Juan 2:24

Ñanderuete Ñe’ẽ Porã 2015

Hesu katu, ndojeroviái hesekuéra oikuaa porãgui opavave pensamientokuéra.

Referencias Cruzadas

1 Réyes 8:39

upérõ ehendumi, Nde reikoha guive, ha eperdona jevymi ha eme’ẽmi ichupe ha’e oguata haguéicha, Nde ningo reikuaapa voi tetãyguakuéra py’apýpe oĩva guive,

1 Crónicas 28:9

Ha nde, che ra’y Salomon, ehechakuaáke nde ru Járape ha eservi ichupe py’a potĩme ha kyre’ỹpópe; Ñanderuete oitypekágui opaite yvyariguakuéra py’apýpe ha oikuaa avei opaite ñane pensamientokuéra. Eheka ichupe ha emba’apo ichupe g̃uarã; ha reñemomombyry ramo ichugui, Ha’e nderejáta katuete avei.

1 Crónicas 29:17

Che aikuaa, che Jaratee, Nde rehechapaha opavave py’apýpe, ha py’a potĩ nembovy’aha; upévagui py’a potĩpópe aikuave’ẽ ndéve ko’ã mba’e, ha ahecha avei torýpe, ne retãyguakuéra oñembyaty ome’ẽ hag̃ua avei kyre’ỹpópe.

Jeremías 17:9

Kuimba’e ha kuñakuéra py’apy hova mokõi ha iñañaite; máva piko ikatu oikuaa porã ichupekuéra.

Matéo 9:4

Ha Hesu oikuaapáva voi ojepy’amongetáva hikuái, he’i ichupekuéra: Mba’érehe piko pepensa vai pende py’apýpe (ko’ã pehechávare).

Márcos 2:8

Ha Hesu ohechakuaa voi Ipytu Porã rupi, ojepy’amongetaha vai hikuái ipy’apýpe, upévare he’i ichupekuéra: Mba’érehepa pepensa péicha pende py’apýpe.

Juan 1:42

Ha Andres ogueru Pédrope Hesu Crísto rendápe. Ha Hesu Crísto oma’ẽvo hese he’i: Nde ningo Simon, Juan ra’y, nderérata Pédro, he’iséva itaguasu.

Juan 16:30

Ko’ág̃a roikuaa Nde reikuaaha opaite mba’e, ha natekotevẽi ore roporanduve ndéve, upévare ore roguerovia Nde resẽ hague Ñanderuetégui.

Juan 21:17

Uperiremínte Hesu oporandu mbohapyha jevy Pédrope: Simon, Juan ra’y, cherayhúpa. Ha Pédro ñembyasyhápe ombohovái ichupe: Che Jára, Nde reikuaa opaite mba’e, reikuaa avei che rohayhuha. Upérõ Hesu he’i ichupe: Eñangareko che ovechakuéra rehe.

Juan 4:16

Upérõ Hesu he’i ichupe: Tereho ha ehenói ne ménape, ha eju jevy ko’ápe.

Juan 5:42

Che ningo poikuaa porã, ha aikuaa avei peẽ ndapehayhuiha Ñanderuetépe.

Juan 6:15

Hesu katu ohechakuaávo hetãyguakuéra omoĩseha ichupe Israel retã ruvicha ramo, ojei ijapytégui ha Ha’e ha’eñomi oho cérro ári (oñembo’e hag̃ua).

Juan 6:64

Oĩ katu pende apytépe umi ojerovia’ỹva. Hesu oikuaa porã voi ñepyrũ guive umi ndojeroviapáiva hese ha pe oityka vaítava (otraicionátava) ichupe.

Apostolkuéra 1:24

Oñembo’évo he’i hikuái: Nde, ore Jára, reikuaa porãmba opavave py’apýpe oĩva guive, ehechaukamína oréve mávapepa ko’ã mokõigui Nde reiporavo,

Apostolkuéra 15:8

Ha Ñanderuete oikuaa porãmba ñande py’apýpe oĩva guive, ha Ha’e ohayhúgui tetãyguakuérape ome’ẽ avei ichupekuéra pe Pytu Porãmbáva ome’ẽ haguéicha ñandéve, ha upéicha Ñanderuete voi opytáma hechahare ramo ko mba’e kóvape.

Deuteronómio 31:21

Ha ojehu ramo ichupekuéra heta mba’evai ha jepy’apyeta, upevove ko purahéi opytáta che techahare ramo iñemoñarenguéra jurúpe; Che aikuaapa voi mba’épa ojapose hikuái, ojehu mboyve ha amoinge mboyve ichupekuéra pe yvýpe aprometeva’ekue ichupekuéra.

hebreoyguakuerape 4:13

Ndaipóri yvyarigua Ñanderuete ohecha’ỹva, oimeraẽva uvei ijopívo ha ojehechaukava’erã hesa renondépe, Ha’e ombojovakeha árape.

Apocalípsis 2:23

Imembykuéra ajukapáta. Upéicha opaite iglésia oikuaáta Che voi aikuaaha opaite mba’e oĩva guive yvyarigua akãme térã ipy’apýpe, ha Che amyengoviáta peteĩteĩme hembiapokue.

1 Samuel 16:7

Ñanderuete katu he’i Samuélpe: Ani rema’ẽ hova rehe térã ijyvatekue rehe, pévape Che amboykéma; pende Ruete noma’ẽ yvyariguakuéra oma’ẽ háicha, yvyariguakuéra oma’ẽ hesakuéra ohechávarente, pende Ruete katu oma’ẽ ipy’apýre (iñe’ãre, ikorasõre).