Juan 19:6

Ñanderuete Ñe’ẽ Porã 2015

Umi pa’iguasu rembiguái ha tahachikuéra ohechávo Hesúpe osapukái joa ha he’i hikuái: Emosãingo kurusúre, emosãingo kurusúre. Upérõ Piláto he’i ichupekuéra: Pegueraha katu peẽ ha pemosãingo ichupe kurusúre, che ningo ndajohúi hekovépe mba’evete ivaíva.

Referencias Cruzadas

Matéo 26:58

Pédro katu oho hapykuéri, mombyry guive, pe pa’iguasu róga korapy peve, ha oike oguapy umi soldádo apytépe, ohecha hag̃ua mba’épa oikóta ha ojejapóta (Hesu rehe).

Matéo 27:22

Ha Piláto he’i ichupekuéra: Ha mba’e piko ajapóta Hesúgui, hérava Crísto. Ha osapukái joa hikuái he’ívo: Emosãingo ichupe kurusu rehe.

Matéo 27:24

Ha Piláto ohechávo, mba’eve nosẽi hague ha’e oipota háicha, ha apañuãi oikotaha, ogueruka y ha ojepohéi tetãyguakuéra renondépe, ha he’i: Che ánga ipotĩ ko heko potĩva ruguýgui. Pejehecha peẽ pendejehe.

Lúcas 23:4

Upérõ Piláto he’i pa’i ruvichakuérape ha umi ijatývape: Mba’eveichagua mba’evai ningo ndajohúi ko kuimba’e kóva rehe.

Juan 18:3

Upépe Júdas og̃uahẽ avei soldádo aty, mburuvicha rembiguaikuéra ha fariséo remimondokuéra ndive, ha ogueraha hikuái hata’yrendy, imyendyha avei iñorãirõ rembiporukuéra reheve.

Juan 18:31

Piláto katu he’i: Pegueraha ichupe ha pembojovake ichupe ikatuha peve pene rembiapoukapy rupi. Upérõ he’i hikuái ichupe: Ndaijái oréve ore rojukauka avavépe.

Juan 18:38

Upérõ Piláto oporandu Hesúpe: Mba’e piko añetegua. Ha oñe’ẽ rire péva, osẽ jevy Judayguakuéra rendápe ha he’i ichupekuéra: Che ningo ndajohúi mba’eve ivaíva hekovépe.

Juan 19:15

Upémaramo Judayguakuéra osapukái joa: Eraha, eraha ha emosãingo ichupe kurusúre. Piláto katu ombohovái ichupekuéra: Che piko ajukaukáta pene retã ruvichápe. Umi pa’i ruvichakuéra katu ombohovái ichupe: Ore roguereko peteĩnte mburuvichaguasu, oguapýva Róma retã ruvicha guapyhaguasúpe.

Juan 19:4

Ha Piláto osẽ jevývo okápe he’i umi oñembyatývape: Peikuaa porãke, agueru ningo ichupe peẽme okápe ndajohúigui hekovépe mba’eveichagua mba’e ivaíva.

Apostolkuéra 2:23

Ko Hesu kóvape Ñanderuete voi omoĩva’ekue pende pópe, ha Romayguakuéra rupi, oikuaa’ỹva Moises rembiapoukapykuéra, peẽ peclavava’ekue ichupe kurusúre omano hag̃ua. Opaite ko’ã mba’e Ñanderuete oikuaa porã voi oiko mboyve, ojehu katu Ha’e oipotágui.

Apostolkuéra 7:52

Opaite profetakuérape pende rukuéra ombohasa asyva’ekue, ha ojuka hikuái umi he’iva’ekuépe pe Heko Porãva outaha, ichupe peẽ ko’ág̃a peipy’ajoyvy (petraiciona) ha pejuka.