Juan 20:2

Ñanderuete Ñe’ẽ Porã 2015

oñani ohóvo Simon Pédro ha pe ambue Hesu remimbo’e rendápe, kóva ningo pe temimbo’e Hesu ohayhuvéva, ha he’i ichupekuéra: Ojegueraha ningo Ñandejára retekue ityvýgui, ha ore ndoroikuaái moõpa omoĩra’e hikuái.

Referencias Cruzadas

Juan 13:23

Peteĩ hemimbo’e Hesu ohayhuetéva, oguapýva Hesu ykére,

Juan 19:26

Ha Hesu ohechávo isýpe ha ijypýpe hemimbo’e, Ha’e ohayhúvape, he’i isýpe: Nde kuñakarai, péina pépe ne memby.

Juan 20:13

Ha ha’ekuéra he’i Maríape: Kuñakarai, mba’érehe piko nerasẽ. Ha ha’e ombohovái ichupekuéra: Ojeguerahágui che Jára retekue.

Juan 20:15

Upérõ Hesu he’i ichupe: Nde kuñakarai, mba’érehe piko nerasẽ. Mávapepa reheka. María ningo oimo’ãgui ha’eha pe yvotyty rerekua, he’i ichupe: Karai, nde regueraha rire Hesu retekue, eréna chéve moõitépa remoĩ ra’e, che agueru jevy hag̃ua ichupe.

Juan 20:9

Ha’ekuéra ne’ĩra gueteri ohechakuaa Ñanderuete kuatiañe’ẽme he’imava’ekue voi Hesu opu’ãva’erãha omanóva apytégui.

Juan 21:20

Ha Pédro ojerévo ohecha pe temimbo’e Hesu ohayhúvape, ouha avei Hesu rapykuéri. Ha’e ningo avei pe temimbo’e ojejokova’ekue Hesu pyti’a rehe pe céna péva jave, ha oporanduva’ekue Hesúpe: Ore Jára, máva temimbo’épa ore apytégui netraicionátava.

Juan 21:24

Pe temimbo’e Hesu ohayhúvape ningo, ohai ko kuatia ñe’ẽ kóva, ha’e voi ningo peteĩ techahare porãva, ha ñande jaikuaa iñe’ẽnguéra hi’añete ha hekoitepeha.

Juan 21:7

Upémaramo pe temimbo’e Hesu ohayhúva he’i Pédrope: Hesu voi ningo. Upérõ Pédro pya’e omonde ijao, ha’e ijopívogui, ha ojeity yguasúpe.