Juan 20:22

Ñanderuete Ñe’ẽ Porã 2015

Ha he’ipávo ko’ã ñe’ẽ, Ha’e oipeju hi’ári he’i ichupekuéra: Perecibi pe Pytu Porãmbáva.

Referencias Cruzadas

Genesis 2:7

Upéramo Ñanderuete, pe Jaraitéva ojapo pe kuimba’e yvy timbógui ha oipeju itĩme Ipytu Porãitéva oporomoingovéva, upéicharupi oiko pe kuimba’égui peteĩ ánga oikovéva.

Job 33:4

Ñanderuete Pytu Porãite cheapova’ekue, ha pe Ipu’akapáva Pytu Porãite chemokyre’ỹ.

Salmokuéra 33:6

Ñanderuete ñe’ẽ rupive ojejapova’ekue umi yvága, ha ijuru pytuhẽ rupive ojejapo opaite mba’e oĩva guive ipype.

Ezequiel 37:9

Ha he’i chéve: Kuimba’e ra’y, eprofetiza ha ere pe Pytu Porãme péicha pende Ruete he’i: Pytu Porã eju umi irundy yvy apýragui ha eipeju ko’ã ojejukava’ekue ári, oikovepa jevy hag̃ua.

Juan 14:16

Ha Che ajeruréta che Ruetépe, Ha’e ombou hag̃ua ambue Pytyvõhára (Pytu Porãmbáva) pene rendápe, Ha’e opyta hag̃ua tapia g̃uarã penendive.

Juan 15:26

Ouva’erã pene Pytyvõhára, pe Pytu Porãmbáva, che Ruete omboútava pene rendápe, Ha’e chembotuicháta pende apytépe ha opytáta che rechahare ramo.

Juan 16:7

Che amombe’úma peẽme pe añetegua: Iporã ningo peẽme g̃uarã Che aha ramo, Che ndahái ramo, ndoumo’ãi pe Pytyvõhára pene rendápe, Che aha rire katu, amboúta ichupe pene rendápe.

Juan 20:21

Hesu he’i jevy ichupekuéra: Tapendepy’aguapy, Che Ruete chembou haguéicha, Che pomondo avei.

Juan 20:23

Oimeraẽva peẽ peperdonáva hi’angaipa, opytáta oñeperdonapyréma, ha oimeraẽvape peẽ napeperdonáiva, opytáta perdon’ỹre.

Juan 7:39

Ko’ã mba’e Hesu he’i pe Pytu Porãmbáva rehe, oñeme’ẽva’erãva opaite ojeroviávape guive añetehápe hese. Hesu he’ívo ko’ã ñe’ẽ, pe Pytu Porãmbáva ne’ĩra ou, Hesu Crísto noñemboheko jajáigui gueteri.

Apostolkuéra 10:47

Ikatúnepa rombotove (ronega) pe bautísmo ichupekuéra. Ichupekuéra oñeme’ẽma pe Pytu Porãmbáva, oñeme’ẽ haguéicha ñandéve (Israelguakuérape).

Apostolkuéra 19:2

ha oporandu ichupekuéra: Peẽ pehupitýmapa pe Pytu Porãmbáva pejeroviávo Hesu Crísto rehe. Ha’ekuéra ombohovái: Ore norohendúi gueteri oĩha Pytu Porãmbáva.

Apostolkuéra 2:38

Pédro he’i ichupekuéra: Peñembyasy peiko vai haguére, pejevy Ñanderuete rendápe ha peteĩteĩva tojebautizauka Hesu Crísto rérape, Ha’erupínte ojepe’akuaa pene rembiapo vaikue (angaipa) ha oñeme’ẽva’erã peẽme pe Pytu Porãmbáva oporosãmbyhýtava.

Apostolkuéra 2:4

Ha opyta henyhẽmba hikuái Pytu Porãmbávagui ha oñepyrũ oñe’ẽ tetã ambueygua ñe’ẽme, pe Pytu Porãmbáva ome’ẽ háicha peteĩteĩme oñe’ẽ hag̃ua.

Apostolkuéra 4:8

Upérõ, Pédro henyhẽva Pytu Porãmbávagui, he’i ichupekuéra: Tetã ruvichakuéra ha karai ancianokuéra, pemyakãva ko tetã kóvape:

Apostolkuéra 8:15

Ha og̃uahẽvo upépe Pédro ha Juan oñembo’e hesekuéra oñeme’ẽ hag̃ua ichupekuéra avei pe Pytu Porãmbáva.

Galaciayguakuérape 3:2

Kóva añónte aikuaase pendehegui: Pehupitýpara’e Ñanderuete Pytu Porãite pejapógui Moises rembiapukapykuéra, térãpa pejeroviágui Hesu Crísto rehe pehupity pe Pytu Porãmbáva.