Juan 3:36

Ñanderuete Ñe’ẽ Porã 2015

Pe ojeroviáva Hesu Crísto rehe oikove tapia g̃uarã, upe iñe’ẽrendu’ỹva Hesu Crístope katu ndohechamo’ãi pe tekove tapia g̃uarãva, Ñanderuete ñemyrõ ha ijehavirarã (icastigorã) ndojeimo’ãi ichugui.

Referencias Cruzadas

Job 33:28

Ñanderuete oguenohẽ che ánga ñemanógui, ahecha jevy hag̃ua hesape porã.

Salmokuéra 2:12

Pemomba’eguasúke Ita’ýrape, ani hag̃ua pemanomba tapére sapy’aitépe ipochy rupi. Ovy’aite ningo opaite umi ojeroviáva Ñanderuete rehe.

Salmokuéra 36:9

Ndehegui osẽ pe tekove ku y osẽ háicha yvúgui, ha nde resape rupínte ore rohecha porãite.

Salmokuéra 49:19

Ohova’erã katuete ituvakuéra rendápe ha ndohechaveimava’erã kuarahy mimbi.

Habacuc 2:4

Eikuaa porãke, heko potĩ’ỹva oñembotuicháta ipy’apýpe, pe heko potĩva katu ijerovia rupínte oikoveva’erã.

Números 32:11

Umi kuimba’e osẽva’ekue Egíptogui ha ombotýmava guive 20 áño ndohechamo’ãi pe yvy Che ha’émava’ekue ame’ẽtaha ñe’ẽme’ẽ rupi Abraham, Isaac ha Jacóbope, ndaheko potĩrigui che renondépe.

Matéo 25:46

Ha ãva ohóta pe jehavira (castígo) ijapyra’ỹvape, ha umi heko potĩva katu pe tekove ijapyra’ỹvape (Daniel 12,2).

Márcos 16:16

Ha upe ojeroviáva ha ojebautizaukáva ojesalváta ha upe ojerovia’ỹva cherehe oñehundiva’erã.

Lúcas 2:30

che resakuéra ohechágui Israel Salvador.

Lúcas 3:6

Ha opaite tetãyguakuéra ohechava’erã Ñanderuete salvacion.

Juan 1:12

Umi omog̃uahẽva’ekue (orecibiva’ekue) ichupe hekovépe, Ha’e ome’ẽ ichupekuéra pu’aka oiko hag̃ua ichuguikuéra Ñanderuete ra’ykuéra ha itajyrakuéra, ojeroviáva guive Héra rehe.

Juan 10:28

Ha Che ame’ẽ ichupekuéra tekove tapia g̃uarãva, ha noñehundimo’ãi máramo, ha avavete ndoipe’amo’ãi ichupekuéra che pógui.

Juan 3:3

Hesu ombohovái ichupe: Añetehápe, añetehápe ha’e ndéve upe onace jevy’ỹva ndaikatúi oike Ñanderuete retãguasúpe ha ndohechaiva’erã avei ichupe.

Juan 4:36

Upe omono’õva ningo ohupitýma hembiapokue repy ha omono’õ umi yva pe tekove tapia g̃uarãme, upe oñemitỹva ovy’a ha upe omono’õva avei.

Juan 5:24

Añetehápe, añetehápe, Che ha’e peẽme: Upe ohendúva ha ojeroviáva pe chembouva’ekue rehe, oguerekóma pe tekove tapia g̃uarãva, noñecondenamo’ãi, ohasámagui omanóva apytégui oikovéva apytépe g̃uarã.

Juan 6:58

Kóva ningo pe pan oguejyva’ekue yvágagui, upe ho’úva ko pan kóvagui nomanomo’ãi, oikoveva’erã tapia g̃uarã uvei. Ñande rukuéra katu omanomba ho’u ramo jepe pe mana.

Juan 8:51

Añetehápe, añetehápe, ha’e peẽme: Upe ojapóva che ñe’ẽ máramo nomanoiva’erã, oikoveva’erã uvei tapia g̃uarã.

