Juan 3:16

Ñanderuete Ñe’ẽ Porã 2015

Ñanderuete ohayhuetégui opaite tetãyguakuérape Ha’e ome’ẽ Ita’ýra peteĩetévape, opaite ojeroviáva guive hese ani hag̃ua oñehundi, oguereko hag̃ua uvei pe tekove tapia g̃uarãva.

Referencias Cruzadas

Genesis 22:12

Ha pe yvága rembiguái he’i: Ani rehupítei nde po pe mitãre, ha aníke rejapótei hese mba’eve; aikuaáma rekyhyjeha Ñanderuetégui, nerembotovéigui (nerenegái) chehegui nde ra’y peteĩmi jepe.

Genesis 22:2

Ha he’i: Eraha ko’ág̃a nde ra’y, ha’eñomíva, Isaac, rehayhuetévape, ha tereho Moría yvýpe, ha upépe eikuave’ẽ ichupe chéve g̃uarã kuave’ẽmby ramo peteĩ cérro ári Che ha’etahápe ndéve.

Isaías 9:6

Peteĩ mitãkuimba’e onacéta ñandéve ko yvy apére, peteĩ ta’ýra oñeme’ẽta ñandéve, ha ijati’y ári oĩta mburuvicha pu’aka, ha oñembohérata ichupe: Mbojovakehára heko peguáva, Jára ipu’akapáva, Ipy’aguasúva, Túva tapia g̃uarãva ha Mburuvicha py’aguapy reheguáva.

Matéo 9:13

Tapeho ha peikuaa raẽ mba’épa he’ise ko ñe’ẽ kóva: Poriahuvereko aipota, ha ndaipotái peikuave’ẽ tymbakuérape; che ndajúi heko jojáva (ijústova) renóivo, aju ahenóivo angaipavorakuérape oñembyasy hag̃ua hi’angaipágui.

Márcos 12:6

Pe parralty jára ipahaitépe katu oguereko gueteri peteĩ ta’ýra ohayhuetéva, kóvape ombou ipahápe ichupekuéra he’ívo: Omomba’éta hikuái che ra’ýpe.

Lúcas 2:14

Toñemomba’eguasu Ñanderuetépe yvágape, ha tetãyguakuéra toiko py’aguapýpe.

Juan 1:14

Ha pe Ñe’ẽ oñemboho’o ha oikóma ñande apytépe kuimba’e ramo, ha ore rohecha heko jajaipa, Ñanderuete Ra’y peteĩetéva reko jajaipa, henyhẽva jeporiahuvereko (mborayhu) ha añeteguágui.

Juan 1:18

Avave ndohechái máramo Ñanderuetépe, Ita’ýra peteĩeténte, pe Jára oĩva Ñanderuetepype, Ha’e (Hesu) mante oikuaauka ñandéve Itúvape.

Juan 1:29

Ambue árape ha’e ohecha Hesu Crístope, ouvahína hendápe, ha Juan he’i: Pema’ẽ porãke, péva ningo Ñanderuete Ovecha Ra’y oipe’áva tetãyguakuéra angaipa.

Juan 10:28

Ha Che ame’ẽ ichupekuéra tekove tapia g̃uarãva, ha noñehundimo’ãi máramo, ha avavete ndoipe’amo’ãi ichupekuéra che pógui.

Juan 3:15

opavave ojeroviáva guive hese ohupityva’erã pe tekove tapia g̃uarãva.

Juan 3:18

Upe ojeroviáva guive hese noñembojovakemo’ãi, upe ojerovia’ỹva hese katu oñembojovakéma oñehundi hag̃ua, ndojeroviái haguére Ñanderuete Ra’y peteĩete réra rehe.

Juan 3:36

Pe ojeroviáva Hesu Crísto rehe oikove tapia g̃uarã, upe iñe’ẽrendu’ỹva Hesu Crístope katu ndohechamo’ãi pe tekove tapia g̃uarãva, Ñanderuete ñemyrõ ha ijehavirarã (icastigorã) ndojeimo’ãi ichugui.

Juan 6:40

Kóva ningo che Ruete rembipota, opavave ohecháva guive Ita’ýrape ha ojeroviáva guive hese oguerekóma pe tekove añeteguáva ko ára atyguasúpe ha Che amoingove hag̃ua ichupekuéra pe ára pahápe.

Romayguakuérape 5:10

Ñande ñañemoĩva’ekue ramojepe Ñanderuete rehe, Hesu Crísto ñanemoĩ porãma iñemano rupi Itúva ndive. Ha Ñanderuete omoingove jevy haguére Hesu Crístope omanova’ekue apytégui, Ha’e ñanemoingove jevýta avei omanova’ekue apytégui. Ha’e ñanemopotĩva’ekue jaikove hag̃ua tapia Hesu Crísto ha Ñanderuete ndive yvágape.

Romayguakuérape 5:8

Ñanderuete katu ohechaukáma imborayhu ñandéve, Hesu Crísto omanóvo ñanderehehápe, ñande jaiko ramojepe angaipa (Aña) poguýpe.

Romayguakuérape 8:32

Ñanderuete nahakate’ỹiva’ekue ita’yratee rehe jepe, ome’ẽvo ichupe ñanderehehápe, mba’éicha piko nome’ẽmo’ãi avei hendive opaite ambue mba’e (ñaikotevẽteéva).

Efesoyguakuérape 2:4

Ñanderuete katu henyhẽ poriahuverekógui, ñanderayhu imborayhu tuichaite reheve.

2 Tesalonicayguakuérape 2:16

Ñandejára Hesu Crísto ha Ñandejára Ñanderuete ñanderayhúva ha ñanemoangapyhýva tapia iporiahuvereko rupi, péva ningo pe esperánza jaguerekóva.

Títope 3:4

Ñanderuete ñandesalvava’ekue ipy’aporã ha imborayhu rupi,

hebreoyguakuerape 2:9

Opáichavo jahecha Hesúpe, Ñanderuete omomichĩve sapy’ami g̃uarãnte ijyvága rembiguaikuéragui, Ha’e omano hag̃ua, ko’ág̃a katu oñembotuicha ha oñe’ẽ porãma hese; imano rupi, Ñanderuete oiporiahuverekógui opavave tetayguakuérape.

1 Juan 3:1

Pema’ẽna mba’eichagua mborayhúpa Ñanderuete ome’ẽ ñandéve, ñañembohéra hag̃ua Ñanderuete ra’ykuéra ha rajykuéra, ha umivahína ñande voi. Upévare Ha’érupi ko múndo nañandekuaái, ndoikuaáigui ichupe.

1 Juan 4:19

Ñande ningo jahayhu ichupe, Ha’e raẽ ñanderayhúgui.

Apocalípsis 1:5

ha Hesu Crístogui, pe techahare heko peguáva ha pe oiko jey tenonde omanóva apytégui ha pe oikóva yvy ruvichaitevéva ramo tetã ruvichakuéra apytépe. Ha’e voi ningo ñanderayhuvahína ha ñandejoheiva’ekue ñane angaipágui huguytee rupi.