Juan 21:16

Ñanderuete Ñe’ẽ Porã 2015

Upéi Hesu oporandu jevy: Simon, Juan ra’y, cherayhúpa, Pédro ombohovái ichupe: Héẽ, che Jára, Nde ningo reikuaa che rohayhuha. Upérõ Hesu he’i ichupe: Eñangareko che ovechakuéra rehe.

Referencias Cruzadas

Salmokuéra 100:3

Peikuaa porãke Ñanderuete ha’eha pe oikóva tapia g̃uarã, Ha’e ñande apohare ha ñande, imba’eha. Ha’e oñangareko hetã rehe ha ijovecha aty rehe.

Salmokuéra 95:7

Ha’e voi ningo ore Ruete. Ñande, hetãygua ñaĩ iñúme, ha ñande, ijovechakuéra ñaĩ ipópe. Pehendúrõ ko ára kóvape iñe’ẽ,

Zacarías 13:7

Nde kyse puku reheve eñemoĩ che rerekua ha che irũ rehe, he’i ángel atykuéra Jára. Eikutu che rerekuápe ijovechakuéra oñemosarambi hag̃ua, ha upéi amopu’ãta che po umi mburuvicha michĩva rehe.

Matéo 2:6

Ha nde, Belen, Júda retã megua, nde ningo pe imichĩvéva umi táva Judaygua apytépe, ndehegui osẽta peteĩ mburuvichaguasu omboguata porãva’erã che retã Israélpe (Miquéas 5,2).

Matéo 25:32

Ha opaite tetãyguakuéra oñembyatypáta henondépe, ha Ha’e oipe’áta ojoapytégui ku ovecha rerekua oipe’a háicha umi kavara ijovechakuéra apytégui.

Matéo 26:72

Ha ha’e ombotove jevy ha ome’ẽ iñe’ẽ ha he’i: Che ndaikuaaiete pe kuimba’e pévape.

Lúcas 19:10

Pe yvyarigua Ra’y ningo ou yvy apére osalva hag̃ua umi oñehundiva’ekuépe.

Juan 18:17

Upéramo ko kuñakarai oñangarekóva pe okẽ rehe he’i Pédrope: Nde piko ndaha’éi avei Hesu remimbo’e. Pédro katu he’i ichupe: Che ndaha’éi.

Juan 18:25

Simon Pédro ojepe’e gueterihína ñembo’yhápe. Upérõ oporandu hikuái ichupe. Nde piko ndaha’éi avei hemimbo’e. Pédro katu ombohovái he’ívo: Che ndaha’éi.

Juan 21:17

Uperiremínte Hesu oporandu mbohapyha jevy Pédrope: Simon, Juan ra’y, cherayhúpa. Ha Pédro ñembyasyhápe ombohovái ichupe: Che Jára, Nde reikuaa opaite mba’e, reikuaa avei che rohayhuha. Upérõ Hesu he’i ichupe: Eñangareko che ovechakuéra rehe.

Apostolkuéra 20:28

Peñeñangareko porãke pendejehe ha opaite iglesiayguakuérare, pe Pytu Porambáva pendeporavómagui peiko hag̃ua iglésia anciáno ramo, upévare pemboguata porã Ñanderuete iglésiape, Ha’e ojoguava’ekue ita’ýra Hesu Crísto ruguy rupi.

hebreoyguakuerape 13:20

Ñanderuete, pe py’aguapy Jára, omoingove jevymava’ekue Hesu Crístope omanóva apytégui, Hesu Crísto ningo pe ovecha rerekuaguasu ha huguytee rupi Ha’e ñanembopy’apeteĩ jevy Ñanderuete ndive,

1 Pédro 2:25

Peẽ peikova’ekue ku ovecha kañymbyréicha, ko’ág̃a katu pejevýma pende rerekua rendápe, Ha’e oñangareko hag̃ua pene ánga rehe.

1 Pédro 5:2

Peñangareko porãke Ñanderuete ovecha aty rehe, ani pejopy ichupekuéra, py’aporã reheve uvei, ha vy’apópe peneñe’ẽrendu Ñanderuete rembipotápe. Ani peiko ijovecha rerekua ramo pirapire rehehápe.

Apocalípsis 7:17

Pe Ovechara’y oĩva pe guapyhaguasu mbytépe omongaru ha omboy’úgui ichupekuéra pe yvu oporomoingovévagui ha Ñanderuete omokã opaite tesay hesaguikuéra.