Juan 4:10

Ñanderuete Ñe’ẽ Porã 2015

Hesu ombohovái ichupe ha he’i: Reikuaa rire Ñanderuete remime’ẽ ha pe ojeruréva nde ymi, nde voi rejerureva’erãmo’ã ichupe, ha Ha’e ome’ẽva’erãmo’ã ndéve y oporomoingovéva.

Referencias Cruzadas

Salmokuéra 10:17

Nde, che Ruete, rehendu umi oñemomirĩva mba’ejerure; Nde voi remokyre’ỹ jevy ichupekuéra, ha rejapysaka porã hesekuéra,

Salmokuéra 46:4

Pe y osyrýva ombohory Ñanderuete táva, ko tenda iporãite, pe Ijyvatetéva oikohápe.

Éxodo 17:6

Che aĩta ne renondépe pe itaguasu Horeb ári ha reinupã rire pe itaguasu osẽta ichugui y remboy’u hag̃ua ne retãyguakuérape. Ha Moises péicha ojapo Israel aty ruvichakuéra renondépe.

Cantar de los cantáres 4:15

Nde ningo peteĩ yvu yvotytýpe, hi’y oikovéva osyry Líbanogui.

Isaías 12:3

Vy’apópe peguenohẽva’erã y pe salvacion yvúgui.

Isaías 35:6

Upérõ pe ikarẽva opopo jevýta guasúicha, ha iñe’ẽngúva juru opurahéi jevýta; osẽta y yvy perõme ha osyrýta yvy heñoi’ỹva’ekuépe.

Isaías 42:6

Che, pende Ruete, rohenóikuri justícia rupive, ha nde pógui rogueraháta, añangarekóta nderehe ha romoĩta tetãyguakuérape g̃uarã ñe’ẽme’ẽ (promésa) ramo, ha tetãnguéra resapehára ramo.

Isaías 43:20

Umi mymba saite ñu rupigua, umi jagua saite ha umi ñandu guasura’y; chemomba’eguasúta amoĩ haguére desiértope ha ysyry heñoi’ỹháme mba’eve, che retã aiporavomava’ekue hoy’u hag̃ua avei.

Isaías 44:3

Che añohẽta y yvy ijy’uhéiva ári, ha ambosyrýta y yvy ikãha rupi, Che añohẽta che Pytu Porãite ne mitãkuéra ári ha che jehovasa ne ñemoñarenguéra ári.

Isaías 49:10

Naiñembyahyimo’ãi ha ndaijy’uheimo’ãi, ha arahakúpe noñandumo’ãi pe kuarahy; pe oiporiahuverekóva ichupekuéra oisãmbyhýta avei ichupekuéra ogueraha hag̃ua yvu porãháme.

Isaías 9:6

Peteĩ mitãkuimba’e onacéta ñandéve ko yvy apére, peteĩ ta’ýra oñeme’ẽta ñandéve, ha ijati’y ári oĩta mburuvicha pu’aka, ha oñembohérata ichupe: Mbojovakehára heko peguáva, Jára ipu’akapáva, Ipy’aguasúva, Túva tapia g̃uarãva ha Mburuvicha py’aguapy reheguáva.

Jeremías 2:13

Ko che retã ningo ojapo mokõi mba’e ivaietereíva: Opoi chehegui, pe yvu oikovévagui, ojo’o hag̃ua hi’yendag̃ua (cistérna) soropáva, ojoko’ỹva pe y.

Ezequiel 16:35

Upévare nde, kuña heko vaíva, ehendúke pende Ruete ñe’ẽ,

Zacarías 13:1

Upe ára upévape oĩta peteĩ yvu David ñemoñarenguéra ha umi Jerusalenguápe g̃uarã, ojohéi hag̃ua hi’angaipa ha hembiapo vai.

Zacarías 14:8

Ha ojehuva’erã avei upe árape, Jerusaléngui osẽta y oikovéva, ha péva oñemboja’óta avei, ha peteĩ imbytere osyrýta (Mar Muérto) kuarahyresẽha gotýo, ha ambue imbytere osyrýta pe yguasu (Mar Mediterráneo) kuarahyreikeha gotýo, arahaku ha araro’ýpe osyryva’erã (ndahypamo’ãi).

Lúcas 11:13

Ha peẽ peneñañáva, peme’ẽkuaa ramo mba’eporãva pende ra’y ha pende rajykuérape, ko’yteve Ñanderuete ome’ẽva’erã katuete pe Pytu Porãva umi ojerurévape ichupe.

