Juan 2:19

Ñanderuete Ñe’ẽ Porã 2015

Hesu ombohovái ichupekuéra ha he’i: Peity ko Ñanderuete rogaguasu, ha pe ára mbohapyhápe che amopu’ã jevýta.

Referencias Cruzadas

Matéo 12:40

Jonas oĩ haguéicha mbohapy ára ha mbohapy pyhare pukukue pe mymba ndetuicháva ryépe, péicha avei yvyarigua Ra’y opytáta mbohapy ára ha mbohapy pyhare pukukue yvy guýpe.

Matéo 16:21

Ha upe ára guive Hesu Crísto oñepyrũ oikuaauka hemimbo’ekuérape Ha’e ohova’erãha Jerusalénpe ha ohasa asyva’erãha pa’ikuéra, karai ancianokuéra ha umi kuatia haihára pópe ha ipahápe ojejukava’erãha ichupe, oikove jevyva’erã katu mbohapy ára haguépe.

Matéo 27:40

Nde reitýva Ñanderuete rogaguasu ha mbohapy ára haguépe remopu’ã jevýtava, ejesalvána nde voi; oime ramo nde Ñanderuete Ra’y, ha eguejy pe kurusúgui.

Matéo 27:63

Ha he’i ichupe hikuái: Karai, oremandu’a ningo, pe oporombotavýva oikove ramoguare gueteri he’i hague: Mbohapy ára rire aikove jevýta.

Márcos 14:58

Ore rohendu Ha’e he’i ramoguare: Che aitypáta Ñanderuete rogaguasu, kuimba’e rembiapokue ha mbohapy árape amopu’ã jevýta ambue, ndaha’éiva kuimba’e rembiapo.

Márcos 15:29

Ha umi upérupi ohasáva oñe’ẽ vai ichupe, ombovava iñakãnguéra ha he’i hikuái: Nde piko, pe reitypátava Ñanderuete rogaguasu ha mbohapy árape remopu’ãmba jevýtava.

Márcos 8:31

Ha Hesu oñepyrũ ombo’e ichupekuéra pe yvyarigua Ra’y (Hesu Crísto) ohasa asyva’erãha, umi karai anciáno (sanedrín) ombohasa asytaha ichupe; pa’i ruvichakuéra ha kuatia haihára ojukaukataha ichupe, ha mbohapy ára rire oikove jevyva’erãha.

Juan 11:25

Upérõ Hesu he’i ichupe: Che ningo pe jeikove jevy ha pe tekovete. Oimeraẽ ojeroviáva guive cherehe, omano ramojepe, oikove jevyva’erã.

Juan 5:19

Hesu katu ombohovái ichupekuéra, he’ívo: Añetehápe, añetehápe, ha’e peẽme, pe Ta’ýra ijehegui rei ndaikatúi ojapo mba’eve, pe ohecháva Itúva ojapóvamante; opaite mba’e Ha’e ojapóva ningo, Ita’ýra ojapo avei.

Apostolkuéra 2:24

Ñanderuete katu omoingove jevy ichupe, ku kuña imembymbotáva ohasa asy háicha imemby hag̃ua, péicha Hesu ohasa asyeterei avei, umi ñemano sã jára katu ndaikatúi ojoko ichupe.

Apostolkuéra 2:32

Ñanderuete voi omoingove jevy Hesu Crístope, ha ore roikóma opaite ko’ã mba’e techahare ramo.

Apostolkuéra 3:15

ha pejuka pe tekove Járape, Ñanderuete katu omoingove jevy ichupe omanova’ekue apytégui, ha ore ningo opaite ko’ã mba’e rechaharekuéra.

Apostolkuéra 3:26

Peẽme g̃uarã raẽ katu Ñanderuete omopu’ãva’ekue Ita’ýrape, peẽ pejehovasa hag̃ua Ha’érupi, pejei hag̃ua pende rape vaígui ha pende reko vaígui (Matéo 1,21)

Apostolkuéra 6:14

ore ningo rohendu ha’e he’i hague Hesu, pe Nazaretgua, ombyaitaha ko ogaguasu kóva ha omoambuetaha umi jepokuaa Moises ome’ẽmava’ekue ñandéve.

Romayguakuérape 4:24

Ojehai avei ñanderehehápe, ñande jajerovia hag̃ua avei Ñanderuete rehe, ha jaguerovia hag̃ua avei Ha’e omoingove jevy hague Ñandejára Hesúpe omanova’ekue apytégui.

Romayguakuérape 6:4

Ñande ñañeñotỹmava’ekue Crísto ndive pe bautísmo rupi iñemanóme, ha Ñanderuete pu’aka omoingove jevy haguéicha Hesu Crísto omanóva apytégui, upeichaite Ha’e oipota ñande jaikoveñaína (tapia g̃uarã) Pytu Porãmbáva pu’aka poguýpe.

Romayguakuérape 8:11

Ñanderuete Pytu Porãite omoingove jevýgui Hesu Crístope omanova’ekue apytégui, katuete Ha’e omoingovéta avei pende rete te’õngueguigua Ipytu Porãite rupi, Ha’e oikovégui avei pendepype.

1 Corintoyguakuérape 15:12

Oñemombe’u ramo Hesu Crísto oikove jevy hague omanóva apytégui, mba’éicha piko oime he’íva pende apytépe: Umi omanova’ekue noñemoingove jevymo’ãiha.

Colosayguakuérape 2:12

ha péva ojehu peẽ peñeñotỹgui hendive, pe bautísmo rupi. Ha’érupi peẽ penace jevy pejeroviágui Ñanderuete pu’aka tuichaitéva rehe ha Ha’e omoingoveva’ekue Hesu Crístope omanómava apytégui.

1 Pédro 3:18

Hesu Crísto ohasa asyeteva’ekue peteĩ jevy (ñane) angaipa rehehápe, pe Heko porãitéva ñane angaipavóra rehehápe, ñandegueraha hag̃ua Ñanderuete rendápe; añetehápe ho’o omano, Ipytu Porã katu oñemoingove jevy.