Apostolkuéra 14:2

Ha umi Judaygua omboykéva Hesu Crísto evangélio, oñe’ẽvai Páblo ha Bernabe rehe, ha ombopochy umi tavayguápe hermanokuéra rehe.

Romayguakuérape 4:15

Moises rembiapoukapy hi’a pochy. Oĩ’ỹháme Moises rembiapoukapy, upépe ndaipóri angaipa térã jejavy, (ndoikuaáigui Moises rembiapoukapykuéra).

Romayguakuérape 5:9

Ha ko’ág̃a jajeguerekóma heko potĩva ramo Hesu Crísto ruguy rupi, Hesu Crísto ñandesalva Ñanderuete jehavirágui, péva he’ise ñembojovakeha áragui (juício árape).

Romayguakuérape 8:1

Upévare umi oñemopeteĩva Hesu Crísto ndive noñecondenavéima.

Galaciayguakuérape 3:10

Opaite umi ohupityséva teko potĩ ojapógui Moises rembiapoukapykuéra opyta gueteri pe maldicion poguýpe, Ñanderuete kuatiañe’ẽme he’i voi ko’ã mba’e ko’ãva: Oñemaldecíma opaite umi ndojapopáiva hekópe Moises rembiapoukapykuéra, (Deuteronómio 27,26).

Efesoyguakuérape 5:6

Aníke avave penembotavy ñe’ẽ reípe, ko’ã mba’e rehe ningo Ñanderuete jehavira ho’a umi iñe’ẽrendu’ỹva ra’ykuéra ári.

1 Tesalonicayguakuérape 1:10

ha mba’éichapa peẽ peha’ãrõ Hesu Crísto ou jevy hag̃ua yvagakuéragui, Ñanderuete omoingoveva’ekue ichupe omanova’ekue apytégui, ha Ha’e ñandesalváta pe ñembojovakerã pohyietégui.

1 Tesalonicayguakuérape 5:9

Ñanderuete nañanerenóiri ñandereity hag̃ua aña retãme ipochyha árape, jahupity hag̃ua uvei pe salvacion Hesu Crísto rupi.

hebreoyguakuerape 10:29

Katuete ipohyive pe jehavira upe opyrũvape g̃uarã Ñanderuete Ra’y rehe ha oguerekóva mba’e rei ramo Hesu Crísto ruguy ha pe ñembopy’apeteĩ pyahu ruguy, omotĩvo pe Pytu Oiporiahuverekóvape, pe omopotĩmava’ekue ichupe.

hebreoyguakuerape 2:3

Ha mba’éichapa ñakañýta (pe jehavirágui) ñande nañamomba’éirõ ha ñamboykérõ pe salvacion, Hesu Crísto raẽ voi omyasãiva’ekue pe salvacion rape, ha Hesu Crísto rire ambue techahare hekoite peguáva (apostolkuéra) ombohasa jevy iñe’ẽ ñandéve g̃uarã.

hebreoyguakuerape 3:18

Ha mávape piko ome’ẽ iñe’ẽ ndoikemo’ãiha ipytu’uha rendápe. Umi naiñe’ẽrenduiva’ekue desiértope ndoikemo’ãi ipytu’uha rendápe.

hebreoyguakuerape 3:19

Ha upéicha jahecha ha’ekuéra ndaikatúi hague oike Ñanderuete pytu’úpe ndojeroviáigui hikuái hese.

Apocalípsis 21:8

Umi ipy’amirĩva, umi opiáva pende Ruete rapégui, umi heko ky’áva, umi oporojukáva, umi oikóva oñondive omenda’ỹre (heko ky’áva), umi paje apoha, umi omomba’eguasúva ambue jára ra’ãngápe ha opaite ijapúvape oñemombova’erã upe lágo tataguiguápe, hendyhápe avei azúfre, kóva ningo pe ñemano mokõiha.