Juan 3:6

Ñanderuete Ñe’ẽ Porã 2015

Upe onacéva kuimba’e ro’ógui ningo to’o, ha upe onacéva Pytu Porãmbávagui ningo pytu porã.

Referencias Cruzadas

Genesis 5:3

Adan oikove 130 áño ha ita’ýra peteĩ ijoguaha, ha’ãngaichaite ha’e ha ombohéra ichupe Set.

Genesis 6:12

Ha Ñanderuete oma’ẽ yvýre, ha péina ápe yvyariguakuéra reko ivaipaite.

Genesis 6:5

Ha Ñanderuete ohechávo yvyariguakuéra reko iñañaha ko yvy apére, ha opaite mba’e ipy’apýpe heñóiva guive mba’evai memeteha,

Job 14:4

Heko ky’ávape piko omoheñoikuaa heko potĩva, ndaikatúi ningo.

Job 25:4

Ha oĩ piko yvyarigua oñemoporãkuaáva Ñanderuete renondépe. Ha mba’éichapa kuña ñemoñare oñemopotĩkuaa henondépe.

Salmokuéra 51:10

Ejapomína chepype Nde, che Ruete, peteĩ py’a ipotĩva, ha embopyahu chepype peteĩ pytu imbaretéva.

Juan 1:13

Kóva nonacéi yvyarigua ruguy rupi, ni yvyarigua ro’o rupi, ni kuimba’e rembipota rupi, Ñanderuete rembipota rupínte uvei onace.

Juan 3:7

Ani rehecharamo ha’e haguére ndéve: Opavave tekotevẽ onace pyahu jevyva’erãha.

Romayguakuérape 7:18

Che ningo aikuaa porã voi chepype, kóva he’ise che retépe (py’apýpe), ndaipóri mba’eve iporãva; ajapose ramojepe pe iporãva ndaikatúi ajapo.

Romayguakuérape 7:25

Ame’ẽ che agradecimiénto Ñanderuetépe, Ñandejára Hesu Crísto chepe’a hague pévagui. Upémaramo che akã pu’aka rupi (pensamiénto rupi) aservi umi tembiapoukapykuéra Ñanderuete ome’ẽva’ekue Moiséspe, che rete rehegua katu oservi pe tembiapoukapy angaipa reheguápe.

Romayguakuérape 7:5

Jaiko aja ñande rete rembipota vaípe Moises rembiapoukapykuéra omombáy ñande rete rembipota vai jajapo hag̃ua heta mba’evai, hi’a hag̃ua ñemanóme g̃uarã.

Romayguakuérape 8:13

upe oikovéva ipy’apy rembipota vai poguýpe, katuete omanova’erã. Peẽ pejuka ramo pende py’apy ha pende rete rembiapo vai, Pytu Porãmbáva pu’aka rupi katuete peikoveva’erã.

1 Corintoyguakuérape 6:17

Pe oñemoirũva Hesu Crísto ndive katu oiko hendive peteĩ pytu porã año ramo.

2 Corintoyguakuérape 5:17

Upévare upe oikóva Hesu Cristopype oñemoingo pyahúma, oñemboheko ambuéma (nacimiénto pyahu), pe teko tuja opáma (pe teko tuja nomandavéima hekovépe). Peikuaa porãke, pe teko pyahu oñepyrũma hague.

Galaciayguakuérape 5:24

Hesu Crísto reheguáva katu omosãingo kurusúre hete, hembipota vai ha ipy’a ojerure asýva.

Efesoyguakuérape 2:3

Ijapytépe ñande jaikopava’ekue avei, ha jajapova’ekue opaite umi mba’e ñande yvyarigua rete ha reko rembipota vai ojaposéva, ha jaiko avei ambuekuéraicha ñande reko pochy poguýpe.

Colosayguakuérape 2:11

Ipype ningo peẽ peñekytĩ’ova’ekue (penecircuncidava’ekue) avei, napeñekytĩ’ói katu kuimba’e po rupi, Hesu Crísto rupi uvei, pemoĩvo pende rete rembipota vai Hesu Crísto poguýpe,

1 Juan 3:9

Opaite onacéva Ñanderuetégui noñemohembiapo vaíri, Ñanderuete semílla (reko porã), (Ipytu Porãmbáva oĩgui ipype), upévare ha’e ndaikatúi oñemohembiapo vai, ha’e oikógui ita’ýra térã itajýra ramo.