Juan 3:34

Ñanderuete Ñe’ẽ Porã 2015

Pe Ñanderuete ombouva’ekue oñe’ẽ Ñanderuete rembipotáre ha Ñanderuete ome’ẽ pe Pytu Porãmbáva takate’ỹ’ỹre opavave ojeroviáva guivépe Hesu Crístore.

Referencias Cruzadas

2 Réyes 2:9

Ohasapáma ramo hikuái, Elías he’i jevy Eliséope: Ejerure peteĩ mba’e reipotáva ajapo hag̃ua nderehehápe, ajereraha mboyve ndehegui. Ha Eliséo he’i: Ajerure ndéve mokõi pehẽngue nde pytu porãgui.

Salmokuéra 45:7

Rehayhu justícia ha remboyke mba’evai, Ñanderuete, ndeporavova’ekue acéite reheve ne irũnguéra apytégui.

Isaías 59:21

Ko ñe’ẽ Che ame’ẽmava’ekue oikóta katuete, he’i pende Ruete: Che Pytu Porãite oĩhína ndeári, ha umi che ñe’ẽ amoĩva’ekue nde jurúpe, oĩva’erã nde juru ha nde ra’ykuéra jurúpe, he’i pende Ruete, ko ára kóva guive ha opaite ára peve.

Levítico 7:35

Ko’ãva ningo Aaron ha ita’yrakuéra pehẽngue, pe kuave’ẽmby hendypyrévagui oñeme’ẽva’ekue pende Ruetépe g̃uarã; pende Ruete oiporavoha ára guive ichupekuéra oiko hag̃ua ipa’i ramo.

Números 11:25

Ñanderuete oguejy arai rupi, ha oñe’ẽ ichupe; ha Ha’e oipe’amimi Moises pytu porãgui ome’ẽ hag̃ua umi 70 mburuvichápe; ha oguejy vove hi’arikuéra pe pytu porã oprofetiza hikuái, kurimive katu ndoprofetizavéi.

Matéo 12:18

Pema’ẽ porãke che rembiguái aiporavova’ekue rehe, Ha’e ningo pe che ahayhúva, ha ombohorýva che ánga; che Pytu Yvága pegua amoĩ hi’ári, ha tetã ambueyguakuérape oikuaaukáta pe teko porã (justícia).

Lúcas 4:18

Ñanderuete Pytu Porãitéva oĩ cheári, cheporavomava’ekue chemonávo acéitepe amombe’u hag̃ua pe evangélio mboriahukuérape, ambopy’aguapy hag̃ua umi ojepy’apývape, ajora hag̃ua umi oñeñapytĩvape, ha aipe’a hag̃ua cárcel rokẽnguéra,

Juan 1:16

Ha’e henyhẽte opaite mba’égui, ha imba’égui ome’ẽ opavave ñandéve, iporiahuvereko ha imborayhu jo’a jo’a.

Juan 15:26

Ouva’erã pene Pytyvõhára, pe Pytu Porãmbáva, che Ruete omboútava pene rendápe, Ha’e chembotuicháta pende apytépe ha opytáta che rechahare ramo.

Juan 16:7

Che amombe’úma peẽme pe añetegua: Iporã ningo peẽme g̃uarã Che aha ramo, Che ndahái ramo, ndoumo’ãi pe Pytyvõhára pene rendápe, Che aha rire katu, amboúta ichupe pene rendápe.

Juan 3:17

Ñanderuete ningo nomboúi ita’ýrape ko yvy ape ári ombojovake hag̃ua kuimba’e ha kuñakuérape, osalva hag̃ua uvei opavave ojeroviávape guive hese.

Juan 5:26

Pe Túva oikove háicha ijehegui voínte, péicha ome’ẽ avei Ita’ýrape pe tekove (añeteguáva) oikove hag̃ua avei ijehegui.

Juan 7:16

Upérõ Hesu ombohovái ichupekuéra: Ko mba’e che ambo’éva nachemba’éi, pe chembouva’ekue mba’énte.

Juan 8:40

Peẽ katu peñeha’ãmba chejuka hag̃ua, Che ningo peteĩ kuimba’e ambohasáva peẽme pe añeteguánte, Che ahenduva’ekue che Ruetégui; ko’ã mba’e Abraham voi ndojapoiva’ekue.

Juan 8:47

Ñanderuete reheguáva ohendu ha ojapo Ñanderuete ñe’ẽ; ha peẽ nacherendúigui, peẽ ndaha’éi Ñanderuete reheguáva.

Apostolkuéra 1:2

ojehupi peve Ha’e yvágape. Hesu ojehupi mboyve omombe’uka pe evangélio ijapostolkuéra rupive, Ha’e oiporavova’ekue Pytu Porãmbáva rupi.

Apostolkuéra 10:38

Ha mba’éichapa Ñanderuete omyenyhẽ Hesu Crístope Pytu Porãmbávagui ha pu’akágui, omonguera hag̃ua hasývape ha omosẽ mba’epochykuérape, opaite ko’ã mba’e ojehu Ñanderuete oĩgui Hesu Crísto ndive.

Romayguakuérape 8:2

Pe tembiapoukapy Pytu Porãmbáva rehegua oporomoingovéva, omosãsóma opaite ojeroviávape Hesu Crísto rehe, pe tembiapoukapy angaipa ha ñemano rehegua poguýgui.

Efesoyguakuérape 3:8

Che ningo pe imichĩetevéva opaite Hesu Crísto reheguáva apytépe, opáichavo oñeme’ẽ chéve Ñanderuete jopói poriahuvereko reheguáva amyasãi hag̃ua tetã ambueyguakuérape pe evangélio ha Hesu Crísto mba’eita ijojaha’ỹva,

Colosayguakuérape 1:19

Ñanderuete oipota Hesu Cristopype oĩmba Ñanderuete reko.

Colosayguakuérape 2:9

Hesu Cristopype ningo oĩ avei opaite Ñanderuete reko.

Apocalípsis 21:6

Ha he’ive chéve: Oikopáma, Che ningo ha’e pe “a” ha pe “zéta” pe ñepyrũ ha pe paha. Che amboy’úta pe ijy’uhéivape pe y yvuguigua oikovévagui, ha reiete Che ame’ẽta ko y kóva.

Apocalípsis 22:1

Upéi pe yvága rembiguái ohechauka chéve pe ysyry oporomoingovéva, hesakãva ita veráicha, osẽva Ñanderuete ha Ovechara’y guapyhaguasúgui.