Juan 4:36

Ñanderuete Ñe’ẽ Porã 2015

Upe omono’õva ningo ohupitýma hembiapokue repy ha omono’õ umi yva pe tekove tapia g̃uarãme, upe oñemitỹva ovy’a ha upe omono’õva avei.

Referencias Cruzadas

Mga Kawikaan 11:18

Pe iñañáva ohupitýta hembiapo japu repy; ha upe omyasãiva teko potĩ ohupityva’erã hembiapo repy heko peguáva.

Mga Kawikaan 11:30

Pe heko potĩva ningo ojogua yvyra oikovévape ha pe teko mbarete oporojuka.

Daniel 12:3

Umi mbo’ehára omimbíta, pe yvága omimbi háicha; ha umi oipytyvõva hapichápe ojohu hag̃ua pe justícia Ñanderuete ndive, omimbiva’erã tapia g̃uarã ku mbyjáicha.

Matéo 19:29

Ha oimeraẽva ohejava’ekue hóga, térã ityke’ýra, heindy, isy, ita’ýra térã ikokue che réra rayhupápe, ohupityva’erã 100 jevyve, ha oguerekóta pe tekove tapia g̃uarãva.

Juan 3:36

Pe ojeroviáva Hesu Crísto rehe oikove tapia g̃uarã, upe iñe’ẽrendu’ỹva Hesu Crístope katu ndohechamo’ãi pe tekove tapia g̃uarãva, Ñanderuete ñemyrõ ha ijehavirarã (icastigorã) ndojeimo’ãi ichugui.

Juan 4:14

Upe hoy’úva pe y oporomoingovéva Che ame’ẽtavagui ndaijy’uheivéima araka’eve. Pe y Che ame’ẽtava oporomoingovégui tapia g̃uarã.

Juan 5:24

Añetehápe, añetehápe, Che ha’e peẽme: Upe ohendúva ha ojeroviáva pe chembouva’ekue rehe, oguerekóma pe tekove tapia g̃uarãva, noñecondenamo’ãi, ohasámagui omanóva apytégui oikovéva apytépe g̃uarã.

Romayguakuérape 1:13

Che hermanokuéra ahayhúva ndaipotái ningo pepyta peikuaa’ỹre, che añeha’ãmbáma hague heta jevy poñandu hag̃ua, opáichavo ko’ág̃a peve máramo ndaikatúi, ahupity hag̃ua avei pende apytépe, che remiñotỹnguéra (frúto) ahupity haguéicha avei ambue tetãyguakuéra apytépe.

Romayguakuérape 2:7

Ñanderuete voi ningo ome’ẽta tekove opa’ỹva umi ojapóvape tembiapo porã, ha oñeha’ãmbáva ohupity hag̃ua Ñanderuete reko ojajaipáva, tekove opa’ỹva ha ombotuichaséva Ijárapente.

Romayguakuérape 6:22

Ko’ág̃a katu penesãsóma angaipa pu’aka poguýgui, peikógui Ñanderuete rembiguái ramo, ojehecha ambue a pende rekovépe, peñemboheko porã pehóvo ha hi’ári pehupitýta pe jeikove tapia g̃uarãva.

Romayguakuérape 6:23

Pe angaipa repy ningo pe ñemano, Ñanderuete me’ẽmby rei katu pe tekove tapia g̃uarãva Ñandejára Hesu Crísto pendepype.

1 Corintoyguakuérape 9:17

Che voi amyasãi ramo ahupitýta che rembiapo repy, Hesu Crísto katu chejokuái aiko hag̃ua hembiguái ramo.

1 Corintoyguakuérape 9:18

Upéicharamo mba’épa che rembiguái rembiapo repy, péva ningo pe vy’a che arekóva amyasãigui Ñanderuete ñe’ẽ porãite aiporu’ỹre che derécho, amyasãigui ko evangélio kóva acobra’ỹre mba’eve che rembiapo repy rehe.

1 Tesalonicayguakuérape 2:19

Mávapa ore esperánza, térã mávapa orembovy’a, térã mávapa ore coróna Hesu Crísto ouha árape g̃uarã.

1 Timotéope 4:16

Eñangareko ndejehe ha umi mba’e reporombo’éva rehe, epyta ipype, rejapórõ upéicha, Ñanderuete omoañetéta nde salvacion ha umi nerendúvape avei.