Juan 20:16

Ñanderuete Ñe’ẽ Porã 2015

Upéramo Hesu he’i: María. Ha María oñembojerévo he’i ichupe hebréo ñe’ẽme: Rabóni, he’iséva mbo’ehára.

Referencias Cruzadas

Genesis 22:1

Ko’ã mba’e rire, Ñanderuete oha’ã (oprova) Abrahámpe, ha he’i ichupe: Abraham. Ha ha’e ombohovái ichupe: Péina ápe aĩ.

Genesis 22:11

Upévo Ñanderuete rembiguái (ángel) osapukái ichupe yvága guive, ha he’i: Abraham, Abraham. Ha ha’e he’i: Péina ápe aĩ.

Genesis 45:12

Eikuaa porã, che ryke’ykuéra resa ohechapa, ha che ryvy Benjamin resa avei, che juru oñe’ẽha pe añetegua.

Éxodo 3:4

Ha Ñanderuete ohechávo ha’e ohoha ohecha hag̃ua, ohenói ichupe pe ñuatĩ mátagui ha he’i: Moises, Moises. Ha ha’e he’i: Ápe aĩ.

Éxodo 33:17

Ha Ñanderuete he’i Moiséspe: Ajapóta avei ko mba’e ereva’ekue, rejohúgui py’aporã che resa rendondépe ha Che roikuaágui nde réra rupi.

Cantar de los cantáres 3:4

Ahasa rire mbykymi ijypyguikuéra, ajohúma che ánga ohayhuetévape: Ajapyhy ichupe ha ndahejavéi, agueraha peve ichupe che sy kotýpe, che anace haguépe.

Cantar de los cantáres 5:2

Kuñataĩ oñe’ẽ: Che rete okéma, che py’apy katu ne’ĩra. Ehendumína, oúma ha ombota che rokẽme he’ívo: Che mborayhu jára eipe’amína chéve ne rokẽ, che rembirekorãmi, che pykasumi iporãitéva, che akã henyhẽmbágui ysapýgui, che akã raguégui otyky pyhare ysapy.

Isaías 43:1

Ko’ág̃a, nde Jacóbo, pende Ruete rembiapo, nde apohare he’iuka ndéve: Ani rekyhyjétei, Che roperdonáma; Che rohenói nde réra rupi, nde ningo che mba’énteva voi.

Matéo 14:27

Ha Hesu pya’e oñe’ẽ ichupekuéra, ha he’i: Peñembopy’aguapy, Chénteko, ani pekyhyje.

Márcos 10:51

Ha Hesu oporandu ichupe: Mba’épa reipota ajapo nderehe. Ha pe hesatũva he’i: Mbo’ehára, tahecha jevýna.

Lúcas 10:41

Hesu katu he’i ichupe: Márta, Márta, nde rejepy’apy heta mba’e rehe ha reñemoangekõiete;

Juan 1:38

Hesu Crísto ojerévo ohecha ichupekuéra ohoha hapykuéri, ha oporandu ichupekuéra: Mba’épa peheka. Ha’ekuéra ombohovái ichupe: Mbo’ehára, moõ piko reiko.

Juan 1:49

Upéramo Natanael he’i Hesúpe: Mbo’ehára, Nde ningo Ñanderuete Ra’y, Nde ningo Israel retã ruvichaguasu voi.

Juan 10:3

Ha pe oñangarekóva pe kora rokẽ rehe, oipe’áta ichupe g̃uarã pe okẽ, upérõ pe ovecha rerekua ohenóita ijovechakuérape, peteĩteĩme heratee rupi, ha ohendu ramo hikuái iñe’ẽ, Ha’e oguenohẽta ichupekuéra okápe.

Juan 11:28

He’i rire ko’ã mba’e, oho ohenói hag̃ua ñemiháme ikypy’y Maríape, ha he’i ichupe: Pe mbo’ehára oúma ha nerenoiuka.

Juan 13:13

Peẽ ningo peje Che ha’eha pene mbo’ehára ha pende Jára, ha peje porã, Che ha’égui voi.

Juan 20:28

Tomas katu ombohovái: Che Ruete ha che Járaite.

Juan 3:2

Nicodémo ou pyhare jave Hesu rendápe, ha he’i ichupe: Mbo’ehára, ore ningo roikuaa rejuha Ñanderuetégui reporombo’e hag̃ua, avavete ndaikatúigui ojapo ko’ã techaukaha (señal) Nde rejapóva, Ñanderuete oĩ’ỹrõ hendive.

Juan 5:2

Oĩ ningo Jerusalénpe, pe Ovecha rokẽ ypýpe, peteĩ yrenda, hérava hebréo ñe’eme Betésda, he’iséva jeporiahuvereko róga, ha upépe oĩ 5 ogaguyguasu.

Juan 6:25

Ha ojohúvo ichupe pe yguasu mboypýri, oporandu ichupe: Mbo’ehára, araka’e piko reg̃uahẽra’e ko’ápe.

Apostolkuéra 10:3

Ha’e oñembo’e jave ka’aru mbyte rupi Ñanderuetépe, ojehechauka ichupe Ñanderuete ángel ha he’i ichupe: Cornélio.

Apostolkuéra 9:4

Ha Sáulo ho’ávo yvýre ohendu peteĩ ñe’ẽ he’íva ichupe: Sáulo, Sáulo mba’érehepa nde chepersegui.

1 Samuel 3:10

Ha Ñanderuetépe jepiguáicha ohenói jevy: Samuel, Samuel; upéramo Samuel he’i: Eñe’ẽ, ne rembiguái nerendureína.

1 Samuel 3:6

Ha Ñanderuete ohenói jevy Samuélpe, ha ha’e opu’ã jevy ha ou Eli rendápe ha he’i: Na’ápe aĩ, mba’erãpa nde cherenóira’e. Ha ha’e he’i jevy: Che ra’y, che norohenóiri, tereho eñeno jevy.