Juan 4:19

Ñanderuete Ñe’ẽ Porã 2015

Ha pe kuña he’i Hesúpe: Karai, che aikuaáma, Nde ha’eha peteĩ proféta.

Referencias Cruzadas

2 Réyes 5:26

Upéramo Eliséo he’i ichupe: Che pytúpe aime avei upérupi, Naaman oguejy ramo icárrogui ohug̃uaitĩ hag̃ua nendive. Ko’ág̃a piko hi’ára jajapyhy hag̃ua pláta, ao, olivoty, parralty, ovechaita, gueieta, tembiguái kuimba’e ha kuñáva.

2 Réyes 6:12

Upémaramo peteĩ hembiguái he’i: Ndaupéichai che retã ruvicha ha che jára, Israélpe ningo oĩ peteĩ proféta, hérava Eliséo, ha’e omombe’upa hetã ruvichápe pe ñe’ẽ nde eréva guive nde koty ñemiha meguágui jepe.

Matéo 21:11

Ha hetãyguakuéra he’i: Kóva ningo pe proféta Hesu, Nazaret, Galiléa pegua.

Lúcas 24:19

Upérõ Hesu oporandu ichupekuéra: Mba’e piko. He’i hikuái ichupe: Umi mba’e ojehuva’ekue Hesu Nazaretguáre. Ha’e ningo peteĩ proféta, imilagrokuéra ha iñe’ẽnguéra rupi ohechauka Ñanderuete pu’aka opaite kuimba’e ha kuñakuéra renondépe,

Lúcas 7:16

Ha okyhyjepa joa hikuái ha omomba’eguasu Ñanderuetépe he’ívo: Peteĩ proféta tuichaitéva opu’ã ñande apytépe, Ñanderuete oñandúma hetãme.

Lúcas 7:39

Pe fariséo oconvidava’ekue Hesúpe, ohechávo péva he’i ipy’apýpe: Ko kuimba’e kóva añetehápe proféta rire, oikuaava’erãmo’ã mávapa pe opokóva hese, ha mba’eichagua kuñápa ha’e, ha’e ningo peteĩ kuña reko vaíva.

Juan 4:18

Cínco nemenava’ekue ha pe ko’ág̃agua oikóva nendive, ndaha’éi voi ne ména.

Juan 4:29

Peju, pehecha peteĩ kuimba’e, he’ipava’ekue chéve ajapova’ekue, ha’éne piko pe Crísto.

Juan 6:14

Umi kuimba’e ohechávo Hesu ojapoha milágro he’i hikuái: Añetehápe, kóva ningo pe proféta ouva’erãva ko yvy ape ári.

Juan 7:40

Umi oñembyatyva’ekue apytégui oĩ umi he’íva: Añetehápe ningo kóva peteĩ proféta.

Juan 9:17

Upévare oporandu jevy hikuái pe hesatũva’ekuépe: Ha nde, mba’e piko ere hese, nemonguera haguére. Ha ha’e he’i: Hesu ningo peteĩ proféta.

Deuteronómio 18:15

Israelguakuéra apytégui Ñanderuete omopu’ãta peẽme g̃uarã peteĩ proféta cheichagua, ha pehenduva’erã ichupe (Hesu Crísto).