Juan 4:22

Ñanderuete Ñe’ẽ Porã 2015

Peẽ peñembo’e peẽ peikuaa’ỹvape, ore katu roñembo’eroína ore roikuaávape, pe salvacion ningo ou Judayguakuéragui.

Referencias Cruzadas

Genesis 49:10

Avave ndoipe’amo’ãi huvicha reko ha avave ndoitymo’ãi ichupe imburuvichaguasu guapyhágui, ou peve Siloh oñeme’ẽva’erãvape ha Ha’e oguapýta imburuvichaguasu guapyhápe ha henondépe oñembyatypava’erã tetãnguérape.

Ésdras 4:2

oho hikuái Zorobabel ha umi ogaguasu ruvichakuéra rendápe, ha he’i hikuái ichupekuéra: Romopu’ãta avei penendive Ñandejára rogaguasurã, rohekágui peẽicha pende Járape, ha ichupe roikuave’ẽta avei ore kuave’ẽmbynguéra Esarhadon, Asíria retã ruvicha, orembouha ára guive ko’ápe.

Salmokuéra 147:19

Ha’e ombohasa Jacóbope hembipota; hembiapoukapy ha ijustícia ome’ẽ Israélpe.

Salmokuéra 68:20

Ñanderueténte, ore Jára añeteguáva, Ha’e ñaneguenohẽ jejopy vaígui. Ha’émante omboykekuaa pe ñemano.

Isaías 12:2

Peikuaa porãke, Ñanderuete, che Jára chesalvataha; ajerovia hese ha ndakyhyjemo’ãi; Ha’e chemombarete, upévare apurahéita ichupe g̃uarã, Ha’e chesalvágui.

Isaías 12:6

Evy’a ha epurahéi, nde Siónpe reikóva; mba’eguasuete Israel Jára Heko porãva ojapóta pende apytépe.

Isaías 2:3

Ha umi tetã ou joáva, he’íta: Peju ha jajupi Ñanderuete cérrope, Jacóbo Jára rogaguasúpe, ha’ekuéra ñanembo’e hag̃ua hapekuérare, ha upéi jaguata avei hapekuéra rehe. Sióngui osẽta Ñanderuete rembiapoukapy ha Jerusaléngui oúta iñe’ẽ.

Isaías 46:13

Che amog̃uahẽta pene rendápe che ñepytyvõ, naimombyryvéima che salvacion, hi’ag̃uíma uvei. Siónpe aguenohẽta ijejopy vaígui ha Israélpe ahechaukáta che reko jajaipa.

Zacarías 9:9

Evy’aitékena, Sion rajy, epurahéi vy’apópe, Jerusalen rajy, péina ápe ne retã ruvicha (Hesu Crísto) oúta ne rendápe nde Salvador ramo ijustícia reheve, Ha’e oñemomirĩta ha oúta peteĩ búrro ra’yrusu ári.

Lúcas 24:47

Ha oñemyasãiva’erãha ko’ã mba’e opaite yvyariguakuéra retãme oñepyrũvo Jerusalénpe: Opavave oñembyasy hag̃ua ojapo vai haguére ha Hesu Crísto rembiapo porã (sacrifício) rupínte oĩha perdon.

Apostolkuéra 17:23

Ahasávo pende jára rogakuéra rupi ahecha peteĩ kuave’ẽmby renda, ojehaihápe: Pe jára ojekuaa’ỹvape g̃uarã. Upe Jára peẽ peikuaa’ỹva, péva che aikuaaukase peẽme.

Apostolkuéra 17:30

Ñande Apohare, Ñanderuete, oheja ohasa umi ára atyguasu tetãyguakuéra oikuaa’ỹre ichupe, ko’ág̃a katu oipota opavave ojevy hendápe ha oñembyasy oñemboheko vai haguére.

Apostolkuéra 3:26

Peẽme g̃uarã raẽ katu Ñanderuete omopu’ãva’ekue Ita’ýrape, peẽ pejehovasa hag̃ua Ha’érupi, pejei hag̃ua pende rape vaígui ha pende reko vaígui (Matéo 1,21)

Romayguakuérape 11:18

upévare ani reñembotuicha rei umi ambue hakãnguéra rehe, ha reñembotuicha ramo, eikuaa porãke, nandéi remongaruha pe olívo yvyra rapo, hapokuéra omongaru uvei opaite yvyra rakãnguéra hykuere porãite rupi, ha ndéve avei.

hebreoyguakuerape 7:14

Ojekuaa porã ningo Hesu Crísto, Juda tríbu reheguaha, upévare Moises nde’íri mba’eve Juda tríbu rehe, oñe’ẽ ramoguare pa’i reko rehe.