Juan 3:26

Ñanderuete Ñe’ẽ Porã 2015

Upévare ou hikuái Juan rendápe ha he’i ichupe: Mbo’ehára, pe oĩva’ekue nendive Jordan mboypýri, pe nde reñe’ẽ porãva’ekue rehe oréve, Ha’e ningo ko’ág̃a oporobautizahína ha opavave ou joa hendápe.

Referencias Cruzadas

Salmokuéra 65:2

Nde ningo rehendu pe ñembo’e, upévagui ne rendápe oupava’erã mayma yvyarigua,

Eclesiástes 4:4

Ahecha avei pe omba’apo hetáva ha osẽ porãmba ramojepe ichupe ojapóva guive, ha’e ndojohúi peteĩ angirũ (amígo), reiete oñeha’ãmbava’ekue, (hapichakuéra ipy’a rasýgui hendive).

Isaías 45:23

Chejehénte añe’ẽme’ẽkuaa, che jurúgui osẽ ñe’ẽ hekoite peguáva ha ndopa reimo’ãi araka’eve; Che renondépe oñesũta opaite yvyariguakuéra ha mayma juru chemomba’eguasúta.

Matéo 23:7

ha oipota oñemomaitei ichupekuéra pe pláza rupi karaiguasúicha ha oipota yvyariguakuéra ohenói ichupekuéra mbo’ehára.

Matéo 23:8

Ha peẽ ani peipota peñehenói mbo’ehára, peteĩnte pene mbo’ehára, ha peẽ katu hermanokuéra meme.

Juan 1:15

Ha Juan oikuaauka ichupe, ha sapukaihápe he’i: Kóva ningo pe che ha’emava’ekue: Pe che rapykuéri ouvahína, Ha’e ituichave chehegui, Ha’e oikógui che anace mboyve.

Juan 1:7

Ko kuimba’e ou oikuaauka hag̃ua outaha yvy ári pe Tesapehára, opavave ojerovia hag̃ua Ñanderuete rehe Ha’érupi.

Juan 1:9

Pe Ñe’ẽ ningo pe Tesape añeteguáva, ouva’ekue ko yvy ape ári ohesape hag̃ua opavave kuimba’e ha kuñáme.

Juan 11:48

Jahejánte ramo péicha, opavavete ojeroviáta hese, ha Romayguakuéra oúta oipe’a hag̃ua ñandehegui Ñanderuete rogaguasu renda ha opaite ñane retã avei.

Juan 12:19

Upéramo umi fariséo he’i ojupe: Pehechápa, ndaikatúi jajapo mba’evete. Opavave ningo omoirũ ichupe ha oho hapykuéri.

Juan 3:2

Nicodémo ou pyhare jave Hesu rendápe, ha he’i ichupe: Mbo’ehára, ore ningo roikuaa rejuha Ñanderuetégui reporombo’e hag̃ua, avavete ndaikatúigui ojapo ko’ã techaukaha (señal) Nde rejapóva, Ñanderuete oĩ’ỹrõ hendive.

Juan 4:1

Hesu oikuaa ramo fariseokuéra ohendumaha, Ha’e oñemohemimbo’eve ha avei oporobautiza hetaveha Juángui.

Juan 4:2

Ndaha’éi ramo jepe Hesu pe oporobautizáva, hemimbo’ekuérante uvei.

Juan 4:31

Upeaja hemimbo’ekuéra ojerure asy ichupe he’ívo: Mbo’ehára, ekaru raẽna.

Juan 5:33

Peẽ ningo peñembou Juan rendápe, ha ha’e oikuaauka peẽme pe añetegua.