Juan 5:18

Ñanderuete Ñe’ẽ Porã 2015

Upévare umi Judayguakuéra oñeha’ãmba ojuka hag̃ua Hesúpe, Ha’e nomomba’éi haguére pe sábado ára, ha he’i haguére avei Ñanderuete ituvateeha, Ha’e oñembojojávo péicha Ñanderuete rehe.

Referencias Cruzadas

Zacarías 13:7

Nde kyse puku reheve eñemoĩ che rerekua ha che irũ rehe, he’i ángel atykuéra Jára. Eikutu che rerekuápe ijovechakuéra oñemosarambi hag̃ua, ha upéi amopu’ãta che po umi mburuvicha michĩva rehe.

Matéo 12:5

Térãpa ndapeikuaái ojehaiha Moises rembiapoukapýpe pa’ikuéra omba’apo ramo jepe sábado árape Ñanderuete rogaguasúpe, upeichavérõ noñemo’angaipái hikuái, (Números 28, 9).

Juan 1:19

Ko Juan ningo pe techahare he’imava’ekue pa’i ha Leviguakuérape, ouva’ekue hendápe Jerusaléngui, oporandu hag̃ua ichupe: Máva piko nde.

Juan 10:30

Che ha che Ruete peteĩchánte voi.

Juan 10:33

Nanerembiapo porãi rehe rojukase, reñe’ẽvai haguére Ñanderuetére ha nde peteĩ kuimba’enteha, rejejapo Ñanderuete ramoguáicha.

Juan 14:23

Ha Hesu ombohovái ichupe ha he’i: Upe cherayhúva katuete ojapo avei che rembipota, ha che Ruete ohayhuva’erã avei ichupe, ha rojuva’erã hendápe rombosako’i hag̃ua ore rekoha ipype.

Juan 14:9

Hesu katu ombohovái ichupe: Heta árama aiko pende apytépe, ha ne’ĩra piko nde Felípe chekuaa. Upe cherecháva ningo ohecha avei che Ruetépe. Mba’éicharupi piko nde ere ehechaukána oréve nde Ruetépe.

Juan 19:7

Umi Judaygua oñembyatýva ombohovái Pilátope: Ore ningo roguereko peteĩ tembiapoukapy, ha ko ore rembiapoukapy rehe Ha’e omanova’erã, Ha’e voi ojejapógui Ñanderuete Ra’y ramo.

Juan 5:15

Upérõ pe hasyva’ekue oho umi Judayguakuéra rendápe ha he’i ichupekuéra: Hesu chemonguerákuri.

Juan 5:16

Upévare umi Judaygua opersegui Hesúpe, Ha’e omonguera haguére ichupe sábado árape.

Juan 5:17

Hesu katu he’i ichupekuéra: Che ru ningo ko’ág̃a peve omba’apohína, ha che avei.

Juan 5:23

Opavave omomba’e hag̃ua pe Ta’ýrape, oñemomba’e háicha Ñanderuetépe. Upe omomba’e’ỹva Ta’ýrape, nomomba’éi avei Ñanderuetépe, Ha’e voi ombou Ita’ýrape ko yvy ape ári.

Juan 7:1

Ko’ã mba’e rire Hesu oguata ágotyo pégotyo Galiléa yvýre, ndoikoséi Juda yvýpe, Judayguakuéra ojukaségui ichupe.

Juan 7:19

Moises piko nome’ẽiraka’e peẽme Ñanderuete rembiapoukapykuéra. Ha avave pende apytégui ndojapói hekópe Ñanderuete rembiapoukapykuéra. Mba’érehepa peñeha’ãha chejuka hag̃ua.

Juan 8:54

Hesu he’i ichupekuéra: Che añembotuicha rire, che ñembotuicha añetehápe ndovaleiva’erãmo’ã mba’eve. Che Ruete ningo chembotuicha, ha peẽ peje hese Ha’e pende Rueteha.

Juan 8:58

Hesu he’i ichupekuéra: Añetehápe, añetehápe ha’e peẽme, Abraham oiko mboyve, Che aikomava’ekue.

Filipoyguakuérape 2:6

Hesu Crísto oguereko ramojepe Ñanderuete reko, Ha’e nahakate’ỹi heko rehe,

Apocalípsis 22:1

Upéi pe yvága rembiguái ohechauka chéve pe ysyry oporomoingovéva, hesakãva ita veráicha, osẽva Ñanderuete ha Ovechara’y guapyhaguasúgui.

Apocalípsis 22:3

Upépe ndaiporivéima mba’eve oñemaldecipyréva. Ñanderuete ha pe Ovechara’y guapyhaguasu oĩ ipype, ha hembiguaikuéra oservíta ichupe.