Juan 5:14

Ñanderuete Ñe’ẽ Porã 2015

Uperiremi Hesu ojohu ichupe Ñanderuete rogaguasúpe ha he’i ichupe: Ema’ẽ porã, rekueráma, anive reñemoangaipa, ani hag̃ua ojehu ndéve mba’e ivaivéva.

Referencias Cruzadas

2 Crónicas 28:22

Ha tetã ruvicha Acaz ojejopy vaive ohóvo upe árape, ombojo’a angaipa tuichavéva Ñanderuete ndive g̃uarã,

Nehemías 9:28

Ha’ekuéra oiko ramo py’aguapýpe, ojapo jevy jey ivaíva ne renondépe, ha upévare reheja ichupekuéra ho’a hag̃ua hese ija’e’ỹvakuéra poguýpe; ha ojere osapukái asy jevy ndéve hikuái, ha Nde, yvága guive, rehendu jevy ichupekuéra ha nde poriahuvereko rupi heta jevy resalva ichupekuéra.

Salmokuéra 118:18

Ñanderuete chehavira pohyietéma, ndacherejái katu amano.

Salmokuéra 18:22

Opaite hembiapoukapy oĩmba che renondépe ha namboykéi iñe’ẽ che rekovégui.

Salmokuéra 27:6

Upéi Ñanderuete omopu’ãta che akã umi cherehe ija’e’ỹva ári, chembojerepa ramojepe, upéi che aikuave’ẽta vy’apópe hogaguasúpe che kuave’ẽmby, apurahéita ha amomba’eguasúta ichupe.

Salmokuéra 9:13

Cheporiahuverekomína, che Ruete, ema’ẽmína che mba’embyasy ahasáva rehe umi cherehe ija’e’ỹva rupi, Nde cherenohẽ ñemano rokẽnguéragui.

Isaías 38:20

Ñanderuete chesalváma; upévare japurahéi joa ha ñambopu pe árpa Ñanderuete rogaguasúpe jaikove aja pukukue.

Isaías 38:22

Ha Ezequías oporandu avei: Mba’éichagua techaukapýpa areko ajupi jevy hag̃ua Ñanderuete rogaguasúpe.

Levítico 13:20

Ha pe pa’i oma’ẽva’erã hese ha ha’ete ramo ipypukuveha ipire apégui, ha haguekuéra oñemomorotĩ ramo, pe pa’i he’iva’erã ha’e naipotĩriha; péva lépra voi, heñoiva’ekue pe susu’águi.

Levítico 26:27

Ha ko’ã mba’e rupi napecherendúi ramo, ha peñemoĩve ramo gueteri cherehe, pende Ruete he’i:

Levítico 7:12

Ojegueru ramo kuave’ẽmby agradecimiénto reheguáva toñeme’ẽ avei pan he’ẽva ojejapova’ekue levadura’ỹre ha oñembojehe’ava’erã acéite reheve, ha mbeju oñemonambyréva acéitepe oñembochyryrypyréva trígo ku’i porãgui,

Matéo 12:45

Upérõ oho ha ogueruve hendive ambue 7 mba’epochy iñañavéva ichugui, ha oike ha opyta oiko hag̃ua hikuái ipype; ha pe kuimba’e reko ou iñañave iñepyrũmbyguarégui. Upéicha ojehúta avei ko’ã ñemoñare ñaña vaiete apytépe.

Márcos 2:5

Hesu ohechávo umi kuimba’e jerovia, he’i pe ijapávape: Che ra’y, ne rembiapo vai oñeperdonáma.

Juan 5:13

Pe kuimba’e hasyva’ekue ndoikuaái katu mávapa ra’e upe omonguerava’ekue ichupe. Hesu ojeímagui umi tetãygua apytégui.

Juan 5:5

Umíva apytépe ningo oĩ peteĩ kuimba’e 38 áñoma hasy hague.

Juan 8:11

Ha pe kuña he’i Hesúpe: Avave, karai. Upémaramo Hesu he’i ichupe. Che avei norocondenamo’ãi ndéve, tereho ha anive reñemoangaipa.

1 Pédro 4:3

Heta ára peikova’ekue voi yvyarigua rete rembipota vaípe, ku ojerovia’ỹvaicha Ñanderuete rehe, umíva ningo: Teko vai, mba’epota vai, ka’u, karuguasu, ka’u atyguasúpe ha ñemomba’eguasu avei jára gua’úpe.