Juan 2:11

Ñanderuete Ñe’ẽ Porã 2015

Ko mba’e Hesu ojapo techaukaha ramo oñepyrũvo hembiapo Cana, Galiléa peguápe, upéicha ohechauka ijyvága reko jajaipa ha hemimbo’ekuéra ojerovia hese.

Referencias Cruzadas

1 Réyes 17:24

Upémaramo pe kuña he’i Elíaspe: Ko’ág̃a che aikuaáma nde Ñanderuete remimbouha, ha Ñanderuete ñe’ẽ añetegua oĩha nde jurúpe.

Salmokuéra 72:19

Upévare toñemomba’eguasu héra opaite árape, ha yvy tuichakue tahenyhẽ heko jajaipágui. Taupéicha, taupeichaite.

Salmokuéra 96:3

Peikuaauka Ñanderuete reko jajaipa tetãnguérape, ha mayma tetã tohendu hembiapo techapyrãva.

Éxodo 14:31

Ha Israel ohecha Ñanderuete oñemoĩ hague Egiptoyguakuéra rehe ohundipávo ichupekuéra; upéramo Israelguakuéra okyhyje Ñanderuetégui ha ojerovia Ñanderuetére ha oguerovia hembiguái Moiséspe.

Éxodo 4:9

Ko’ã mokõi techaukaha rupi ndogueroviái ramo ha nohendúi ramo hikuái ne ñe’ẽ, reguenohẽta y ysyrýgui ha reñohẽta yvýpe; ha pe y reguenohẽtava ysyrýgui oñemoambuéta ha oikóta ichugui tuguy yvy ape ári.

Eclesiástes 9:7

Tereho ha he’u ne rembi’u vy’apópe, ha embo’u ne víno py’a rorypópe; umi ne rembiapo ombohoryete Ñanderuetépe.

Isaías 40:5

Upéramo Ñanderuete ohechaukáta heko jajaipa, opaite yvyariguakuéra ohecha hag̃ua; Ñanderuete juru he’iva’ekue voi opa ko’ã mba’e.

Malaquías 2:2

Peẽ napeneñe’ẽrendúi ha napeñemomirĩri ramo chemomba’eguasúvo, he’i ángel atykuéra Jára, amondóta pende ári maldicion ha amaldecíta pende jehovasa, peẽ napeñemomirĩrigui.

Juan 1:14

Ha pe Ñe’ẽ oñemboho’o ha oikóma ñande apytépe kuimba’e ramo, ha ore rohecha heko jajaipa, Ñanderuete Ra’y peteĩetéva reko jajaipa, henyhẽva jeporiahuvereko (mborayhu) ha añeteguágui.

Juan 1:17

Umi tembiapoukapykuéra oñeme’ẽva’ekue Moises rupi, pe jeporiahuvereko ha pe añetegua katu oñeme’ẽ Hesu Crísto rupi.

Juan 1:43

Ára ambuépe Hesu Crísto ohokuévo Galiléape ojohu Felípepe ha he’i ichupe: Eju che rapykuéri, chemoirũ hag̃ua.

Juan 1:50

Hesu katu he’i ichupe: Che ha’e haguére ndéve, rohecha hague pe hígo máta guýpe piko, rejerovia. Mba’e tuichavéva ko’ã mba’égui ningo rehecháta gueteri.

Juan 10:41

Heta oúva hendápe he’i: Añetehápe, Juan ndojapoiva’ekue mba’eveichagua milágro, opaite mba’e Juan he’iva’ekue katu ko kuimba’e kóva rehe hi’añete.

Juan 11:15

Ha avy’a penderehehápe naiméi hague upépe, péicha iporãvégui peẽme g̃uarã peguerovia hag̃ua, ko’ág̃a katu jaha hendápe.

Juan 11:47

Upérõ umi pa’iguasu ha umi fariséo ruvicha ohenói opaite 71 karai ancianokuérape ha he’i hikuái: Mba’e piko jajapotañaína pe kuimba’e péva ningo ojapo heta milágro.

Juan 12:18

Upévare umi tetãygua osẽ avei ohug̃uaitĩ hag̃ua ichupe, ohendúgui Ha’e ojapo hague pe milágro péva.

Juan 12:37

Hesu ojapo ramojepe heta milágro opavave renondépe, ndojeroviái hikuái hese.

Juan 12:41

Ko’ã ñe’ẽ ko’ãva Isaías he’iva’ekue ohecha rire Hesu Crísto reko jajaipa ha hese oñe’ẽ.

Juan 14:13

Ha opaite mba’e peẽ pejeruréva che rérape, upéva Che ajapóta avei. Che Ruete oñembotuicha hag̃ua chérupi.