Juan 16:3

Ko’ã mba’e ojapóta hikuái ndoikuaa porãigui Ñanderuetépe ni chéve.

Juan 17:3

Ha pe tekove tapia g̃uarãva ningo kóva: Tandekuaa hikuái ndéve, Ndémante Ñanderuete añeteguáva, ha toikuaa avei pe Nde rembouva’ekue, Hesu Crísto.

Juan 3:16

Ñanderuete ohayhuetégui opaite tetãyguakuérape Ha’e ome’ẽ Ita’ýra peteĩetévape, opaite ojeroviáva guive hese ani hag̃ua oñehundi, oguereko hag̃ua uvei pe tekove tapia g̃uarãva.

Juan 4:14

Upe hoy’úva pe y oporomoingovéva Che ame’ẽtavagui ndaijy’uheivéima araka’eve. Pe y Che ame’ẽtava oporomoingovégui tapia g̃uarã.

Juan 6:35

Upémaramo Hesu he’i ichupekuéra: Che voi ningo pe pan oikovéva, oimeraẽva oúva guive che rendápe naiñembyahyimo’ãi araka’eve, ha ojeroviáva guive cherehe, máramo ndaijy’uheimo’ãvéi.

Juan 6:51

Che ningo pe pan oporomoingovéva ha oguejyva’ekue yvágagui, upe ho’úva ko pan oikovéta tapiaite, ko pan che ame’ẽtava yvyariguakuéra rekoverã rehehápe, che ro’oite voi ningo.

Apostolkuéra 9:11

Ha Hesu he’i ichupe: Epu’ã ha tereho pe cálle hérava ikarẽ’ỹva, Júdas rógape, ha upépe nde rejohúta peteĩ kuimba’e hérava Sáulo, Tarsoygua, ha’e ningo oñembo’ehína.

Romayguakuérape 8:32

Ñanderuete nahakate’ỹiva’ekue ita’yratee rehe jepe, ome’ẽvo ichupe ñanderehehápe, mba’éicha piko nome’ẽmo’ãi avei hendive opaite ambue mba’e (ñaikotevẽteéva).

1 Corintoyguakuérape 1:30

Ñanderuete rupi ñande jaiko Hesu Cristopype, Ha’érupi jahupity Ñanderuetégui: Arandu, justícia (tekojoja), teko potĩ ha salvacion,

1 Corintoyguakuérape 10:4

ha’ekuéra hoy’upava’ekue avei pe y Ñanderuete ome’ẽva’ekue ichupekuéra pe itaguasúgui omoirũva ichupekuéra hape pukukue rupi ha pe itaguasu ningo Hesu Crísto voi.

2 Corintoyguakuérape 9:15

Jagradece Ñanderuetépe opaichagua ime’ẽmby rehe.

Efesoyguakuérape 2:8

Ñanderuete mborayhu rupi peẽ pejesalva ha pejerovia Hesu Crísto rehe ndaha’éi katu pendejehegui, Ñanderuete me’ẽmby rupínte.

hebreoyguakuerape 6:4

Ndaikatúi ningo umi ojehesape’amava’ekue ha oaprovámava (oha’ãmava) pe yvága me’ẽmby, ha oñeme’ẽmava’ekue ichupekuéra pe Pytu Porãmbáva,

1 Juan 5:20

Jaikuaa ningo Ñanderuete Ra’y ou hague, ha ome’ẽ ñandéve akã porã ñande jaikuaa hag̃ua pe Añeteguávape, ha ñande ñaĩ pe Añeteguavapype, he’ise Ñanderuete Ra’y Hesu Crístopype. Ha’e Ñandejára Añeteguáva ha pe tekove tapia g̃uarãva.

Apocalípsis 21:6

Ha he’ive chéve: Oikopáma, Che ningo ha’e pe “a” ha pe “zéta” pe ñepyrũ ha pe paha. Che amboy’úta pe ijy’uhéivape pe y yvuguigua oikovévagui, ha reiete Che ame’ẽta ko y kóva.

Apocalípsis 22:17

Pe Pytu Porãmbáva ha Ovechara’y rembireko ningo he’i: Eju. Ha pe ohendúva te’i: Eju. Ha upe ijy’uhéiva tou, ha upe oipotávape oñeme’ẽ reíta ichupe pe tekove rehegua y reiete, te’i avei: Eju.

Apocalípsis 7:17

Pe Ovechara’y oĩva pe guapyhaguasu mbytépe omongaru ha omboy’úgui ichupekuéra pe yvu oporomoingovévagui ha Ñanderuete omokã opaite tesay hesaguikuéra.