Juan 19:7

Ñanderuete Ñe’ẽ Porã 2015

Umi Judaygua oñembyatýva ombohovái Pilátope: Ore ningo roguereko peteĩ tembiapoukapy, ha ko ore rembiapoukapy rehe Ha’e omanova’erã, Ha’e voi ojejapógui Ñanderuete Ra’y ramo.

Referencias Cruzadas

Isaías 53:4

Añetehápe Ha’e ogueraha ñane mba’asykuéra, ha ohasa avei ñane rembiasa asy; ñande katu ñaimo’ã Ñanderuete omboyke, ohavira ha omotĩndy hague ichupe, (Hesu Crísto).

Levítico 24:16

Ha upe omaldecíva Jahve (pende Ruete) réra ojejukava’erã; mayma ijatýva guive ojapiva’erã ichupe itápe, omano meve; péicha opaite tetã ambueygua térã Israelgua, oñe’ẽvai ramo pende Ruete réra rehe, katuete omanova’erã.

Márcos 15:39

Pe soldádo ruvicha oñembo’ýva Hesu renondépe, ohechávo mba’éichapa Hesu omano, he’i: Añete ningo, ko kuimba’e kóva Ñanderuete Ra’y ra’e.

Juan 19:8

Ha Piláto ohendúvo péva, okyhyjeve katu.

Juan 5:18

Upévare umi Judayguakuéra oñeha’ãmba ojuka hag̃ua Hesúpe, Ha’e nomomba’éi haguére pe sábado ára, ha he’i haguére avei Ñanderuete ituvateeha, Ha’e oñembojojávo péicha Ñanderuete rehe.

Apostolkuéra 18:13

Ha he’i hikuái: Ko kuimba’e kóva ombo’e tetãyguakuérape omomba’eguasu hag̃ua hekope’ỹ Ñanderuetépe.

Romayguakuérape 1:4

Ipytu Porã katu Ha’e Ñanderuete Ra’y voi. Pytu Porãmbáva pu’aka omoingove jevyva’ekue Hesúpe omanova’ekue apytégui.

Deuteronómio 18:20

Oimeraẽ proféta he’íva ijehe oñe’ẽha che rérape, ha ndaupeichaiha, térã oñe’ẽ ramo ambue jára rérape, upe proféta gua’u katuete omanova’erã.