Juan 4:21

Ñanderuete Ñe’ẽ Porã 2015

Hesu he’i ichupe: Nde kuña, erovia katu og̃uahẽtaha pe hóra peẽ napeñembo’evéitava Ñanderuetépe ko cérro kóva ári ni Jerusalénpe.

Referencias Cruzadas

Isaías 66:1

Péicha he’i pende Ruete: Pe yvága che guapyha renda, ha pe yvy che pykuéra renda; mba’eichagua óga piko peẽ pemopu’ãkuaa chéve g̃uarã ha mba’épa peẽ pejapokuaa Che apytu’u hag̃ua.

Ezequiel 14:3

Kuimba’e ra’y, ko’ã kuimba’e ko’ãva ome’ẽma ipy’apy (iñe’ã) ambue járape ha omomba’eguasu ñemiháme ichupekuéra, upévagui Che nambohovaimo’ãvéima ichupekuéra.

Ezequiel 20:3

Kuimba’e ra’y, eñe’ẽ umi Israel ancianokuérape, ha ere ichupekuéra péicha he’i pende Ruete: Peju piko pemba’eporandu hag̃ua chéve, che rekove rehe, nda’emo’ãi mba’evete peẽme, he’i pende Ruete.

Malaquías 1:11

Kuarahyresẽ guive oikeha peve oñemomba’eguasuhína che réra opaite tetãnguéra apytépe, ha oparupiete oñekuave’ẽ che rérape g̃uarã mba’e ryakuã porã ha kuave’ẽmby ipotĩva, mba’eguasúgui che réra tetãnguéra apytépe, he’i ángel atykuéra Jára.

Matéo 18:20

Oñembyatyhápe mokõi térã mbohapy che rérape, ijapytepekuéra aĩta Che avei.

Matéo 28:19

Upévare tapeho ha peñemohemimbo’e opaite tetãnguérape, ha pebautiza ichupekuéra Túva, Ta’ýra ha Pytu Porãmbáva rérape.

Lúcas 21:24

Ha hetaiterei ojejukáta kyse puku rãimbépe, ambuekuéra ojegueraháta jepokuapýpe opaite tetãnguérape. Ha Jerusalen opytáta ambue tetãnguéra poguýpe, oñemboty peve (opa peve) umi ára Ñanderuete ome’ẽmava’ekue ichupekuéra.

Juan 14:6

Hesu he’i ichupe: Che ningo pe tape, pe añetegua ha pe tekovete, avave ndaikatúi og̃uahẽ che Ruete rendápe cherehe’ỹ. Cherupímante uvei ikatu oñeg̃uahẽ Ñanderuete rendápe.

Juan 16:2

Pa’ikuéra ha fariseokuéra penemosẽta Ñanderuete rogaguasúgui, ha og̃uahẽta gueteri umi ára oimeraẽva pendejukátava oimo’ãgui omomba’eguasuha Ñanderuetépe (umi tembiapo rupi).

Juan 16:32

Peikuaa porã katu, oúta pe hóra, ha og̃uahẽma voi ningo, opaite peẽ peñemosarambipáta ha pehóta pende rógape, ha peẽ pecherejáta chéve che año, Che katu ndapytamo’ãi che año, che Ruete voi oĩtagui chendive.

Juan 4:23

Eikuaa porã katu, og̃uahẽtaha pe hóra ha ko’ág̃a og̃uahẽma voi, umi oñembo’éva Ñanderuetépe, oñembo’eva’erã Pytu Porãme ha añetegua reheve, umi péicha oñembo’evahína Ñanderuete oheka ha oguerohory.

Juan 5:25

Añetehápe, añetehápe, Che ha’e peẽme: Oúta pe hóra ha og̃uahẽma voi, umi omanova’ekue ohendúta ha iñe’ẽrendúta Ñanderuete Ra’y ñe’ẽme ha oikoveva’erã tapia g̃uarã.

Juan 5:28

Anítei pehecharamo ko mba’e, katuete oúta pe hóra opaite umi omanova’ekue ohendúvo Hesu Crísto ñe’ẽ oporohenoimbávo iñeñotỹha rendágui,

Apostolkuéra 6:14

ore ningo rohendu ha’e he’i hague Hesu, pe Nazaretgua, ombyaitaha ko ogaguasu kóva ha omoambuetaha umi jepokuaa Moises ome’ẽmava’ekue ñandéve.

Efesoyguakuérape 2:18

Hesu Crísto rupi mokõivéva og̃uahẽ peteĩ Pytu Porãmbávape Ñanderuete rendápe.

Efesoyguakuérape 3:14

Upévare che añesũ Ñanderuete renondépe.

1 Timotéope 2:8

Aipota ningo opaite kuimba’e opárupi omopu’ã ipo potĩ oñembo’e jave Ñanderuetépe, pochy’ỹ ha ñorãirõ’ỹ reheve.

1 Pédro 1:17

Ha peẽ peñembo’e ramo Ñanderuetépe, peikuaa porãke Ha’e ombojovakéta peteĩteĩme hembiapokue rehe oporombojuavy’ỹva, upévare peiko kyhyjepópe yvy apére.

Apocalípsis 21:22

Ha pe tavaguasu ryepýpe ndahechái Ñanderuete rogaguasu, Ñanderuete, pe Ipu’akapáva voi ha pe Ovechara’y oikógui ipype, ha opyta pe táva Ñanderuete rogaguasu ramo.