Juan 3:15

Ñanderuete Ñe’ẽ Porã 2015

opavave ojeroviáva guive hese ohupityva’erã pe tekove tapia g̃uarãva.

Referencias Cruzadas

Isaías 11:10

Ojehuva’erã upe ára upévape umi tetã ohekava’erã Isai rapo oñembo’y ramo ipoyvivevévaicha tetãnguérape g̃uarã, ha pe tenda Ha’e oikohápe ojajaipáta.

Isaías 45:22

Pejerovia cherehe, Chénte posalvakuaa, Che voi ningo pende Ruete, ha che ykére ndaipóri ambue Jára.

Números 21:9

Ha Moises ojapo peteĩ mbói bróncegui ha omoĩ peteĩ yvyra puku rehe; ha umi ojesu’uva’ekue oma’ẽvo pe mbói bronceguigua rehe okuera.

Matéo 18:10

Cháke, ani pejapo’i ko’ã ojeroviaramóvape, Che ningo ha’e peẽme ijyvága rembiguaikuéra (angelkuéra) tapiaite ohecha che Ruete rova.

Matéo 25:46

Ha ãva ohóta pe jehavira (castígo) ijapyra’ỹvape, ha umi heko potĩva katu pe tekove ijapyra’ỹvape (Daniel 12,2).

Márcos 16:16

Ha upe ojeroviáva ha ojebautizaukáva ojesalváta ha upe ojerovia’ỹva cherehe oñehundiva’erã.

Lúcas 19:10

Pe yvyarigua Ra’y ningo ou yvy apére osalva hag̃ua umi oñehundiva’ekuépe.

Juan 1:12

Umi omog̃uahẽva’ekue (orecibiva’ekue) ichupe hekovépe, Ha’e ome’ẽ ichupekuéra pu’aka oiko hag̃ua ichuguikuéra Ñanderuete ra’ykuéra ha itajyrakuéra, ojeroviáva guive Héra rehe.

Juan 16:33

Ko’ã mba’e ko’ãva Che ha’éma peẽme, peẽ pendepy’aguapy hag̃ua chepype. Peẽ ningo pehasa asyva’erã ko yvy ape ári, pejerovia katu ko múndo kóva oĩmaha che poguýpe.

Juan 20:31

Ko’ã mba’e katu ojehai peguerovia hag̃ua Hesu ha’eha pe Crísto, Ñanderuete Ra’y, ha pejerovia hese oñeme’ẽ hag̃ua peẽme pe tekovete.

Juan 3:16

Ñanderuete ohayhuetégui opaite tetãyguakuérape Ha’e ome’ẽ Ita’ýra peteĩetévape, opaite ojeroviáva guive hese ani hag̃ua oñehundi, oguereko hag̃ua uvei pe tekove tapia g̃uarãva.

Juan 3:36

Pe ojeroviáva Hesu Crísto rehe oikove tapia g̃uarã, upe iñe’ẽrendu’ỹva Hesu Crístope katu ndohechamo’ãi pe tekove tapia g̃uarãva, Ñanderuete ñemyrõ ha ijehavirarã (icastigorã) ndojeimo’ãi ichugui.

Juan 5:24

Añetehápe, añetehápe, Che ha’e peẽme: Upe ohendúva ha ojeroviáva pe chembouva’ekue rehe, oguerekóma pe tekove tapia g̃uarãva, noñecondenamo’ãi, ohasámagui omanóva apytégui oikovéva apytépe g̃uarã.

Juan 6:27

Ani peñeha’ã pehupity hag̃uánte pe tembi’u opa reíva, peñeha’ã katu pehupity hag̃ua pe tembi’u tekove tapia g̃uarãva uvei, ha kóva ningo pe yvyarigua Ra’y ome’ẽtava peẽme, ha Ñanderuete, pe Jaraitéva omoañete voi ichupe.

Juan 6:40

Kóva ningo che Ruete rembipota, opavave ohecháva guive Ita’ýrape ha ojeroviáva guive hese oguerekóma pe tekove añeteguáva ko ára atyguasúpe ha Che amoingove hag̃ua ichupekuéra pe ára pahápe.

