Juan 3:29

Ñanderuete Ñe’ẽ Porã 2015

Pe hembirekorãva, péva pe menarã; pe ohayhúva pe menarãme omoirũ ichupe ha ovy’a ohendu guive iñe’ẽ, ha pe vy’a péva che ahupitýma ko’ág̃a.

Referencias Cruzadas

Cantar de los cantáres 3:11

Pesẽna, peẽ Jerusalen rajykuéra, ha pehechami tetã ruvicha Salomónpe, iñakã jeguaka reheve, isy omoĩva’ekue iñakã rehe omendaha árape, ipy’apy ovy’aitereígui.

Cantar de los cantáres 5:1

Karia’y oñe’ẽ: Che ajúma che yvatýpe, nde che rembirekorãmi, amono’õma che mírra ha umi mba’e ryakuã porã; ha’úma che eíra, che víno ha che kamby. Pekaru joa che irũnguéra; che rayhupára pey’u ha peñemohyg̃uatã mborayhu reheve.

Isaías 54:5

Nde apohare ningo ne ména, nde Ruete, oñembohérava yvága atykuéra Jára; ha Israel Jára Heko porãva ndejogua voi; oñehenoiva’erã ichupe ko yvy tuichakue Jaraiteha.

Isaías 66:11

pekambu peneryg̃uatã meve ha pejohu hag̃ua pekambu jave (Jerusalen) káma rehe pe ñemoangapyhy, pendepy’arory hag̃ua heko mimbipa reheve.

Jeremías 2:2

Tereho ha esapukái Jerusalengua apysápe, ha ere: Péicha he’i pende Ruete: Chemandu’a nderehe, ne kuñataĩ ramoguare reikómi hekoitépe che rapykuéri, ha che rembirekorã arakuépe cherayhu porã hague, ha reju chendive pe desiértope, pe yvy oñeñemitỹ’ỹháme mba’eve.

Ezequiel 16:8

Ha ag̃uahẽ jevývo nde ypýpe, ha ama’ẽ ramo nderehe, péina rejúma mborayhu rekávo; ha aipyso che ahoja ndeári añu’ã hag̃ua nde rete opívo; ha ame’ẽ che ñe’ẽ ndéve, nde Ruete ramo, ha reikova’ekue che mba’e ramo.

Oséas 2:19

Ha Che amendáta Israel rehe opaite ára peve g̃uarã, roiko hag̃ua oñondive justícia ha ñembojovake hekoitépe, poriahuvereko ha mborayhu añetévape.

Matéo 22:2

Ñanderuete retãguasu ojoguaite peteĩ tetã ruvichaguasúpe ojapóva vy’aguasu ita’ýra omenda ramoguare.

Matéo 25:1

Ñanderuete retãguasu ojoguaite 10 kuñataĩme, ojapyhýva hataindynguéra ha osẽva ojohu hag̃ua pe menarãme.

Matéo 9:15

Ha Hesu he’i ichupekuéra: Ikatu piko umi mendahápe oĩva oñembyasy pe ména oĩ aja hendivekuéra. Og̃uahẽva’erã katu pe ára ojepe’ataha ichuguikuéra pe ména, ha upépe ae oayunáta hikuái avei.

Lúcas 15:6

Ha og̃uahẽvo hógape ombyaty iñirũnguéra ha hóga ypy peguápe, he’ívo ichupekuéra: Pevy’a chendive, ajohu haguére che ovecha okañyva’ekuépe.

Juan 15:11

Ko’ã mba’e ko’ãva Che ha’éma peẽme che vy’a oĩ hag̃ua pendepype, ha penerenyhẽ hag̃ua vy’águi.

Juan 16:24

Ko’ág̃a peve ne’ĩra pejerure mba’eve che rérape, pejerure katu ha pehupityva’erã, peẽ pevy’aite hag̃ua.

Juan 17:13

Ko’ág̃a ningo aháta ne rendápe ha añe’ẽmbáma ko’ã mba’e ne retãyguakuérape, ha’ekuéra oguereko hag̃ua avei opaite vy’a oĩva che py’apýpe.

Juan 3:30

Ha’e oñembotuichaveva’erã ohóvo, che katu añemomichĩveva’erã (añyñýi) ahávo.

2 Corintoyguakuérape 11:2

Cherakate’ỹ ningo penderehe Ñanderuete rakate’ỹ reheve, che pomomenda peteĩ kuñataĩ imarã’ỹvaicha peteĩ ména rehe año: Hesu Crísto rehe.

Filipoyguakuérape 2:2

Pemyenyhẽ vy’águi che rekove, peikórõ peteĩ ñe’ẽme, peteĩ pensamiéntope ha peteĩ mborayhúpe.

1 Juan 1:4

Ha ko’ã mba’e ningo rohai peẽme ko kuatiañe’ẽ kóvape, javy’aite hag̃ua oñondive.

2 Juan 1:12

Heta mba’e arekove ramojepe amombe’uveva’erã peẽme, ndahaiséi katu kuatiárente, aha’ãrõse aha ramog̃uarã pene rendápe, ha oñondive ñañe’ẽ hag̃ua, javy’a porã hag̃ua oñondive.

Apocalípsis 21:9

Ha ou che rendápe peteĩ yvága rembiguái umi 7 ángel apytégui, ipopekuéra oĩva’ekue umi 7 ña’ẽmbe henyhẽva umi 7 plága pahaguiguáva ha he’i chéve: Eju ahechaukáta ndéve pe tembirekorã, pe Ovechara’y rembireko.