Juan 5:19

Ñanderuete Ñe’ẽ Porã 2015

Hesu katu ombohovái ichupekuéra, he’ívo: Añetehápe, añetehápe, ha’e peẽme, pe Ta’ýra ijehegui rei ndaikatúi ojapo mba’eve, pe ohecháva Itúva ojapóvamante; opaite mba’e Ha’e ojapóva ningo, Ita’ýra ojapo avei.

Referencias Cruzadas

Genesis 1:1

Ñepyrũmbýpe Ñanderuete (Jahve) ojapo ypyva’ekue yvagakuéra ha yvy.

Genesis 1:26

Upéi Ñanderuete he’i: Jajapóna kuimba’e ha kuña ñane ra’ãngáicha, ha tañandejogua; ha toisãmbyhy hikuái umi pira yguasúre oikóva, umi guyrápe ovevéva árare, umi mymba tuichávape, pe yvy tuichakue javeve ha opaichagua mymba otyryrývape yvy apére.

Salmokuéra 138:3

Che ahasa asy jave che rohenói ha Nde chemokyre’ỹ jevy ha remombarete che ánga.

Salmokuéra 27:14

Che ánga, ejerovia Ñanderuete rehe, toñemokyre’ỹ ha toñemombarete che py’apy ojerovia porã hag̃ua Ñanderuete rehe.

Salmokuéra 50:6

Ha umi yvagaygua omombe’u joáta Ñanderuete justícia, Ha’e voi ombojovakepáta ichupekuéra.

Éxodo 4:11

Ha Ñanderuete he’i jevy ichupe: Máva piko ombojuru yvyariguakuérape, térã mávapa ojapo iñe’ẽngúvape ha ijapysapévape, umi ohecháva ha ohecha’ỹvape. Ndachéipa pende apohare.

Mga Kawikaan 2:6

Ñanderuete voi ome’ẽ arandu, ha ijurúgui ou akãguapy ha akãporã.

Isaías 44:24

Péicha he’i Ñanderuete, ndesalvátava, nde’apova’ekue nde sy ryépe: Che, pende Ruete, opaite mba’e apohare, Chénte amyasãi yvagakuéra, ha amohenda porã ko yvy.

Isaías 45:24

Ha oje’éta cherehe: Añetehápe, ore Ruete ndive oĩ justícia ha pu’aka; umi oñemoĩmava’ekue hese oupa jevyva’erã tĩndyhápe henondépe, oñemotĩetégui.

Jeremías 17:10

Che, pende Ruete, aikuaa porã opaite pensamiénto oĩva guive oimeraẽva pitikiri’ĩ ha ipy’apýpe, ha amyengoviáta peteĩteĩme hembiapokue ojerure háicha.

Matéo 26:39

Ha oho tenonderã gotyomive, ha oñesũ tĩndyhápe, ha oñembo’évo, he’i: Che Ru ikatu ramo embohasa chehegui ko váso (ñemano) kóva, anínte oiko che aipotáva, upe nde reipotáva uvei toiko.

Lúcas 21:15

Che voi ningo ame’ẽta peẽme arandu ha umi ñe’ẽ peẽ pejeva’erãva, ha pe arandu Che ame’ẽtava peẽme penderehe ija’e’ỹva ndaikatúi oñemoĩ hese.

Juan 10:18

Avave ndoipe’amo’ãi chehegui che rekove, che chejehegui voínte ame’ẽ. Che ningo areko pe pu’aka ame’ẽ hag̃ua che rekove, ha ajapyhy jevy hag̃ua.

Juan 12:49

Chejehegui rei nda’éi mba’evete, che Ruete chembouva’ekue ñe’ẽ ambohasa jevy hag̃uánte peẽme aju, umi ñe’ẽ Ha’e omoĩva che jurúpe Che añe’ẽ ha aporombo’emanteva’erã.

Juan 12:50

Ha Che aikuaa porã umi ñe’ẽ Ha’e oikuaaukáva chéve ha’e pe tekove tapia g̃uarãva. Ha umi ñe’ẽ Che añe’ẽva, Ha’e he’iukapa chéve.

Juan 14:10

Nderegueroviái piko, Che aĩha che Ruetepype, ha che Ruete oĩha chepype, ko’ã ñe’ẽ ko’ãva Che ha’éva guive, nañe’ẽi chejehegui reínte, pe che Ru chepype, oĩva uvei, Ha’e voi ningo pe ojapóva pe tembiapo Che ajapóva.

Juan 2:19

Hesu ombohovái ichupekuéra ha he’i: Peity ko Ñanderuete rogaguasu, ha pe ára mbohapyhápe che amopu’ã jevýta.

Juan 3:3

Hesu ombohovái ichupe: Añetehápe, añetehápe ha’e ndéve upe onace jevy’ỹva ndaikatúi oike Ñanderuete retãguasúpe ha ndohechaiva’erã avei ichupe.

Juan 5:21

Pe túva omoingove jevy háicha omanova’ekuépe, peichaite avei Ita’ýra, Ha’e omoingove avei Ha’e oipotávape guive.