Juan 6:47

Añetehápe, añetehápe, ha’e peẽme: Pe ojeroviáva cherehe oguerekóma pe tekove tapia g̃uarãva.

Apostolkuéra 13:41

Pema’ẽ porãke, peẽ pemboykéva Ñanderuete rembiapo, ha peñembohorýva hese, cháke, peẽ peñemondyiva’erã ha peñehundiva’erã, Che ajapótagui peteĩ tembiapo peẽ ndapegueroviáitava, oñemombe’u ramojepe peẽme che rembiaporã, (Habacuc 1,5).

Apostolkuéra 8:36

Ha ohóvo hikuái pe tapére og̃uahẽ hikuái y oĩháme, ha pe Etiopiaygua he’i Felípepe: Ma’ẽ, oĩ ningo y, ko’ápe ikatu piko nde chebautiza.

Romayguakuérape 5:21

Ha pe angaipa ombopoguy haguéicha tetãyguakuéra rekove, oguerúvo ichupekuéra pe ñemano, péicha ko’ág̃a Ñanderuete mborayhu ombopoguy pe ñemano pu’aka omboheko potĩ hag̃ua, ha ome’ẽ ñandéve jeikove tapia g̃uarãva, Ñandejára Hesu Crísto rupi.

1 Corintoyguakuérape 1:18

Umi oñehundívape g̃uarã, Hesu Crísto ñemano ñe’ẽ výro rei, ñande jajesalvávape g̃uarã katu Ñanderuete ñe’ẽ ipu’akapa.

2 Corintoyguakuérape 4:3

Ñanderuete ñe’ẽ porãite (evangélio) ojejaho’i ramo gueteri, upéicharõ ojejaho’i umi oñehundívape g̃uarãnte.

Galaciayguakuérape 2:16

Jaikuaa ningo yvyariguakuéra noñemboheko potĩri ojapo ramojepe Moises rembiapoukapy, ojerovia rire uvei Hesu Crísto rehe ae, ha ñande avei jajeroviáva guive Hesu Crísto rehe Ha’e ñanemopotĩ, ndaha’éi jajapo haguére Moises rembiapoukapykuéra, avave noñemboheko potĩkuaáigui ojapo ramojepe Moises rembiapoukapykuéra.

Galaciayguakuérape 2:20

Che añembokurusúmagui Hesu Crísto ndive, ndaikovéima che, Hesu Crísto oikógui chepype. Che aikove ramojepe che ro’ópe, aikove che jerovia rupi Ñanderuete Ra’y rehe, Ha’e cherayhúgui ha oñeme’ẽmava’ekue che aikove hag̃ua Ha’érupi.

hebreoyguakuerape 10:39

Ñande katu ndajapiaiva’erã pe tapégui ani hag̃ua ñañehundi, jajerovia katu jajesalva hag̃ua ha jahupity hag̃ua pe tekove tapia g̃uarãva.

hebreoyguakuerape 7:25

Upévare Ha’e ikatu osalva avei tapia g̃uarã umi og̃uahẽvape, Ha’érupi, Ñanderuete rendápe. Hesu Crísto oikovégui tapia g̃uarã, ha’e oñembo’e iñermanokuéra rehe Ñanderuetépe.

1 Juan 2:25

Kóva ningo pe Ha’e oprometeva’ekue ñandéve: Pe tekove opa’ỹva.

1 Juan 5:1

Oimeraẽ ogueroviáva Hesu ha’eha pe Crísto, ha’éma Ñanderuete ra’y térã itajýra, ha upévare ha’ekuéra ojohayhuva’erã Ñanderuete mborayhu reheve.

1 Juan 5:20

Jaikuaa ningo Ñanderuete Ra’y ou hague, ha ome’ẽ ñandéve akã porã ñande jaikuaa hag̃ua pe Añeteguávape, ha ñande ñaĩ pe Añeteguavapype, he’ise Ñanderuete Ra’y Hesu Crístopype. Ha’e Ñandejára Añeteguáva ha pe tekove tapia g̃uarãva.