Juan 20:1

Ñanderuete Ñe’ẽ Porã 2015

Pe semána ñepyrũha árape, ko’ẽmba mboyve, María Magdaléna oho Hesu oñeñotỹ haguépe, ha ohechávo ojeíma hague pe itaguasu ombotyva’ekue pe tyvy juru,

Referencias Cruzadas

Matéo 27:56

Hendivekuéra oĩ María Magdaléna, María, Jacóbo ha Jose sy, ha Zebedéo ra’ykuéra sy.

Matéo 27:60

Omoĩ Hesu retekue ityvy (isepultúra) pyahúpe ojo’oukava’ekue itaguasukuápe, imba’erã ramo; ha ombyapajeréi peteĩ itaguasu omboty hag̃ua pe tyvy juru.

Matéo 27:64

Eréna, oñangareko porã hag̃ua ityvy rehe ohasapa peve umi mbohapy ára, ani hag̃ua hemimbo’ekuéra ou omonda hetekue, ha upéi he’i tetãyguakuérape: Oikove jevyha omanomava’ekue apytégui, ha pe japu paha ivaietevéta pe iñepyrũmbyrégui.

Matéo 27:66

Ha oho hikuái ha omoĩ umi tahachikuérape oñangareko hag̃ua Hesu tyvy rehe, pe itaguasu rehe (ombotýva ityvy juru) ha omoha’ãnga hese imárca (iséllo, ani hag̃ua avave oipe’a ichupe).

Matéo 28:1

Pe sábado ára ohasa rire, pe domíngo ára ko’ẽjúvo, María Magdaléna, ha ambue María oho ohecha hag̃ua Hesu sepultúra.

Matéo 28:2

Ha oiko peteĩ yvy ryryiguasu, ha peteĩ Ñanderuete yvága rembiguái oguejy yvágagui ha oipe’a pe ita, ha oguapy hi’ári.

Márcos 15:46

Upérõ Jose omboguejy Hesu retekue pe kurusúgui, oñu’ãmba peteĩ savana ojoguaramóvape, ha omoĩ ichupe ityvýpe (isepultúrape) ojejo’ova’ekue itaguasúpe, ha ombyapajeréi peteĩ ita pohýi omboty hag̃ua pe tyvy (sepultúra) juru.

Márcos 16:9

Hesu Crísto oikove jevy riréma ha’e ojehechauka raẽ María Magdalayguápe, ichugui ningo Hesu omosẽva’ekue 7 mba’epochýpe.

Juan 11:38

Hesu ipyahẽ ha iñangekõi jevy Ipytu Porãme ha oho Lázaro oñeñotỹ haguépe. Oñotỹ hikuái Lázarope peteĩ itakuaguasúpe, ha omboty hikuái pe itakuaguasujuru.

Juan 11:41

Upémaramo oipe’a hikuái pe itaguasu, ha Hesu ojesaupi ha he’i: Che Ruete, Che agradece ndéve cherendu haguére.

Juan 19:25

Hesu kurusu ypýpe oĩ: Hesu sy, ikypy’y, ha María, Cleófas rembireko, ha María Magdaléna.

Juan 20:26

Ohasa rire 8 ára, Hesu remimbo’ekuéra oñembyatypa jave peteĩ ógape, ha Tomas oĩ avei ijapytépe, Hesu oike, oñembotypa ramojepe hokẽnguéra, ha oñembo’y ijapytepekuéra ha he’i: Tapendepy’aguapy.

Apostolkuéra 20:7

Peteĩ domíngo árape ore roñembyaty romboja’o hag̃ua pan (pe céna del Señor Hesu Crísto reheguáva). Pe ára ambuépe Páblo ohose, upévare ha’e ombopukuve iñe’ẽ pyhare mbyte peve.

1 Corintoyguakuérape 16:2

Cáda domíngope pembyatymi pende rógape pirapire, peteĩteĩ ikatúva peme’ẽ pehupity haguéicha ani hag̃ua peẽ peñepyrũ pemono’õ pe pirapire che ag̃uahẽ riréma.

Apocalípsis 1:10

Hesu Crísto árape (domíngo) ahendu che rapykuépe peteĩ oñe’ẽ hatãva ku turu puguasúicha,