Juan 3:11

Ñanderuete Ñe’ẽ Porã 2015

Añetehápe, añetehápe, che ha’e ndéve: Umi mba’e roikuaáva roñe’ẽ ha umi mba’e rohecháva roikuaauka peẽme, opaichavérõ peẽ ndapeipotái ore ñe’ẽ.

Referencias Cruzadas

Isaías 50:2

Mba’érehepa ajúrõ guare, ndajohuiva’ekue avavépe, ha pohenói ramoguare, avave nopenái cherehe. Imbyky piko che jyva ikatu’ỹ hag̃uáicha poipytyvõ. Ndachepu’akái piko poguenohẽ hag̃ua pende jejopy vaígui. Pema’ẽ porãke, ñe’ẽ pohýi rupi ambohypa pe yguasu; umi ysyrýgui ajapo yvy perõ; umi pira y pegua itujupa ndahi’yvéigui, ha ijy’uhéigui omanomba.

Isaías 53:1

Máva piko oguerovia ore ñe’ẽ, ha mávape g̃uarã piko ojehechaukava’ekue Ñanderuete pu’aka.

Isaías 55:4

Peikuaa porãke, Che ahenoi ha amoĩkuri ichupe techahare ramo, mburuvicha guasu ha mbo’ehára ramo tetãnguérape g̃uarã.

Isaías 65:2

Opaite ára Che aipyso che pokuéra peteĩ tetã oñemoĩva cherehe ha oguatáva peteĩ tape naiporãiva rehe ha oikónteva iñakãre ha oimo’ã háichante.

Matéo 11:27

Opaite mba’e, che Ruete omoĩmba che pópe. Avave ndoikuaái pe Ta’ýrape, pe Túva añómante; ha avave ndoikuaái pe Túvape, pe Ta’ýra añómante ha pe Ta’ýra oikuaaukasévape avei.

Matéo 23:37

Jerusalen, Jerusalen, rejukáva nde profetakuérape, ha rejukáva itápe umi oñemboúva ne rendápe. Hetaite jevy ningo ambyatysékuri nde ra’ykuérape ku ryguasu kuru ombyaty háicha imembykuéra ipepo guýpe, peẽ katu ndapeipotái.

Lúcas 10:22

Opaite mba’e che Ruete omoĩma che pópe. Avave ndoikuaái pe Ta’ýrape, pe Túvamante. Ha avave ndoikuaái pe Túvape, Ita’ýramante, ha Ha’e oikuaaukasévapemante oikuaaukáta.

Juan 1:11

Pe Tesape ouva’ekue hetãteépe, hetãyguakuéra katu nomog̃uahẽiva’ekue ichupe.

Juan 1:18

Avave ndohechái máramo Ñanderuetépe, Ita’ýra peteĩeténte, pe Jára oĩva Ñanderuetepype, Ha’e (Hesu) mante oikuaauka ñandéve Itúvape.

Juan 12:49

Chejehegui rei nda’éi mba’evete, che Ruete chembouva’ekue ñe’ẽ ambohasa jevy hag̃uánte peẽme aju, umi ñe’ẽ Ha’e omoĩva che jurúpe Che añe’ẽ ha aporombo’emanteva’erã.

Juan 14:24

Upe cherayhu’ỹva katu ndojapói che rembipota. Ha pe ñe’ẽ peẽ pehendúva guive che jurúgui, ndaha’éi che ñe’ẽ pe chembouva’ekue ñe’ẽ uvei.

Juan 3:12

Che ha’e ramo peẽme umi mba’e yvyariguáva rehe peẽ ndapegueroviái, mba’éicha piko pegueroviáta Che ha’e ramo peẽme yvága rehegua mba’e.

Juan 3:13

Avave ndojupíri yvágape, upe yvágagui oguejyva’ekuémante, ha kóva ningo pe yvyarigua Ra’y, (Daniel 7,13).

Juan 3:3

Hesu ombohovái ichupe: Añetehápe, añetehápe ha’e ndéve upe onace jevy’ỹva ndaikatúi oike Ñanderuete retãguasúpe ha ndohechaiva’erã avei ichupe.

Juan 3:5

Hesu ombohovái ichupe: Añetehápe, añetehápe, ha’e ndéve upe onace’ỹva y ha Pytu Porãmbávagui ndaikatúi oike Ñanderuete retãguasúpe.

Juan 5:43

Che aju che Ru rérape, ha peẽ nachemog̃uahẽi, ambue katu ou ramo héra reípe, upévape peẽ pemog̃uahẽ porãta (pe anticrísto).

Juan 7:16

Upérõ Hesu ombohovái ichupekuéra: Ko mba’e che ambo’éva nachemba’éi, pe chembouva’ekue mba’énte.

Juan 8:14

Hesu katu ombohovái ichupekuéra he’ívo: Che apyta ramojepe che rechaharetee ramo, che ñe’ẽ hi’añete, Che aikuaa moõguipa aju ha aikuaa avei moõpa Che aháta. Peẽ katu ndapeikuaái mávaguipa Che aju, ni mo’õpa Che aháta.

Juan 8:26

Heta mba’e ningo ha’eva’erã penderehe ikatúvaambojovake. Pe chemboúva ningo ha’e pe añetegua, ha Che ahendúva guive ichugui, upévante ambohasa tetayguakuérape.

Juan 8:38

Che añe’ẽ’aína umi mba’e ahechava’ekue che Ruete ndive; peẽ katu pejapopeína pende ru (Satana) he’iukava’ekue peẽme.

Apostolkuéra 22:18

ha che ahechávo ichupe, Ha’e he’i chéve: Pya’e esẽ Jerusaléngui, ndogueroviamo’ãigui umi ñe’ẽ nde erétava cherehe.

2 Corintoyguakuérape 4:4

Ha péva ojehu ko yvy jára (Satana) omohesatũgui ipensamientokuéra, ani hag̃ua ohecha pe tesape oúva Hesu Crísto reko jajaipa ha iñe’ẽ porãitégui, Hesu Crísto ningo Ñanderuete ra’ãnga voi.

Apocalípsis 1:5

ha Hesu Crístogui, pe techahare heko peguáva ha pe oiko jey tenonde omanóva apytégui ha pe oikóva yvy ruvichaitevéva ramo tetã ruvichakuéra apytépe. Ha’e voi ningo ñanderayhuvahína ha ñandejoheiva’ekue ñane angaipágui huguytee rupi.

Apocalípsis 3:14

Ehai Laodicéa iglésia rembijokuáipe g̃uarã: Péicha he’i pe Amen, pe Techahare heko peguáva ha añeteguáva, pe Ojapóva Ñanderuete rembiapo tenonde peguáva.