Juan 6:38

Che ningo aju yvágagui, ajapo hag̃ua hekópe chembouva’ekue rembipota.

Juan 8:28

Hesu he’ive ichupekuéra: Oñemopu’ãha árape pe yvyarigua Ra’y, upéramo ae peikuaáta Che ha’eha (pe Crísto), ha mba’evete ndajapoiha chejehegui reínte, ambohasánte umi mba’e che Ruete chembo’e haguéicha.

Juan 9:4

Ára aja Che ajapova’erã pe chembouva’ekue rembiapo, pyhare ningo oúta, upérõ avavete ndaikatuvéima omba’apo.

Apostolkuéra 2:24

Ñanderuete katu omoingove jevy ichupe, ku kuña imembymbotáva ohasa asy háicha imemby hag̃ua, péicha Hesu ohasa asyeterei avei, umi ñemano sã jára katu ndaikatúi ojoko ichupe.

Romayguakuérape 6:4

Ñande ñañeñotỹmava’ekue Crísto ndive pe bautísmo rupi iñemanóme, ha Ñanderuete pu’aka omoingove jevy haguéicha Hesu Crísto omanóva apytégui, upeichaite Ha’e oipota ñande jaikoveñaína (tapia g̃uarã) Pytu Porãmbáva pu’aka poguýpe.

Romayguakuérape 8:11

Ñanderuete Pytu Porãite omoingove jevýgui Hesu Crístope omanova’ekue apytégui, katuete Ha’e omoingovéta avei pende rete te’õngueguigua Ipytu Porãite rupi, Ha’e oikovégui avei pendepype.

1 Corintoyguakuérape 15:12

Oñemombe’u ramo Hesu Crísto oikove jevy hague omanóva apytégui, mba’éicha piko oime he’íva pende apytépe: Umi omanova’ekue noñemoingove jevymo’ãiha.

2 Corintoyguakuérape 4:14

Ore roikuaa porã Ñanderuete omoingove jevyva’ekuégui Hesu Crístope, ñanemoingove jevyva’erã avei Hesu Crísto rehehápe ha ñanemoĩva’erã Hesu Crísto ñembojovake guapyha renondépe.

2 Corintoyguakuérape 5:10

Opavave ñande jajehechaukava’erã Hesu Crísto ñembojovakehápe, oñeme’ẽ hag̃ua ñandéve ñane rembiapokue repy, ta’iporã térã ta’ivai jepe ra’e.

Efesoyguakuérape 2:5

Ha ñande ñamanova’ekue jepe ñane rembiapo vaípe, Ha’e ñanemoingovéma Hesu Crísto rupi, Ñanderuete py’a porã rupi (grácia) peẽ pejesalváma.

Efesoyguakuérape 3:16

Ñanderuete tome’ẽ heko jajái mba’eitagui pe pu’aka penemombareteve hag̃ua pehóvo pendepype Ipytu Porãite rupi.

Filipoyguakuérape 3:21

Ha’e voi ningo omoambuéta ñande rete poriahu ojogua hag̃ua hete ojajaipávape, ha ipu’akaguasu rupi ombopoguypáta umi oñemoĩvape hese, opytapa hag̃ua ipoguýpe opaite mba’e ojejapomava’ekue guive.

Filipoyguakuérape 4:13

Opaite mba’e ikatu chéve g̃uarã, Ha’e chemombaretégui.

Colosayguakuérape 1:11

Tapeñemombarete opaite Ñanderuete reko jajái pu’akápe, peropu’akapa hag̃ua paciéncia ha vy’a reheve.

Colosayguakuérape 1:16

Ñanderuete ojapopa Hesu Crísto rupi oĩva guive yvagakuérape, térã yvy ári, umi mba’e ojehecháva ha umi ndojehecháiva, taha’e guapyhaguasukuéra, taha’e jarakuéra, taha’e mburuvichaguasukuéra, taha’e pu’akakuéra. Opaite mba’e ojejapo Ha’érupi (Hebreoyguakuérape 1,2).

1 Tesalonicayguakuérape 4:14

Ñande jarovia ramo Hesu Crísto omano hague ha oikove jevyha, péicha jaroviava’erã avei Ñanderuete oguerutaha umi omanova’ekue Hesu Crísto ndive upe ára Ha’e ou jevýrõ g̃uarã.

1 Pédro 3:18

Hesu Crísto ohasa asyeteva’ekue peteĩ jevy (ñane) angaipa rehehápe, pe Heko porãitéva ñane angaipavóra rehehápe, ñandegueraha hag̃ua Ñanderuete rendápe; añetehápe ho’o omano, Ipytu Porã katu oñemoingove jevy.

Apocalípsis 2:23

Imembykuéra ajukapáta. Upéicha opaite iglésia oikuaáta Che voi aikuaaha opaite mba’e oĩva guive yvyarigua akãme térã ipy’apýpe, ha Che amyengoviáta peteĩteĩme hembiapokue.