Juan 4:28

Ñanderuete Ñe’ẽ Porã 2015

Upévo pe kuña oheja ikambuchi pe ykuápe ohenói hag̃ua umi tavayguakuérape ha he’i ichupekuéra:

Referencias Cruzadas

2 Réyes 5:4

Ha Naaman oho imburuvichaguasu rendápe, ha omombe’u ichupe ko’ã mba’e: Péicha he’i peteĩ mitãkuña Israel pegua.

Matéo 28:8

Ha oho hikuái Hesu tyvýgui kyhyje ha vy’a tuicha reheve, ha ñaniháme oho hikuái omba’emombe’u hag̃ua hemimbo’ekuérape.

Lúcas 24:33

Ha upevove opu’ã ha ojevy hikuái Jerusalénpe ha ojohu umi 11 Hesu remimbo’e oñembyaty ha ambuekuéra oĩ avei hendivekuéra, ha ko’ãva he’i ichupekuéra:

Lúcas 24:9

Ha ojevývo hikuái Hesu oñeñotỹ haguégui, omombe’upa hikuái ojehuva’ekue umi 11 Hesu remimbo’ekuérape ha ambuekuérape avei.

Juan 4:27

Upejave og̃uahẽ jevy hemimbo’ekuéra ha ohecharamoite hikuái Hesu oñemongetaha peteĩ kuña ndive, avave katu nde’íri ichupe: Mba’épa reporandu, térã mba’érehepa reñemongeta hendive.

Juan 4:29

Peju, pehecha peteĩ kuimba’e, he’ipava’ekue chéve ajapova’ekue, ha’éne piko pe Crísto.

Juan 4:7

Upérõ ou peteĩ kuña Samariaygua y rekávo, ha Hesu he’i ichupe: Hay’usemi ningo.