Juan 3:10

Ñanderuete Ñe’ẽ Porã 2015

Hesu ombohovái ichupe ha he’i: Nde ningo mbo’ehára herakuã tuicháva Judayguakuéra apytépe ha ndereikuaái piko ko’ã mba’e ko’ãva.

Referencias Cruzadas

1 Crónicas 29:19

Eme’ẽ avei che ra’y Salomónpe py’apy ñe’ẽ potĩ ojapo hag̃ua hekoitépe ne ñe’ẽ ha ne rembiapoukapy, toñeha’ãmba omopu’ã hag̃ua pe ogaguasu ambosako’iva’ekue.

Salmokuéra 51:10

Ejapomína chepype Nde, che Ruete, peteĩ py’a ipotĩva, ha embopyahu chepype peteĩ pytu imbaretéva.

Salmokuéra 51:6

Péina ápe, Nde rehayhu pe hekoite pegua osẽva yvyarigua py’apýgui, upévare cherekombo’e porã ha rehechauka chéve ne arandu.

Salmokuéra 73:1

Añetehápe, Ñanderuete ipy’a porã Israel ndive g̃uarã, ha umi ipy’a potĩva ndive g̃uarã.

Isaías 56:10

Che retã rerekua hesatũmba, ndohechái ha ndoikuaái mba’eve; ha’ekuéra ojogua jagua okirirĩvape, jagua oñarõkuaa’ỹvape, keraihápente oñeno hikuái, okesevénte avei hikuái.

Isaías 9:16

Ko tetã sãmbyhyhára oporombotavy voi, ha umi oikóva ipoguýpe oñehundipáta.

Jeremías 31:33

Ohasa rire umi ára añembopy’apeteĩta Israel róga rehe, ha’évo: Che amoĩta ko che ñe’ẽme’ẽ iñapytu’ũkuápe, ha ahaíta ipy’apypekuéra; ha Che aikóta ichupekuéra g̃uarã Ijára ramo, ha ha’ekuéra oikóta che retã ramo.

Ezequiel 11:19

Che amoambuéta ipy’apykuéra ha ame’ẽta ichupekuéra peteĩ pytu porã pyahu; ha aipe’áta hetégui ipy’apy itaguiguáva, ha ame’ẽta ichupekuéra peteĩ py’a (ñe’ã) to’oguiguáva,

Matéo 11:25

Ha umi ára umívape Hesu he’i: Romomba’eguasuete ndéve, che Ruete, yvága ha yvy Jára, ko’ã mba’e reñomi haguére umi iñarandúvagui ha umi heta mba’ekuaaháragui, ha rehechaukágui umi tapicha ojejapo’ỹvape.

Matéo 15:14

Peheja ichupekuéra, ha’ekuéra hesatũ ha upeichavérõ omboguata ambue hesatũva, pe hesatũva omboguata ramo ambue hesatũvape, mokõivéva ho’ava’erã yvykuápe.

Matéo 22:29

Ha Hesu ombohovái ichupekuéra: Pejavy, ndapeikuaáigui Ñanderuete kuatiañe’ẽ ni Ñanderuete pu’aka.

Lúcas 2:46

Ha ojohu hikuái ichupe pe ára mbohapyhápe oguapy jave Ñanderuete rogaguasúpe ohendúvo ha oporandúvo umi mbo’ehárape.

Lúcas 5:17

Ha ojehu ningo peteĩ árape Hesu oporombo’e jave hína, oñembyaty avei heta fariseokuéra ha umi oporombo’éva Moises rembiapoukapykuéra ouva’ekue avei Hesu rendápe Galiléagui, Judágui ha Jerusaléngui ha oguapy hikuái ijypýpe. Ha Ñanderuete pu’aka oĩ Hesu ndive, Ha’e oporomonguerapa hag̃ua.

Juan 3:9

Upérõ Nicodémo oporandu: Mba’éicha piko upéva ikatu oiko.

Apostolkuéra 5:34

Upérõ peteĩ fariséo hérava Gamaliel oñembo’y ijapytépe, ha’e peteĩ mbo’ehára hetãyguakuéra omomba’éva, ha’e oguenohẽuka sapy’ami umi apóstolpe,

Romayguakuérape 2:28

Upe Judaygua oñekytĩva hete reheguánte ndaha’éi Judaygua añeteguáva, pe ñekytĩ’o ojejapóva kuimba’e rete apérente ndaha’éi ñekytĩ’o añeteguáva.

Deuteronómio 10:16

Pemoambue pende py’apy ha anive pende reko vai.

Deuteronómio 30:6

Ñanderuete, Ñandejára, omopotĩta pende py’apy ha pene ñemoñarenguéra py’apy pehayhu hag̃ua añetehápe Jahve, pende Járape, pende py’aite ha pene ánga mbytete guive, peikove hag̃ua añetehápe.

Filipoyguakuérape 3:3

Ñande ningo umi oñekytĩ’óva añetehápe, ñande jajeroviágui Ñanderuete Pytu Porãite rupi ha ñamomba’eguasúgui Hesu Crísto rembiapo porã ikurusureguare, ha ndajajeroviái kuimba’e rete rembiapóre, ojejapóva kuimba’e rete apérente.

Colosayguakuérape 2:11

Ipype ningo peẽ peñekytĩ’ova’ekue (penecircuncidava’ekue) avei, napeñekytĩ’ói katu kuimba’e po rupi, Hesu Crísto rupi uvei, pemoĩvo pende rete rembipota vai Hesu Crísto poguýpe,