ua ndérupi ichupekuéra pe tekove tapia g̃uarãva.

Juan 3:35

Ñanderuete ohayhu Ita’ýra Hesu Crístope, ha omoĩma opaite mba’e ipópe.

Juan 5:27

Ha Ñanderuete ome’ẽ pu’aka Ita’ýrape oporombojovake hag̃ua, Hesu ha’égui yvyarigua Ra’y.

Juan 9:39

Ha Hesu he’i: Aporombojovake hag̃ua ningo aju ko yvy ape ári, umi ohecha’ỹva ohecha hag̃ua, ha umi ohecháva hesatũ hag̃ua opytávo.

Apostolkuéra 10:42

Ha Ha’e oremondo romombe’u hag̃ua opaite tetãyguakuérape, Hesu Crísto ombojovaketaha umi oikovévape ha umi omanóvape, upevarã Itúva, Ñanderuete, oiporavomava’ekue ichupe.

Apostolkuéra 17:31

Ñanderuete omoĩma peteĩ ára ñane renonderãme peteĩ mbojovakehára Ha’e oiporavova’ekue ombojovake hag̃ua hekópe opavave reko ha opavave rembiapokue. Ha Ñanderuete ohechauka opavavépe, péva hi’añeteha omoingove jevývo pe mbojovakehararã omanova’ekue apytégui.

Romayguakuérape 2:16

Og̃uahẽva’erã katuete pe ára Hesu Crísto ombojovakeva’erãha umi mba’e ñemi oĩva guive opaite tetãyguakuéra py’apýpe.

2 Corintoyguakuérape 5:10

Opavave ñande jajehechaukava’erã Hesu Crísto ñembojovakehápe, oñeme’ẽ hag̃ua ñandéve ñane rembiapokue repy, ta’iporã térã ta’ivai jepe ra’e.

2 Timotéope 4:1

Che ajerure asy ndéve Ñanderuete ha Hesu Crísto rérape, Ha’e ourõg̃uarã hetãguasúpe ombojovake hag̃ua umi oikovéva ha umi omanómavape:

1 Pédro 4:5

Og̃uahẽva’erã pe ára ha’ekuéra oñemombe’u hag̃ua pe mbojovakehára oñembosako’íva renondépe, Ha’e ombojovakeva’erã umi omanova’ekuépe ha umi oikovévape.