Juan 21:22

Ñanderuete Ñe’ẽ Porã 2015

Hesu katu he’i ichupe: Che aipota ramo ha’e oikove Che aju jevy peve, mba’éiko ndéve upéva. Nde katu eju che rapykuéri.

Referencias Cruzadas

Matéo 16:24

Upémaramo Hesu he’i hemimbo’ekuérape: Upe che rapykuéri ouséva toñembyesarái ijehegui jepeve, tohupi ikurusu ha tou che rapykuéri.

Matéo 24:27

Pe aratiri rendýicha oúva kuarahyresẽguio ha ojekuaa pe kuarahyreike gotýo peve, péicha pe yvyarigua Ra’y outavahína ouha árape.

Matéo 24:3

Hesu oguapy jave hína pe olívo cérrope, hemimbo’ekuéra oñemboja hendápe, ha’eñoháme, ha oporandu ichupe: Eréna oréve araka’épa ojehúta ko’ã mba’e ha mba’eichagua techaukahápa oĩta nde reju jevy vove ha araka’etépa opáta ko múndo kóva, (ko yvy kóva).

Matéo 24:44

Upévare peñembosako’íkena; peha’ãrõ’ỹve javénte oúta yvyarigua Ra’y (Hesu Crísto).

Matéo 25:31

Pe yvyarigua Ra’y ou vove heko jajaipa reheve, ha yvága rembiguaikuéra hendive, upe árape Ha’e oguapýta iguapyha omimbipávape.

Matéo 8:22

Hesu katu he’i ichupe: Eju che rapykuéri, eheja umi omanóva toñotỹ umi omanova’ekuépe.

Márcos 9:1

Ha Hesu he’ive ichupekuéra: Añetehápe ha’e peẽme pende apytégui, ha oñembo’ýva che renondépe, oĩ umi nomanoiva’erãva ohecha mboyve Ñanderuete retãguasu pu’aka outavahína.

Juan 21:19

Ko’ã mba’e Hesu omombe’u oikuaauka hag̃ua ichupe mba’eichagua ñemano rupípa Pédro omomba’eguasúta Ñanderuetépe. Ha Hesu he’ipávo ko’ã mba’e, he’i ichupe: Eju che rapykuéri.

Juan 21:21

Ha Pédro ohechávo ichupe oporandu Hesúpe: Ha kóvagui piko mba’e oikóta.

1 Corintoyguakuérape 11:26

Opaite ára pe’u jave pe pan ha pe’u jave ko vásogui pemoherakuã pende Jára ñemano Ha’e ou jevy peve.

1 Corintoyguakuérape 4:5

Upévare peha’ãrõ Hesu Crísto ouha ára peve, Ha’e ombojovake hag̃ua. Ha’e voi omyesakãmbáta umi mba’evai ha iporãva oñemivahína pytũmbýpe jepe, ha Ha’e ohechaukáta ñande py’apy rembipota jepe; upépe ae peteĩteĩva ohupitýta pe hekopeteguáva Ñanderuetégui.

1 Tesalonicayguakuérape 2:19

Mávapa ore esperánza, térã mávapa orembovy’a, térã mávapa ore coróna Hesu Crísto ouha árape g̃uarã.

Tiágo 5:7

Che hermanokuéra, peha’ãrõkuaa kirirĩháme Hesu Crísto ou jevy peve. Pema’ẽ pe kokue jára rehe, ha’e oha’ãrõkuaa ikoga’a hi’a peve, og̃uahẽ rire pe ama tenondegua ha opakuevogua.

Tiágo 5:8

Upéicha peẽ peha’ãrõ avei, pemombarete katu pende py’apy, Hesu Crísto ou jevytamahína.

Apocalípsis 1:7

Peikuaa porãke Hesu Crísto ou jeyva’erã arai reheve, ha opaite umi oikutuva’ekue ichupe ohecha jevyva’erã ichupe ha opaite tetã yvy arigua ojahe’o soróta ohecha vove ichupe. Taupéicha.

Apocalípsis 2:25

Umi mba’e peguerekóva katu peñongatu porãke pende py’apýpe Che aju jey peve.

Apocalípsis 22:20

Pe oikuaaukapáva ko’ã mba’e, he’i: Néi, Che aju pya’e (térã pe hóra oñeha’ãrõ’ỹva) Amen, eju ore Jára, Hesu Crísto.

Apocalípsis 22:7

Peikuaa porãke, pya’e Che ajúta, (térã Che ajúta pe ára oñeha’ãrõ’ỹre, Matéo 24,7; Lúcas 17,24). Ovy’aite pe iñe’ẽrendúva ko’ã profecía ko’ãva rehe oĩva ko kuatiañe’ẽ kóvape.

Apocalípsis 3:11

Péinako Che aju pya’ete, upévare eñangareko porãke pe reguerekóva rehe, ani hag̃ua avave oipe’a ndehegui ne akã jeguaka.