Juan 4:14

Ñanderuete Ñe’ẽ Porã 2015

Upe hoy’úva pe y oporomoingovéva Che ame’ẽtavagui ndaijy’uheivéima araka’eve. Pe y Che ame’ẽtava oporomoingovégui tapia g̃uarã.

Referencias Cruzadas

Isaías 49:10

Naiñembyahyimo’ãi ha ndaijy’uheimo’ãi, ha arahakúpe noñandumo’ãi pe kuarahy; pe oiporiahuverekóva ichupekuéra oisãmbyhýta avei ichupekuéra ogueraha hag̃ua yvu porãháme.

Isaías 55:1

Mayma ijy’uhéiva, peju joa yrendápe, ha umi ipirapire’ỹva jepe peju pegueraha trígo pe’u hag̃ua. Pe’u, pejogua pirapire’ỹre, ha reiete oñeme’ẽ avei víno ha kamby.

Isaías 58:11

ha pende Ruete pomboguatáta opaite árape ha penemohyg̃uatã porãta pende yvy ikangy ramojepe ha Ha’e omombaretéta pende rete ha pejoguaitéta ku ka’avoty oñembohykuévape meme árape, ha yvu hi’y hetávape, ndahypáiva araka’eve.

Jeremías 2:13

Ko che retã ningo ojapo mokõi mba’e ivaietereíva: Opoi chehegui, pe yvu oikovévagui, ojo’o hag̃ua hi’yendag̃ua (cistérna) soropáva, ojoko’ỹva pe y.

Jeremías 31:25

amokyre’ỹgui hi’ánga ikane’õvape, ha amoangapyhy mayma hi’ánga oñembyasývape.

Ezequiel 47:9

Ha opaichagua pira térã ambue mymba oikóva guive ko ysyrýpe oikove porã jevýta; ha hetaiterei pira oĩta ipype, og̃uahẽ guive ko ysyry ha oñepohãnomba rire oikove porãmba hikuái.

Levítico 11:36

Peteĩ mymba re’õngue ho’a ramo yvúpe térã ysyrýpe nomongy’amo’ãi umía, upe oguenohẽva katu pe mymba re’õngue oñemongy’a avei.

Matéo 25:46

Ha ãva ohóta pe jehavira (castígo) ijapyra’ỹvape, ha umi heko potĩva katu pe tekove ijapyra’ỹvape (Daniel 12,2).

Matéo 5:6

Ipy’a rory umi iñembyahýiva ha ijy’uhéiva ñembojovake heko pegua rehe, oñemohyg̃uatãva’erã ichupekuéra.

Juan 10:10

Umi mondaha ningo ou omonda ha oporohundi hag̃uánte, Che katu aju ame’ẽ hag̃ua pe tekove añeteguáva ha hemby hag̃ua gueteri.

Juan 11:26

Ha opaite oikovéva ha ojeroviáva cherehe, nomanomo’ãi tapia g̃uarã. Regueroviápa ko’ã mba’e.

Juan 4:10

Hesu ombohovái ichupe ha he’i: Reikuaa rire Ñanderuete remime’ẽ ha pe ojeruréva nde ymi, nde voi rejerureva’erãmo’ã ichupe, ha Ha’e ome’ẽva’erãmo’ã ndéve y oporomoingovéva.

Juan 4:11

Ha pe kuña he’i: Karai, ndereguerekói ningo mba’eve renohẽ hag̃ua ko ymi jepe, ko pózo ipypuku avei, mamo piko reguereko upe y oporomoingovéva.

Juan 4:13

Hesu ombohovái ichupe: Oimeraẽ hoy’úva ko ykuágui ijy’uhéi jevyva’erã.

Juan 4:36

Upe omono’õva ningo ohupitýma hembiapokue repy ha omono’õ umi yva pe tekove tapia g̃uarãme, upe oñemitỹva ovy’a ha upe omono’õva avei.

Juan 6:27

Ani peñeha’ã pehupity hag̃uánte pe tembi’u opa reíva, peñeha’ã katu pehupity hag̃ua pe tembi’u tekove tapia g̃uarãva uvei, ha kóva ningo pe yvyarigua Ra’y ome’ẽtava peẽme, ha Ñanderuete, pe Jaraitéva omoañete voi ichupe.

Juan 6:35

Upémaramo Hesu he’i ichupekuéra: Che voi ningo pe pan oikovéva, oimeraẽva oúva guive che rendápe naiñembyahyimo’ãi araka’eve, ha ojeroviáva guive cherehe, máramo ndaijy’uheimo’ãvéi.

Juan 6:58

Kóva ningo pe pan oguejyva’ekue yvágagui, upe ho’úva ko pan kóvagui nomanomo’ãi, oikoveva’erã tapia g̃uarã uvei. Ñande rukuéra katu omanomba ho’u ramo jepe pe mana.

Juan 7:37

Pe areteguasu ára pahápe Hesu oñembo’y ha oñe’ẽ hatã ha he’i: Upe ijy’uhéiva tou che rendápe ha toy’u.

Romayguakuérape 5:21

Ha pe angaipa ombopoguy haguéicha tetãyguakuéra rekove, oguerúvo ichupekuéra pe ñemano, péicha ko’ág̃a Ñanderuete mborayhu ombopoguy pe ñemano pu’aka omboheko potĩ hag̃ua, ha ome’ẽ ñandéve jeikove tapia g̃uarãva, Ñandejára Hesu Crísto rupi.

Romayguakuérape 6:23

Pe angaipa repy ningo pe ñemano, Ñanderuete me’ẽmby rei katu pe tekove tapia g̃uarãva Ñandejára Hesu Crísto pendepype.

2 Corintoyguakuérape 1:22

Ha Ñanderuete ñanemarcapáma ha Ha’e ome’ẽ avei ñandéve pe Pytu Porãmbáva ñande py’apýpe adelánto (jehupityrã) ramo omoañete hag̃ua pe ñembopy’apeteĩ (jarekóva hendive).

Efesoyguakuérape 4:30

Ani pembopy’ambyasy Ñanderuete Pytu Porãmbávape, Ha’érupi peñemarcamava’ekue salvacion árape g̃uarã.

1 Pédro 1:22

Peẽ pemopotĩ rire pene ánga peneñe’ẽrendu hag̃ua Ñanderuete ñe’ẽ añeteguápe ha pejohayhu hag̃ua tapia hermáno mborayhu añetegua ha tova mokõi’ỹ reheve.

1 Juan 5:20

Jaikuaa ningo Ñanderuete Ra’y ou hague, ha ome’ẽ ñandéve akã porã ñande jaikuaa hag̃ua pe Añeteguávape, ha ñande ñaĩ pe Añeteguavapype, he’ise Ñanderuete Ra’y Hesu Crístopype. Ha’e Ñandejára Añeteguáva ha pe tekove tapia g̃uarãva.

Apocalípsis 7:16

Naiñembyahyimo’ãvéima, ndaijy’uheimo’ãvéima, pe kuarahy ndohapymo’ãvéima ichupekuéra ha noñandumo’ãvéima mbyry’ái.

Apocalípsis 7:17

Pe Ovechara’y oĩva pe guapyhaguasu mbytépe omongaru ha omboy’úgui ichupekuéra pe yvu oporomoingovévagui ha Ñanderuete omokã opaite tesay hesaguikuéra.