Juan 19:9

Ñanderuete Ñe’ẽ Porã 2015

Ha Piláto omoinge jevy rire Hesúpe hogaguasúpe, oporandu ichupe: Mamogua piko Nde. Hesu katu nombohováiri ichupe mba’evete.

Referencias Cruzadas

Isaías 53:7

Oñembosarái ramojepe hese ha Ha’e oipy’apy vaiete ramojepe, Ha’e ndoipe’ái ijuru, ku ovecha ra’yrusúicha ojegueraháva ojejuka hag̃uáme okirirĩete avei; ha ku ovecha oĩ háicha iñapĩhanguéra renondépe, okirirĩete ha ndojejurupe’ái.

Matéo 26:63

Hesu katu okirirĩ. Ha pe pa’iguasu he’i ichupe: Che romoñe’ẽme’ẽ Ñanderuete oikovéva rérape, ere hag̃ua oréve ndépa pe Crísto, Ñanderuete Ra’y.

Matéo 27:27

Uperire pe tetã sãmbyhyhára tahachikuéra ogueraha Hesúpe isoldádo ruvicha rogaguasúpe, ha upépe ombyatypa ijerekuévo pe soldádo aty.

Lúcas 23:9

Heródes oporandu heta mba’e Hesúpe, Hesu katu nombohováiri mba’evetépe ichupe.

Juan 18:28

Upérõ ojegueraha Hesúpe Caifas rógagui Piláto rogaguasúpe, ko’ẽmbáma ramo, umi Judaygua katu ndoikéi Piláto rogaguasu ryepýpe ani hag̃ua oñemongy’a, ikatu hag̃ua ho’u pe páscua rehegua tembi’u.

Juan 18:33

Upérõ Piláto oike jevy hogaguasúpe, ohenoiuka Hesúpe ha oporandu ichupe: Nde piko Judayguakuéra ruvicha.

Juan 18:34

Hesu ombohovái Pilátope: Ndépa reporandu ko mba’e ndejeheguínte, térãpa ambuekuéra he’íra’e ndéve ko mba’e kóva cherehe.

Juan 18:37

Upéramo Piláto he’i Hesúpe: Péicha ramo piko Nde avei peteĩ tetã ruvicha. Hesu ombohovái ichupe: Peichaite, Che ningo peteĩ tetã ruvicha. Pévarã Che anaceva’ekue ha aju ko yvy ape ári amombe’u hag̃ua pe añetegua. Ha opaite umi ohayhúva guive pe añetegua, cherenduva’erã.

Juan 19:10

Upérõ Piláto he’i ichupe: Nde piko nereñe’ẽvéi chéve. Ndereikuaái piko chepu’akaha romosãingouka térã apoiuka hag̃ua ndehegui.

Juan 19:8

Ha Piláto ohendúvo péva, okyhyjeve katu.

Juan 8:14

Hesu katu ombohovái ichupekuéra he’ívo: Che apyta ramojepe che rechaharetee ramo, che ñe’ẽ hi’añete, Che aikuaa moõguipa aju ha aikuaa avei moõpa Che aháta. Peẽ katu ndapeikuaái mávaguipa Che aju, ni mo’õpa Che aháta.

Filipoyguakuérape 1:28

Ani pekyhyje mba’evetégui umi penderehe oñemoĩvagui; umi oñemoĩva Ñanderuete rehe oñehundíta katuete ha umi oguatáva Ñanderuete rapére katuete ojesalváta, ha mokõivéva Ñanderuete rembiaporã.

Juéces 13:6

Ha pe kuña omombe’upa iménape, he’ívo: Peteĩ kuimba’e ou che rendápe, ojoguaiterei peteĩ yvága rembiguáipe, ñanemongyhyje reheguáva; ha naporandúi ichupe mamoguápa ni mávapa ha’e, ha nde’íri chéve héra.