Juan 16:27

Pe Tuvaite voi ningo penderayhu, peẽ cherayhúgui ha pegueroviágui Che aju hague Ñanderuetégui.

Juan 16:30

Ko’ág̃a roikuaa Nde reikuaaha opaite mba’e, ha natekotevẽi ore roporanduve ndéve, upévare ore roguerovia Nde resẽ hague Ñanderuetégui.

Juan 2:1

Ha mbohapy ára haguépe oiko menda pe táva Cana, Galiléa peguápe ha upépe oĩ avei Hesu sy.

Juan 2:23

Hesu Crísto oĩ ramo Jerusalénpe pe páscua aretépe, heta ojeroviáva hesete voi, ohechávo umi techaukaha Hesu ojapóva.

Juan 3:2

Nicodémo ou pyhare jave Hesu rendápe, ha he’i ichupe: Mbo’ehára, ore ningo roikuaa rejuha Ñanderuetégui reporombo’e hag̃ua, avavete ndaikatúigui ojapo ko’ã techaukaha (señal) Nde rejapóva, Ñanderuete oĩ’ỹrõ hendive.

Juan 4:3

Hesu osẽ Juda departaméntogui, ha oho jevy Galiléape.

Juan 4:46

Ha Hesu og̃uahẽ jevývo Cana, Galiléa peguápe, Ha’e ojapo haguépe ýgui víno, peteĩ tetã ruvicha rembiguaiguasu ou Hesu rendápe, ita’ýra hasýgui Capernaúmpe.

Juan 4:54

Ko milágro kóva ningo Hesu ojapova’ekue, og̃uahẽ riréma Judágui Galiléape.

Juan 5:23

Opavave omomba’e hag̃ua pe Ta’ýrape, oñemomba’e háicha Ñanderuetépe. Upe omomba’e’ỹva Ta’ýrape, nomomba’éi avei Ñanderuetépe, Ha’e voi ombou Ita’ýrape ko yvy ape ári.

Juan 6:14

Umi kuimba’e ohechávo Hesu ojapoha milágro he’i hikuái: Añetehápe, kóva ningo pe proféta ouva’erãva ko yvy ape ári.

Juan 6:2

Hetaiterei hetãyguakuéra oho Hesu rapykuéri, ohechágui umi techaukaha ha milágro Ha’e ojapova’ekue, omonguerávo umi hasývape.

Juan 6:26

Hesu ombohovái ichupekuéra ha he’i: Añetehápe, añetehápe ha’e peẽme, peẽ ningo chereka ndaha’éi pehecha haguére umi milágro, pe’u haguére uvei pe pan ha peneryg̃uatã haguérente uvei.

Juan 6:30

He’i hikuái ichupe: Ikatúpa rehechauka oréve peteĩ milágro rojerovia hag̃ua nderehe.

Juan 7:31

Hetami Israelgua ojerovia hese, ha he’i hikuái: Pe Crísto ou ramo piko ojapo hetavéne milágro kóva ojapova’ekuégui.

Juan 9:16

Fariseokuéra apytégui oĩ umi he’íva: Pe kuimba’e péva ndaha’éi Ñanderuete reheguáva, nomomba’éigui sábado ára. Ambuekuéra katu he’i: Mba’éicha piko kuimba’e heko vaíva ikatu ojapo koichagua milágro. Ha oñoñe’ẽapi hikuái.

2 Corintoyguakuérape 3:18

Upéicharamo opavave ñande, ahoja’ỹre ñama’ẽ Hesu Crísto reko jajaipa rehe espéjope ramoguáicha ha ñañemoambueve jahávo Hesu Crísto reko ojajaipávape, péva katu Ñanderuete rembiapo.

2 Corintoyguakuérape 4:17

Umi mba’e ore rohasavaroína ivevúi, rohasa asy ramojepe, roikuaágui uperire roguerekotaha hetave teko mimbipa ha vy’a añeteguáva.

2 Corintoyguakuérape 4:6

Ñanderuete he’i voi ikuatiañe’ẽme: Pytũhágui tohesape pe tesape, (Génesis 1,3). Ha’e voi ohesape avei ñande py’apy jahechakuaa hag̃ua Ñanderuete reko jajaipa Hesu Crísto rova rupi.

Deuteronómio 5:24

pejékuri: Ñanderuete ohechauka oréve heko jajaipa ha ipu’aka, ha rohendu iñe’ẽ tata mbyte guive; pe ára pévape rohecha Ñanderuete ikatuha oñe’ẽ tata mbyte guive avave omano’ỹre.

1 Juan 5:13

Upévare che ahai peẽme, pejeroviáva guive Hesu Crísto rehe, peikuaa porã hag̃ua peguerekoha pe tekove tapia g̃uarãva.