Juan 2:7

Ñanderuete Ñe’ẽ Porã 2015

Ha Hesu he’i umi tembiguáipe: Pemyenyhẽ kambuchikuéra ýgui. Upémaramo ha’ekuéra omyenyhẽ hembe’y peve.

Referencias Cruzadas

1 Réyes 17:13

Elías he’i ichupe: Ani rekyhyje; tereho ejapo ere haguéicha; ejapo raẽ katu chéve peteĩ pan michĩva ojýva, ha egueru chéve, ha upéi ejapo nde ha ne membýpe g̃uarã.

Juan 2:3

Ha opa rire pe víno, Hesu sy he’i ichupe: Opa ningo ichuguikuéra pe víno.

Juan 2:5

Hesu sy katu he’i upe óga jára rembiguaikuérape: Pejapopa, Hesu he’íva guive peẽme.

Juan 2:6

Oĩ ningo upépe 6 kambuchi ndetuicháva itaguiguáva, Judayguakuéra oiporúva oñemopotĩ hag̃ua, ha peteĩteĩme ija 100 lítro rupi.

Juan 2:8

Uperire Hesu he’i ichupekuéra: Peguenohẽ michĩmi ha peha’ãuka pe omyakãmbáva pe tembiapo ko mendahápe, ha ogueraha hikuái ichupe.